الجزء الثاني (2)

غابت الشمــس بيومها..

اظلــمت الدنـيا وبدا الحطب يشتعل بين الفلتين ..

عامر ميود مي من جتفها ويايبنها وين الكل متيمع .. وهو ف دربه شات مروان

مروان: والله اعطيك واحد راشدي .. اطير كشتك هناك ..

عامر: يارب احفظ لي اياها .. ف الجميع يحسدني على ما لا يملكون

مايد: على هـ الوصخ اللي ف شعرك ..

عامر: قم قم .. سو درب عمتيه بتيلس ..

مي شلت اديه عن جتفها: قم منااااااك

عامر: افاااااا ..

مي: والله كسر لي عظامي ..

عامر: انا كسرت عظامج .. انتي روحج سلق ..

عليا شخطته بالخيزرانه: ما تتأدب انته

عامر: آآآآآآي .. شو سويت ..

عليا: يوم يقولولهم ذاكروا ما يذاكرون .. حق المصاخه اتشوفينهم اول الناس ..

عامر فاتح عينه وواقف: سعيد ..

سعيد: هلا حبيبي ..

عامر: كنت اقول ان فيها شي مب طبيعي بس الحين اتأكدت .. امك استخفت وقعدت .. باجر اذا عرست مب اتيلس حرمتك عندكم ف البيت .. الا اذا ماحبيت اتكمل حياتك وياها لاقدر الله .. انا قلت لك مب اتقول لي ما خبرتني .. اللهم بلغت اللهم فاشهد .. ونفض اديه .. امك خلاص ف بدايه الخرف

وهـ المره صدق شخطته على ظهره وبالقو ..

عامر: عموووووووووووووووووووووه شفيييييييييج انتي .. حالاتكم النفسيه هاي لا اظهرونها عندنا .. سيرو اتعالجو يابوي .. والله .. عيال محمد كلهم مستخفين

سيف: والله انك ما تستحي على ويهك .. انا اللي يقولون ان لساني اطويل .. ما اجرأت وقلت هـ الرمسه ..

أحمد توه ياي : سلااام ..

عامر: وعليكم ..

عليا: ابوهم اخس عنهم .. وين تبونهم يعتدلون ..

أحمد : عوذ بالله .. وانا وين ما اسير هـ الثنينه مسودين ويهي ؟

عامر: اسمح لي الغالي هـ المره روحك سودت ويهك ..

أحمد: ليش ؟

عامر: ياي عند عليا بنت محمدحرم خالد سعيد .. اتقول لها سلام .. شو جايف عمتيه .. يهوديه ؟

أحمد كفخه على راسه: اثبر انته وانطم اشوف ..

عامر حاط ايده على راسي: ان رسبت محد يلومني.. ابوي رايح راد يكفخ فيا .. تقولون مستأجر حمار وانا مادري

منصور: والحمار يستأجرونه ؟

مروان: تراه كمن يوم وبينجلب لـ ثور .. عشان جذه يقولك مستأجر كنايه على انها فتره مؤقته

عامر: تعجبني بن عمي .. فديت خشمك والله شكلك مذاكر العربي من خاطرك تعرف الكنايه بعد هاه .. يا خطييييييييير  انته ..

ضحكوا على عامر اللي بدا يستهبل .. شوي وصخو كلهم يوم سمعوا صوت ياهل ياي من ورا

كنت شالتنه وهو ظايع بالجاكيت ويصيح .. مادري اذا كان مضايج من الجاكيت والا انه بردان .. او خايف من الويوه اللي جدامه

شمه مبتسمه : يبيييييييييييه صوبي ..

حارب: الولد روحه يصيح تبينه يجوف ويهج بعد .. بالمره مابيخليي شيخو ترقد اليوم

لاول مره .. شموه تنش بدون لا تسوي سالفه لـ حارب .. ييت صوبي وشلت ثنوي عني

شمه: يا ربيييييييييييي اعشششششششق اليهال ..

سيف: من زمااااااااااااان ما شفنا ياهل ف البيت ..

عامر: عشان جذه بيتكم مافيه بركه ..

منصور: لا والله ؟

عامر: هيه .. لا شيبه ولا ياهل .. اكبرنا عمي بدر واصغرنا جبل طارق..

