الساعه 10 الصبح ..
نزل من اللفت وسار صوب القسم .. مشى سيده .. لف يمين .. ثاني حجره على
يساره .. دق الباب ودخل ..
وقف عند اول الحجره وهو مبتسم .. رفع نظارته وسوّالها fly
kiss
مهره بتعب: يالماصخ .. تعال ..
حارب: انا زعلان منج ..
مهره: ليش ..
حارب: ما عرفتي تتعبين الا الحين يعني يوم اني قررت اعرس ..
مهره: زين يوم فتحت السالفه رووحك
..
حارب رد حط النظاره على عيونه: انا بسير .. تعبان لا .. المدير حشرني
مهره: تعال تعال .. لا تتهرب ..
حارب: مب زين تعصبين صخي مافينا بعد ولدج ولا بنتج يظهرون فلفل ..
مهره ابتسمت: لا لا ما بعصب ..
حارب سار صوبها وباسها على راسها: مبروووك حبيبتي .. ومسك اديها بـ قوّه
مهره دمعت عيونها: الله يبارك فييك ..
حارب: هااه بدينا "سكت شوي" الحمدلله رب العالمين .. الله رزقكم
على قد نيتكم
مهره ابتسمت ودموعها ف عينها: الحمدلله ..
عقبال حرمتك ..
حارب: وانتي عطيتينا فرصه .. نشيتي خربتي السالفه ..
مهره وهي تمسح دموعها: هههههههه وانت ليش مستعيل ..
حارب: اخاف ابوج يغير رايه باجر
مهره: مابيغير رايه ..
حارب: وانتي شدراج .. ما تعرفين ابوج .. كلام الليل يمحوه النهار ..
مهره: وانته ماتعرف ان عمي خالد له منصب واسم .. ووايدين يعرفون عنه .. كيف
تبا ابووك يرفض يناسبه ..
حارب: توقعته يرفض عقب سالفه فارس ..
مهره: لا لا ان شاء الله .. الله يتمم كل شي على خير ..
حارب: آميييين..
مهره: مستانس ..
حارب ابتسم: واااااايد ..
مهره: امبين .. قمت ورمست ابويه بدون لاتخبرنا حتى .. ولا جنه عندك خوات ..
حارب: شسوي مهره .. والله كنت
مقرر.. وخلاص قلت بتوكل على الله .. كلمت محمد بس قال لي استخير .. واذا ارتحت
خلاص توكل على الله ..
مهره: ومحمد ما قال دام انك تحبها ..
حارب اتبسم وهو يطالع اخته : تبيني اقول لـ محمد احبها ..
مهره: ثرك قلت لي ..
حارب: انتي غيييييييييييييييييير ..
مهره: لا والله .. انا اختك وهو اخووك .. شو الفرق ..
حارب: الفرق .. ان انتي مهره .. وهو محمد "يلس ع الشبريه حذالها وحط
اديه على ايدها" والا شكلج لين الحين ماتعرفين منو مهره بالنسبه لـ حارب ..
مهره: فديتك والله ..
حارب ابتسم: متى مفكرين يرخصونج ..
مهره: مادري والله .. انا ودي الحين ارد وياك .. بس عبدالله مب راضي ..
حارب: وليييش ان شاء الله ..
مهره: يقول اني تعبانه ولازم ارتاح .. واذا رديت البيت مستحيل ما اشل واحط
..
حارب: هيه .. انتي ثنوي كفايه حقج ..
مهره: فدييته .. لا اتيب طاريه تولهت عليه ..
حارب: اتولهي حبيبتي .. بس خفي .. مب كل مادق ف راسج طرشتي وراه ورقدتيه
عندج .. والله مادري كيف ساكت عنج هـ العبدالله .. لو انا مكانه خسي ارقد ولد اخو
حرمتيه ف الحجره عندنا ..
مهره: تووووك اتحبها ..
حارب: انزيين احبها .. بس مب لهـ الدرجه عاد
مهره: والله مشكلتك .. ريلي من كثر ما يحبني .. ما يكسر بخاطري ..
حارب: ريييلج مسوولج سالفه .. وانا بعلمه كيييف يعطيج ويه زياده
مهره: انته اييييييييييه ..
فتح شخص الباب ودش .. وصل لين آخر الممر .. ووقف
عبدالله: احلف انته بس ..