مروان: جبل طارق صدق وينوه.. احس اني مب جايفنه من زمان ؟؟

عامر: ها دليل على انك مذاكر من الخاطر .. شوفي عموه ..مروان من كثر ما درس وشد حيله ناسي متى شايف طارق آخر مره

مروان: والله ماذكر

عامر: يعني طارق اذا ما كان ف البيت وين بيكون ؟؟ شالنه سعيد ومتوهق به ..

مروان: هيييه مادري وين يوديه ..

سعيد اطالعه بطرف عينه: ماتدري وين اوديه ؟

عامر: حسيت بن عمي ؟  وجنه يقول  انكم تغازلون ف الجمعيه

مي: ههههههههه الله ياخذ بليسك .. ف الجمعيه عاد ..

عامر: عمو والله اذا تبين تعرسين سيري الجمعيه .. مغازل على كيف كيفج ..

مي فاتحه عينها : احمد .. ها ولدك ابدااااااااااا ما يستحي على ويهه ..

أحمد: من زمان .. توج تدرين ..

عامر: هههههههههههههه ها بدال ما ادافع عني ؟؟

أحمد: ما تستاهل .. لو أول مره تغلط كنت بفكر اني ادافع عنك .. بس كل ماسير مكان القى لي واحد والا اثنين عاقين عليه رمسه بسبتك .. ما تقول لي ليش ادافع عنك ؟

عامر: شكرا ع الاهانه يا أبا عبدالله

حارب: ايه ايه انتي.. شوي شوي على ولد اخويه ..

عامر: خلها خلها .. حليلها من زماان مب شايفه ياهل ف البيت على قولت سيف..

سيف: صدق والله .. يببييه شوي بشله ..

شمه مااااااابا ..

حارب: مب على كيفج ..

شمه: ولا على كيفك ..

حارب: الله .. ولد اخويه ..

شمه: ولد اخووك مب ولدك ..

حارب: عمو تبينها هاي ..

عليا: لا نش ادفنها ..

وحارب ما جذب خبر شل دبه الماي وفرها على ظهرها ..

شمه تصرخ : يالخسسسسسسف .. وقام ثاني يصيح

سيف: اسمحي لي بنت عمتيه .. اول مره اختلف معاج ف نقطه .. هذا خسف !

مروان: الجيناوي .. امسات كنا سايرين الستي غازله واحد .. جان يقول له حروب ايه انا ريال

عامر: من شده بياضه .. يتحسبونه مسبح بـ كلوركس وانتي تقولين عنه خسف ..

مروان: تقولين بنيه من جماله

والكل ضحك عليهم

حارب: لا والله . .!

منصور: حروب .. انته يوم تشرب الماي .. ما يبين وهو يجري ف عروجك ؟

أحمد : جيييه الحور العين

عامر: هذا الحور الطين هذا

سيف: ايييييه والله حرام عليج .. جوفيه كيف يصيح .. يبيه ..

شمه :ما يبااااك ..

سيف: يبيه انتي ..

شمه: اففف زين تعال شله ..

سار سيف صوب شمه .. وشل عنها ثنوي .. وهي استسلمت وعطته مب عشان سيف .. بس لانها تعورت صدق من الظربه اللي يتها من حارب ..

ابتسم سيف عقب ماشله .. سار صوب عليا ومي .. ويلس هناك وهو مقطع ثنوي بووس

عامر: حرامي جوفوه وين يلس يعرف ان محد يقدر يسحبه من اديه وهو هناك ..

مي: فدييييييييييييييييييييييييييته .. كيووووووووووت

سيف: خدووده حمر ..

مي: برد عليه .. حرام عليج شواخ ليش امطلعتنه ..

شيخه: لاعت جبده وهو مجابل ويهي وويه مهره .. واذا غير جو بتشوفينه مجابل ويه حارب وراشد ..

عامر: على آخر اسمين طريتيهم .. اقتنعت ان الولد صدق لاعت جبده ..

سيف: عن يسمعك حارب بس ..

عامر صد وراه : وينه اصلا .. بسم الله توه كان هني

صوب الباب اللي يدخلك الفله من ورا .. ييت شمه بتدخل سمعت صوته وهو يزقرها ..

شمه: بسم الله .. شو يايبنك انته ..

حارب: تعالي .. بسألج سؤال

شمه: نعم؟

حارب: زعلتي ؟

شمه: من ؟

حارب: عن الاستهبال قولي ..

شمه: قصدك من الضربه ..

حارب: هييه ..

شمه: لا ..

حارب: قولي والله ..

شمه : والله .. ابتسمت .. بس اتعورت اشوي ..

حارب: زين أنا آسف

شمه: قممم زييين ..

حارب: والله ماكان قصدي .. وابتسم ابتسامته اللي تخليك تترك كل شي حولك وتتأمل ملامحه

شمه حطت ايدها على خدها: انزين وبعدين ..

حارب: ماشي ..

شمه صدت وراها .. وردت اطالعت حارب: انا اقوووووووول لو اتسير اتكمل يلستك برع احسن لك.. يا قليل الادب ..

ضحك حارب .. وسار .. وعيون ثانيه سارت وراه ..

ف الحديقه

وصل راشد .. وسار صوب عليا وحب راسها

عليا: والله عيال بدر اخويه استخفو وقعدوا ..

راشد: وليش ما تقولين عقلوا وتأدبوا ..

مروان: تدري ان العقل والادب غاسلين اديهم منا ..

راشد بصوت واطي: شو نسوي يا عمتي العزيزه .. شرات ما تشوفين .. لا ام ولا ابو مهتمين بذمتج منو بيأدبنا وبيعقلنا ..

عليا كفخته على راسه:والله انك ما تستحي ولا تخيل يا رشود

راشد: اذا ألفنا رمسه قلتوا عنا قله ادب .. واذا قلنا الصدق قلتوا ما تستحون .. يا أخي ما عرفنا لكم..

منصور: يا أخي قم عنها قبل لا تفلعك ..

حارب توه ياي: بتسيرون البر ؟

سيف: انت وين سرت شميت ريحه البر وييت ..

حارب: والله من زمان ما سرنا

عامر: اصبر بنخلص امتحاناتنا عقب بنسير..

حارب تربع: عمي احمد

أحمد: هلا ..

حارب: اذا ولدك نجح له مني وعد آخذ له اللي يباه .. ورفع ايده .. بس هاه

عامر: قلت انا .. حروب الزطي وين بيدفع ..قول قول شروطك اللي بتخليني اغير رايي

حارب: جب انته ..

مي: كمل انزين .. هاه شو ؟

حارب: يختار شي على قدي ..

عامر: كيف يعني على قدك ؟ .. انت فيك طول بس مافيك عرض .. لالا والله ما يستوي حروب ..

حارب يضحك: والله بتنظرب .. انا اقصد على قد راتبي ..

عامر :اها .. انزين وانت كم راتبك ؟

حارب: وانته شو يخصك  .. يوم بتختار بشوف اذا يناسب راتبي والا ..

عامر: هاه هاه .. بدينا بحركات عيال بدر .. يوعدون ويخلفون ..

راشد فره بالكلنكس: انته ايه .. نلعب وياك نحن ..

عامر: ماتشووف اخوك عيل .. غشاش والله ما يطيع يقول كم راتبه .. باجر اذا اخترت شي وحس عمره اتوهق بيقول لي ماقدر .. عطني كلمه ريايل حروب ..

حارب: والله باخذ لك اللي تباه بس بسعر معقول معقول ..

عامر رفع اديه: يارب يارب يااااااااارب .. قولوا يارب ..

والباجين وياه .. يااااارب ..

عامر :يااااااااااااااارب من اليوم لين ما تخلص السنه .. يالله يااارب  انك تكسر خاطرهم يا حروب ويرقونك ويدبلون راتبك ياااااااااااااااارب ..

مروان: هههههههههه لوتي والله .. ما يدعي لك لله ..

سيف: هذا اصلا متى فكر ف حد .. همه نفسه وبس ..

مايد: انزين .. بتاخذ لـ عامر اللي يباه ونحن ان شاء الله !

حارب: انا بس باخذ حق عيال الثنويه اللي هم سيف وغانم وشموه ..

مايد: لا والله .. وعمور على راسه ريشه ان شاء الله ؟

منصور: اشمعنى يعني ..

حارب: لانه اول مره في حياته يأجل شي دنيوي مقابل دراسته ومستقبله ..

عامر هلك من الضحك: والله طفس طفس اخوكم .. قم زين مابا منك شي ..

حارب: قلت شي غلط انا ؟

عامر: شو مأجل شي دنيوي .. جايفني شو كل يوم والثاني اتواعد ويا وحده .. يعني لو وعدت سيف بسبب هـ الجمله جان أيدناك ..

سيف فره بنعاله: ف عيييييينك عمى بعين عدوك قول آمين ..

مي: اييه كسرت ظلوع الولد حرام عليك ..

شيخه: سيف ممكن اتييبه ..