حارب: والله .. ليش شو صاير ..
عبدالله: انته قد هـ الحركه .. حرمتيه تعبانه .. ومرقده ف المستشفى وانته
حظرتك تخليها تصرخ
حارب: حررررمتك .. حركات اصلا .. مافيها شي بس تدلع ..
عبدالله: كيفها خلها تدلع .. انت وين يعورك ..
حارب: اويه طاعو هذا .. انتي شو مسوتبه ..!
مهره: قتلك .. بس ما صدقتني ..
حارب: مالووومه والله .. شكله انسحر بالسحر الحلال ..
عبدالله: ههههههه السلام عليكم
حارب: تو الناس .. عقب ما هزأت وهزبت تذكرت السلام .. انا بسير الحين
عبدالله:ويين ساير .. تعال تريّق ويانا
"وحط الخريطه ع الطاوله"
حارب: تسلم والله .. انا مسوي طاف للدوام وطالع .. ربعي مغطين عليه ولا
مسوي سالفه للمدير حتى ..
عبدالله: وانا اختك قصت عليه .. قالت لي سر استأذن وتعال .. والمدير قال لي
ما تظهر الا عقب ساعتين ..
حارب: يووووم اقووول انا .. هذا اللي يمشي ورا شور الحريم ..
مهره: حروووب .. قم سر دوامك احسن لك ..
حارب: هههههههههههه .. ابا اتريق وياكم ..
مهره: ماشي يلا يلا .. سر ..
عبدالله: بلاج علييه .. خليه يترييق ..
مهره: خلللله ايسير .. ماقدر اشوفه .. اخاف ولدي والا بنتي يشبهونه ..
حارب: طاعو هاي .. والله تحمدين
ربج اذا طلعوا عليه ..
مهره: جذه بيض .. عروجهم الخضر والحمر اتبين .. مااابا .. بس ابا ملامحك ..
حارب: وتتنقين حظرتج .. عيل بيييج واحد بـ ملامحي بس خال .. يوم ان بياضي
مب عايبنج
مهره: والله بياضك يلوع الجبد حرووب .. انا مادري كيف سمووك حارب وانته بهـ
الشكل .. المفروض يسمونك بسام .. او نضال .. جذه يعني اسم فلسطيني .. سوري ..
عبدالله يضحك ..
حارب: نضااال لا .. زييين يا مهرووو .. ان شااااء الله يااااااااااارب ..
اتيبين واحد اخس عني بعد .. يا وييلكم ان ما سميتوه نضال ..
عبدالله: هههههههههه اتخيل نضال عبدالله احمد
حارب: لا عيل .. نضال بدر محمد .. وايد يليق
مهره تمسح دموعها: بس الله يخليك قم سر والله ماقدر اضحك ..
حارب: انزييين .. يلا مع السلامه ..
ووقف ..
مهره: حروووب ..
حارب: عيووونه ..
مهره: شوي شوي ف الدرب ..
حارب: ابتسم: ان شاء الله .. مع السلامه ..
مهره+عبدالله: مع السلامه ..
طلع حارب .. وسحب عبدالله الطاوله .. جدمها من مهره اللي حاولت تيلس ..
عبدالله : خير خير .. ردي طيحي ..
مهره: شووو .. يوعانه ابا آكل ..
عبدالله: أنا بلقمج ..
مهره: نعم !! .. جي شوو فيا انا بسم الله ..
عبدالله: ما تنشين .. الدكتوره قالت لازم اطيح على طول .. اول الشهور
وترتاح .. وما تتحرك وايد ..
مهره: انزين انا بس بيلس ..
عبدالله: ماشي .. بس اعدلي المخده اللي وراج وارفعي راسج .. قتلج بلقمج ..
مهره اطالعت السقف: يا الله ..
عبدالله جدم اللقمه لـ ثمها: دووج ..
مهره: عبدالله عن الحركات .. انا حامل من شهر ونص .. ولا عندي خبر .. اشل
واحط واسوي وما استوا بي شي .. يعني الحين اذا كلت بتعب .. !
عبدالله: ولانج من شهر ونص على قولتج تشلين وتحطين .. طحتي علينا.. الله
سلم الياهل .. وما استوا به شي..
مهره: انزين عطني ف اديه .. رووحي باكل ..
عبدالله: قلنا لج ما تتحركين ..
مهره: بس بحررك ادييه ..
عبدالله: ماشي .. يلا اشووف ..
فتحت ثمها .. جدم اديه .. وعظته ..
عبدالله: عن حرررركااات اليهااال .. شو علمج ثنوي ..
مهره: هههه الحين منو الياهل انا والا انته ..
عبدالله: كييفي حرمتيه وابا ادلعها ..
مهره: ابا اكل روووووحي انزين ..
عبدالله: كلي وانتي ساكته ..
مهره: والله خاطري اير لحيتك بعد مب بس اعضك ..
عبدالله: هههههه تحركي وشوفي شو بسوي بج
مهره: استغفر الله ..
عبدالله: هيه .. بس استغفري .. لا تتحرطمين وايد تخسفين ف عيني ..
مهره: طاعو قممم عني ما باكل ..
عبدالله : اويه زعلتي ..!
مهره: هي .. مابا .. رووحك كل ..
عبدالله: امزح وياج والله .. انتي اصلا ضحكتي والا صحتي والا تحرطمتي والا
والا والا .. والله انج ف عيوووني ملااك ..
ابتسم .. وابتسمت مهره .. جدم اديه من ثمها .. ولقمها .. بس هـ المره .. ما
كلت .. رفعت اديها ويودت ايد ريلها .. وباستها ..
..
وصل عند الباب وهو يضحك .. صد وراه انتبه انها يايه صوبه .. رفع ريله عشان
يفتح الباب .. وبسرعه ركض برع .. وهي ركضت وراه
شمه: ثنوووووووووي يالدب .. اذا خيست بظربك ..
ثاني: بخبر عليج آبويه ..
شمه: آبووك .. خبر عليه آبووك .. هههههه ويا ويهك تعااال ..
ثاني: انتي لا تيين .. انا بووحي بثير ..
شمه: مب على كيفك .. تعال هني امسك اديّه ..
ثاني: مابا ..
شمه: ثنووووي ..
لبسها وسار ..
شمه: انزين .. بودي نوره وروضه الالعاب.. انت مابوديك ..
اول مره تهدده بـ شي فيه اسم نوره وروضه وما يتغايض ثاني ويصيح ويحشر
الدنيا .. بعدها معطتنه ظهرها .. وماسمعت حسه ..
عمار: شحقى تهددين ولديه ..
صخت شمه وهي بعدها معطتنهم ظهرها ..
عمار رد فر الحصى ف جدول الماي: تعالي يلسي ..
شمه: اقدر اخدمك بـ شي ..
عمار ابتسم: شو هـ الرسميه والاسلوب الجامد .. تعالي يلسي زين ..
شمه: بس ابوك .. يالس جدام ..
عمار: حتى لو يالس حذالي .. تتحسبين يهمني ..!
شمه: انته ليش جذه ..!
عمار: شفيني ..!
شمه اجدمت ويلست ..
عمار: اندووج "وعطاها 3حصايات"
شمه: تباني استخف وياك .. وافر الحصى وايي ايوب يتحرطم وهو ينظف ..
عمار: خله يتحرطم لين باجر "سكت شوي" كل ما حسيتي انج متغايضه
مني .. فري حصايه ف الماي .. وانا بعرف ..
شمه: انزين ..!
عمار : وانا بسوي نفس الشي ..
شمه: وليش كل هذا ..
عمار: تسليه ..
شمه: من الملل..
عمار: انتي متخرجه ويالسه ف البيت .. وانا اليوم اجازه ..ماتقولين شو عندنا
..
شمه: اسألك سؤال ..
عمار: سألي ..
شمه: ليش ما تعرّس ..
عمار ضحك: وشو اللي خلاج تسألين هـ السؤال .. غامضتنج حالتي ..
شمه: لا .. انت ريال وكيفك .. بس حالة ولدك تغمضني ..
عمار: ليش .. هذو مستانس ويلعب ..
شمه: لانه صغير .. باجر بيكبر وبتعرف ان كلامي صح ..
عمار: يصير خير لين ما يكبر ..
شمه: انزين ممكن سؤال ثاني ..
عمار: تفضلي ..
شمه: امم شخصي ..