سيف لوا على ثاني: ماقدر مااااقدر .. والله انه امدفني ..

شيخه: امدفنك اتقوم اتكسره .. ييبه ..

سيف: فدييته والله ماقدر .. حبيته ..

مروان: عن اترقمه بس ..

سيف شل ثاني ويلسه ف حظن راشد: شوي بس بسير وبرد ..

ونش مروان وركض ..

سيف: لا ادش بيتكم .. اقدر ادش وراك بس مب متفيج ..

مروان: شو تبا انزين ..

سيف: اوقف مكانك بتعرف شو ابا ..

مروان: افكارك شيطانيه انته مابا مابا .. اخافك مواعد وحده اتيب لها ولد الحلال واتنش اتغلفني وتعطيني اياها ..

سيف يضحك: مالت عليييك .. ورد يركض وراه ..

راشد: ميانين والله .. وصد صوب ثاني .. وانته بلاك بعد ..

سكت ثاني وهو حاط صبعه ف ثمه واطالع راشد ثواني وعقبها صاح ..

عليا: الله ياخذ بليسك .. ياهل هذا جي تفتن عليه ..؟

شيخه: خايس تراه .. ونشت سارت صوبه ..ييبه ..

راشد: مابا ..

شيخه: اففف ييبه لا تعور لي راسي ..

راشد: خليه لا بيسكت ..

شيخه: حرام عليك والله شوفه يصيح من خاطره ..

راشد: ماقتله شي انزين ..

حارب: انتي تكلمين منو .. رشود اصغر عن ثنوي بـ شهرين ..

مي: فديته من الخاطر يصيح راشد حرام عليك ..

حظنه راشد وباسه: انزين آسف والله

عبدالرحمن توه ياي: سلامن عليكم ..

الكل: وعليكم السلام ..

شيخه: راااااااشد يبيه .. مب مفتيجه اعور راسي ولا متفيجه اعكر مزاجي زياده .. يبيه خلنا انسير داخل ..

راشد: لا لا اذا السالفه فيها عوار راس وتعكير مزاج .. انا بعد بيي وياج .. وسار وراها

حارب: اصلا حان وقت النوم اظن .. ! يلا مّيود قم ..

مايد: لا ماحااان .. بالعكس توها بدت السهره ..

مي: يلسوا وين سايرين تو الناس ..

حارب: بنسير نرقد ..

مايد بصوت واطي: قصدك بنسير نحضر المحاضره .. يا رجل يوم ان هني عله وهناك عله .. خلنا يالسين هني ابرك .. ع الاقل بنقدر اندافع عن حالنا شوي ..

حارب: قم قم انسير .. وانا من الصبح ضغطي مرتفع ويالله اعتدل مزاجي الحين .. ماباه يتعكر زياده

مايد: انته اتشوف جذه؟

حارب: هيه .. يلا انسير..

مايد: يلا ..

سوو طاف حق الكل وساروا .. اغلبهم ما استغربوا من حركة الاخوان.. لان عبدالرحمن صدق يعق عليك كلام ما تتحمله .. والكلام اللي عقه على شيخه مول مب حلو وجدام الكل بعد ..

..

أيام مرت .. تعود فيها ثاني على أهل البيت اكثر عن قبل .. صارت مهره كل حياته .. وهو صار كل حياتها

فتحت عينها للمره الرابعه وصدت صوب اختها وزقرتها..

شيخه من تحت اللحاف: مهررره ..

مهره: ان نش يا ويلج بشلج بفرج من البلكونه ..

شيخه: بل ؟

مهره: شواخ الله يخليج صخي تعرفينه هذا بالزور يرقد ..

شيخه: والله مشكلته .. يعني شو ماقدر ارمس وياج ولا اقدر ايلس وياج ولا اقدر

مهره: بس بس صخي .. شو تبين ..

شيخه: قومي يلسي ..

مهره: مابسير اييب لج شي لاني مب متفيجه انزل تحت ..

شيخه: مب متفيجه تنزلين تحت .. والا مب متفيجه اتشوفين اللي تحت

مهره: الاثنين .. خلصييني ..

شيخه:مايستوي لازم تيلسين ..

مهره: شيخووو.. اففف ويلست

شيخه: بسألج سؤال بس ..

مهره: بنش بعطيج كف وبرد ارقد .. انزيييييين  ..

شيخه: ما يستوي لااااااازم اشوف تعابير ويهج وانا اسألج

مهره: مالت عليج .. اسألي وخلصيني ..

شيخه: انزين بسأل بس لا تعصبين عليه ..

مهره: اذا سؤال سخيف مابا اسمعه ..

شيخه: افا ..

مهره: خلصيني شيخوو

شيخه: صدق صدق والله .. ماباج تقولين عني سخيفه وغبيه .. سؤال ف خاطري وابا اعرف جوابه ..

مهره: ياااربي خلصيني انزين بلا هـ المقدمات الطويله ..

شيخه غمضت عيونها وحطت اللحاف على ويهها : مهرو يعني انتي تحبينه ؟

سكتت شيخه وما لقت اي رد فعل .. شلت اللحاف شوي شوي وصدت صوب اختها .. ومن حطت عينها بـ عين اختها .. لقت علبه كلنكس على ويهها ..

مهره: حببببببج برص وداسج عفريت .. قولي آمين ..

شيخه: آآآآآآآآآآآآآآي ..

مهره: وووووووووووواحطبه ..

شيخه: بلاااااااااااج انتي ماقلت شي غلط انا ..

مهره: قومي طلعي برع ..

شيخه: زين خلاص خلاص آسفه ..

مهره: قوووووومي طلعي برررررررع ..

شيخه: خلاص بررررقد ..

مهره: ماباج ترقدين هني .. قووومي طلعي برع ..

شيخه: والله آسفه خلااااااااص .. ودفنت راسها ف المخده

من ورا الباب سمعته يقول لها

راشد: تبيني ايي اطردها من الحجره ..

شيخه: ف عيييييييييينك ..

راشد: بس لو تسمحين لي ادخل استاذه مهره ..

مهره تضحك: تعال ..

راشد دش واجدم من الشبريه: هـ الزعطوطه مب قادره عليها .. افا عليج انتي بس ..

ميودنها من قميصها ورا .. ويهزها ورا وجدام ومهره ناقعه من الضحك

مهره: ايه ايه خلها بس مافيا تتكسر .. روحها ميته ..

شيخه: ايييييييييييه هدنييييييي

راشد: تأدبي ولسانج هذا قصريه .. وكفخها على راسها .. ومره ثانيه لا تلعوزين اختي .. تفهمين .. وكفخها مره ثانيه على راسها ..

شيخه: يالخااااااايس

مايد توه ياي: شو عندكم ..

مهره: اكمللللت ..

مايد: بسوي عمري ما سمعت

مهره: طلعوو برع والله حرام عليكم الحين بينش ..

راشد يلس حذال شيخه: خله ينش.. يعني نحن انش على حشرته كل يوم عادي .. بس هو حرام ينش على حشرتنا يوم واحد ..!

مهره: كبررررررركم هو لااااه .. طلعو برع ..

راشد حط راسه ع الشبريه: ما بنطلع ..

مهره: رااااااااشد .. انا يايبتنك تسكت اختك .. تقوم انت تحشر الدنيا ..

راشد: والله صدقها اختيه .. من يوم ما هـ الزعطوط دش بيتنا .. نحن لا نشوفج ولا نيلس وياج ولانسولف وياج .. خله يحلف بس ..

مهره كفخت يبهتها: يااااااااا الله ..

مروان: اوووه يالسين عند مهره اليوم .. !

راشد: جفتي .. حتى مروان اللي رمسته ما تعييب امج وتخليها تطرده كل يوم والثاني برع يرقد ع الانترلوك لين تتكسر عظامه .. قال شي مفيد اليوم ..

مروان: قول احلف انت بس .. !

راشد: انت لو تخرجت .. وين بتسير ؟

مايد: هذا سؤال تسأله مروان .. صار له 4سنين وهو يقول لك بسير الشرطه ..

شيخه: ليش يعني ؟

مايد ظرب مروان على جتفه: خلاص جسمه تعود ع العقاب والرقاد برع ع الارض تحت المطر .. تشوفينه نص الليل عافد من الدريشه.. والا فاتح لج الباب بسلك  ف لو وظفوه عندهم الشرطه اظن بسهوله بيكتشف المجرمين وبيحلل لج الجرايم

شيخه: كل هـ الابداعات عندك وانا مادري..

مايد: بعدج ماشفتي شي .. احيانا يوم يفشل في محاولاته.. يصعد من الدري اللي برع يسير فوق البيت ومادري كيف يفتح لج الباب اللي فوق انا هذا اللي مستغرب منه .. وحليلي مره وحده افتح عيني اشوفه راقد حذالي وهو قبل ساعتين رايغينه روغ جلاب من البيت ..

مروان: والله دام انك اخوي حتى من الشرطه بيروغوني

مايد: ليش ؟؟

مروان: لانك مب كفو حد يأمنك على سر .. فضحت كل وسائلي التهريبيه .. فلنفترض جكتني امك يوم واحد ومحد طاع يقول لها كيف ادش .. مسكت شيخو وهددتها .. قالت يا تقولين او يا ...

شيخه بطرف عينها : او يا ..

مروان ابتسم: اللي هو .. المهم ونشت شيخو وقالت لها .. والله تلعن بو خامس يدي ويدك حزتها بتروغني انا وانته برع ..  وشيخو فوقنا

شيخه: لالا اطمن .. انا بخون ف راشد ولا بخون فيك .. كم مروان عندي انا ..

راشد: والله ..!

مروان: فديت خشمج والله ..

مهره: خلصتو اجوائكم الاسريه ..

مايد: والله اشتقنا حق هـ الاجواء

راشد يصرخ : وااااااااكرب راشداه ..وااااااااكرب راشداه ..

مروان: هدئ من روعك يا اخي .. لا كرب عليك بعد اليوم ..

راشد: لماذا ؟

مروان: لان اختك سوف تشلك وتفرك من البلكونه .. حزتها بنشوف شطارتك انته واساليبك التهريبيه

مهره: زين يوم حسيتوا .. نشو طلعو برع ..

راشد: بنطلع بس بتين ويانا ..

مهره: افف مب متفيجتلكم ..

مايد:والله قويه ..

مروان: حسييييت .. !

مايد: اففف ومب متفيجتلكم .. والله العظييييييييييم قويه ..هزززلت يا مااايد بدر

مروان: انزيييييييين يا مهروووه .. بنطلع نحن .. بس باااااجر اذا دورتيني ومالقيتيني اذكري هـ الجمله بس .. وسار صوب الباب ..

مايد: ليش بتموت ؟

مروان: لا بسم الله عليه .. بدش الدوره .. متفيج انا اموت عشان ثنوي .. !

ضحك راشد ونش .. مد اديه وسحب شيخه ..

راشد: بتييين الصاله ؟

مهره: زين زين بييي..

راشد: زين نترياااج عيل ..

وقف مروان ومايد حذاله .. وشيخه وراشد وراهم ..

مروان: أيعقل ما تراه عيني .. اما انه مجرد وهم

مايد: اظن انها دعابه .. يمكن قرينه ..

محمد: نعم .. !

راشد: والله حجرتنا "واشر على باب حجرتهم .. ورد صد صوب مهره ".. وهاي حجره خواتنا .. يعني انت اللي نعم .. !

محمد: طلعوا طلعوا برع كلكم ..

شيخه: مهره طالبتنك للنجده ..

محمد: ليش شو سويتوا بها ؟

مايد: ماسوينا شي .. بس اختك طفسه تحب النكد ..

محمد ظربه على جتفه : استح على ويهك ..

مايد: لا والله بيتنا اخترب وقعد .. هذا يقول استح ويظربني هذيج اتقول افف ومب متفيجه ..

مهره تضحك: ذل اخلااااااااااااااااااقي هذا ..

مايد يسوي عمره برئ : عشان تعرفين انا كيف حساس بس ..

مروان: ما تكسر الخاطر يلا طوف ..

شيخه: محمد..

محمد: هلا ..

شيخه: شوو عندك ويا مهره ..

محمد: مو شغلج .. وبند الباب ف ويهها ..

راشد: من البدايه قال طلعو برع  .. شحقى تتعنين وتسألين .. تحبين اتقفطين عمرج بس..

وساروا الاخوان ييلسون ف  الصاله اللي فوق ..

مروان: حرووب  يالس هني .. ومايا يشاركنا اتراحنا ..

حارب: اتقول اتراح .. بعد ليش تباني اشارككم المهزله ..

راشد طاح ع الكنبه وحط راسه جدام حارب: قاتلتي ترقص حافية القدمين بمدخل شرياني .. من اين اتيت وكيف اتيت وكيف عصفت بوجداني

حارب كفخه على يبهته: لوعت جبدي ويا غبارك هذا ..

راشد: شعرفك ف الطرب الاصيل

حارب فر جهاز التلفزيون واعتدل: تعالو انتو محمد شو عنده ويا مهرو ؟

مروان: والله جان سرت سألته .. كفايا ما جرا من اخوانك كفايه ..

ميثه توها يايه .. ووقفت عند اول الصاله ..

شيخه: هذي مرت محمد ييت .. اسألها شو عنده محمد ويا مهرو

ميثه: انا مايخصني .. ما ادخل بين الاخوان..

مروان: لالا مرت اخويه .. ما اتفقنا على هـ الشي ..

حارب: لا والله

وميثه تضحك ..

راشد: شو عندك ان شاء الله .. قاص ع الحرمه ..

مروان: ماشي .. بس اتفقت وياها ان ياها ولد اتسميه مروان ..

راشد: ومحمد صام صام وفطر على مروان .. !

مروان بطرف عينه: ليش ان شاء الله .. مب عايبنك اسمي ..

راشد: انت اعيبني اول عقب اسمك ..

مروان: هه .. تتمنى اننننته بس لو اييك ولد .. ياخذ مني ..

راشد: يلا يلا بسم الله على عيالي ..

مروان: صدق صدق بنت عمي لو ياج ولد مب مفكره تسمينه مروان ؟

ميثه اجدمت ويلست حطت ريل على ريل وردت عليه: لا طبعا ..

مروان حط المخده على ويهه : زين جذه اتقفطيييييني جدام الكل ..

شيخه: والله روحك قاص على عمرك ..

مروان: انزين .. باجر اذا دورتوني وما لقيتوني بتتمنون لو كنتو مسمين ولدكم مروان عشان اسمي ع الاقل يكون موجود بينكم ..

شيخه: انته شو بتموت ؟ كل ما قالوله شي قال باجر اذا مالقيتوني ..

مروان: باجر باجر يعني عقب ما اتخرج وانجح ان شاء الله ويطلع اسمي ف الشرطه .. ان شاااااااااااء الله

مايد: واتسير لنا 6  شهور نفتك من ويهك .. عقب اتينا ويهك اسوووووووود

مروان: سووود الله ويهك قول آمين ..

مايد: بسم الله عليه ..

حارب: وشو الحلو ف الشرطه عشان ما تكمل دراستك وتسير هناك ..

مروان: ياخي انا ويييييييين والدراسه وين والله ماصدق اخلص هـ السنتين انته تقول لي بعد ادرس ..

راشد: باجر بتعرس وبتيب عيال بتنتدم قد شعر راسك ..

مروان: لا اطمن حبوب .. راسي مافيه شعر عشان اندم ..

مايد اساند على مروان: والله اترقص من البرد ..

راشد رد يغني: قاتلتي ترقص حاااااااافيه القدمييييييين ..

مايد: ينعن ابو هـ الغبار .. حد قااااااااااال لي ارمس

حارب: ههههههه ميود تو الناس .. بعدنا ما سرنا البر

مايد: لا ف البر يكون حر ..

شيخه: سبحان الله .. حق السخافه تنسى البرد ..

راشد:  اصلا هني اللي لازم ما تحس بـ بروده الجو .. امك وابوك راسهم حار وحارين الجو وياهم ..

شيخه: دخيلك .. الا هـ الطاري .. خلنا نقضي 24 ع الاقل بدون حشره او مشكله

مايد: طول ما ثاني وابوه ف البيت ..  المشاكل ما بتخلص..

حارب: غيروا غيروا السالفه .. الحين بتبدون تحشون ف الناس ..

مروان: عفوا اخويه .. بس اي ناس اللي تقصدهم .. !

راشد: استغفر الله .. استغفر الله ..

حارب: بسسسسسس  صخوووووو ..

راشد: بلاك انته بعد ما تبانا نذكر الله ..

حارب: تذكر الله مب تستهبل ..

راشد وقف: الحييييييييييين وااااااااحد استغفر ربه خبروني شو الاستهبال ف الموضوع ؟

ميثه:خلاص خلاص لا تظارب .. يلس

راشد: اتشوفينه بنت عمييييييي هذا الحارب بيخليني اطلع من ثيابي..

مايد: لا تتهور اخويه ..

راشد: تبووونه والا ازغده .. وسار صوب حارب وبدو يستهبلون اثنينتهم ..

شيخه: تأدب رشوود ..

راشد: والله اذا ما تبونه عادي .. محد بيطالب بتعويض امه وابوه من زمان متبرين من ويهه ..

حارب ظربه على اديه: يعني حسستني انهم يتفدون ويهك الخسف ..

راشد: حروب ابا افهم شي واحد .. صدق صدق والله انته شو تسبح بـ كلوركس ؟

وميثه هلكت من الضحك ..

حارب ابتسم عقب ما تفشل من سؤال راشد جدام ميثه: قم عني زين ..

مروان: والله ماقدر .. الفضول بدا يذبحني ابا اعرف محمد شووو يقووول حق مهروو

مايد: ياخي انته شو يخصك ..

مروان: صار لهم اكثر عن ربع ساعه ف الحجره ..

راشد: كلمه راس كلمه راس ..

مروان: والله محمد بعد قام يقول لمهرو كلمه راس .. زين والله اطور اخويه ..

ميثه: لا والله ..

مروان: لو شايفتنه بنت عمي قبل لا تاخذينه .. جان ماوافقتي عليه..

شيخه رافعه حياتها: يعني مب شايفتنه هي .. والا اهلها جابرينها تاخذه غصبا عنها مثلا ؟

..

مهره بكل هدوء : غصبا عني !

محمد يلس حذالها: محد يقدر يغصبج على شي انتي ما تبينه .. بس بنكمل شهر من خطبج الريال .. ونحن لين الحين ماعرفنا راييج ..

مهره: يعني اذا قلت لا .. امك وابوك بيرضون ؟

محمد: المهم ان انتي تكونين راضيه ..

مهره: ولو قتلك لا ..

محمد: بقول انج خسرتي انسان مافي مثله ؟

مهره: ليش؟

محمد: لان شخصيته ماظن بتكرر في حياتي انا شخصيا ..

مهره: وضح اكثر ..

محمد نش سار صوب طاوله شيخه : انسان حنون .. قلبه كبير  .. يحب يسمع الناس ويشاركهم اللي فيهم .. حتى لو  الشخص ما يبا يرمس .. بيرمس ويا عبدالله وبيقول له اللي بخاطره غصبا عنه ..

مهره: بعدني ما وصلت للنقطه اللي اباها ..

محمد: وشو اللي تبينه ؟

مهره: ابا اعرفه .. ابا اعرف طبعه وشخصيته ..

محمد: قتلج حنون .. و طيب ..

مهره: بس .. صدقها شيخو يوم اتقول عنك ماتعرف تشرح .. ولا تفيد ..

محمد اطالعها بطرف عينه .. وشل صوره لـ شيخه وهي صغيره: هاي .. وظرب بصبعه على البرواز .. يبالها كسر راس ..

مهره: هذا واحد ..

محمد: اثنين .. اللي يجوفها ف الصوره .. ما يقول انها بتظهر ف يوم من الايام ملسونه

مهره: هذا اثنين ..

محمد: ثلاثه .. شكلها مخربه مخج وقاعده .. وفر الصوره .. الحين هاي بذمتج تقص عليج ؟

مهره ضحكت: هي شو يخصها ..

محمد: محد مدمر هـ البيت غيرها ..

مهره تنهدت: دخيلك .. لا تخلينا نرمس عن سبب الدمار لهـ البيت .. انزين بسألك سؤال ..

محمد: سألي ..

مهره: هو شراتك ؟

محمد: كيف يعني ؟

مهره:ماعرف.. محمد انا خايفه ..

اجدم منها محمد ويلس جدامها: من .. !

مهره: اخاف .. يطلع ف يوم من الايام .. شرات ابويه ونزلت راسها

رفع محمد راسه وركز عينه عليها ..

محمد: مب كل الرياييل سوا .. شرات صبوعج بالضبط .. مب كلهن سوا

مهره: وثاني .. !

محمد: انتي خايفه على ثاني مب خايفه على نفسج .. صح ..

مهره هزت راسها بـ هي..

محمد ابتسم: ثاني عنده ابو .. لو استغنى عن حياته .. مستحيل يستغنى عن ولده ..

مهره ابتسمت باسختفاف: الا ابوك واخوك ..

محمد: يمكن ابويه هي .. اما عمار .. خذيها مني .. مستحيل

مهره: لا اتضحكني ..

محمد: وانا ما قلت لج نكته عشان تضحكين .. مهره ردي فكري عدل و استخيري .. ولا اتسوين الا الشي اللي مقتنعه فيه ومرتاحه

مهره: مابا افكر زياده.. خلاص تعبت ..

سكت محمد وهو يطالعها ف عينها .. وقفت وسارت صوب البلكونه وهي تطالع برع .. خذت نفس وبكل هدوء قالت له ..

مهره: أنـا موافقه .. بس على شرط