عمار: سألي ..
شمه: وين امه .. !
عمار اطالع شمه بـ نظره خلتها تسكت وتندم على سؤالها ..
شمه: انا آسفه ..
سكت عمار ثواني ورد رمس وهو يطالع جدام
عمار: وين ام شيخه ..!
شمه: شيخو ما عندها ام ..
عمار: كيف ما عندها ام .. نازله من السما مثلا ..!
شمه: اقصد .. ان امها توفت الله يرحمها ..
عمار ضحك باستهزاء: تدرين ليش امها توفت ..
شمه: ليش ..
عمار: لان .. ابويه خذها ..
شمه رفعت حياتها وسكتت ..
عمار: بقولج شي .. بس توعديني يا
بنت عمتيه انج ما تخبرين حد ..
شمه: قوول .. اوعدك ..
عمار: شيخه امها موجوده .. لا توفت ولاعندها خبر .. وشرات ما شيخو تتحسب ان
امها متوفيه .. امها بعد تتحسب ان شيخه.. متوفيه ..
شمه: نعم ...!!!
عمار حط صبعه على ثمه: اششش .. ماقتلج .. عشان تخبرينها ..
شمه: عمار لاتمزح ..
عمار: وانتي اتشوفين ان الموضوع ينفع للمزح ..!
شمه: اويه كييف جذه ..
عمار: عادي .. ليش مستغربه .. هذا بدر محمد.. يوم يباج اتموتين بتموتين ..
ويوم ما يباج اتموتين .. ما بتموتين ..
شمه رفعت حياتها : مستحيييييييييييل ..
عمار: شمه .. اللي بقولج اياه .. محد يعرف عنه غير 3 اشخاص .. توعديني ما تخبرين حد .. ابدا
شمه: اوعدك
عمار تنهد: ثاني ولديه .. من انسانه .. اختارها قلبي .. ورفضها مستوى ابويه
.. تقرب لـ أمايه .. كنت اباها بس امايه وابويه رفضوا .. ليش .. هـ اللي مستغرب
منه .. يعني ابويه يوم خذ امايه .. خذها وهو يدري انها على قد حالها .. بس هـ الشي
ما منعه من زواجه بها .. ليش يوم ييت عليّه انا .. رفض وقال انها مش مستوانا ..
يعني امايه اللي كانت مستواه ..! سنتين وانا احاول وياه وهو مب راضي .. آخر شي ما
سويت له سالفه ولا اهتميت لـ كلامه .. خذيتها على سنه الله ورسوله ..اهلها كانو رافضين
لانه ابويه هددهم كذا مره .. اخوها الوحيد اللي كان ويانا .. وهو اللي يوزني اياها
.. خذتها وحملت بـ ثاني .. يوم عرف ابويه
.. نش خبر اهلها
وسكت ..
شمه: خبرهم بـ شو ..
عمار تنهد: قال لهم ان اللي ف بطنها ولد حرام ..
شمه وهي رافعه حياتها: وعقد الزواج ..
عمار : ماعرف ..
شمه: كيف يعني ماتعرف ..!
عمار: يعني ماعرف .. وين اختفى وين سار مادري .. لا النسخه اللي عندي ولا
اللي ف المحكمه موجودين..!!
شمه وهي منصدمه: مستحيل ..
عمار: شو اللي مستحيل ..
شمه: ابوك هذا مستحيل ..
عمار ابتسم باسهزاء: عقب 9 شهور بالضبط
.. جبروني هو واهلها .. اني اطلقها .. وطلقتها .. تم ثاني عندها 3 شهور وعقبها .. ابويه ياب لها معرس عشان ما احاول اني اردها مره
ثانيه .. يوم سوابي هـ الحركه .. شليت ولديه ويبته البيت .. غصبا عنه .. قلبي كان
محترق .. ما كنت ابا اشوف هـ الياهل اللي بيتم ذنبه ف رقبت ابويه طول العمر ..
عشان جذه خليته عند مهره وماكنت اسأل عنه حتى .. خبر الكل .. ان هذا ولد حرام ..
اخواني وخواتيه .. كلهم حاطين ف بالهم هالشي .. ويمكن حتى انتو .. عشان جذه ف بدايه الايام
كانوا كارهيني وكارهين ولديه فوقي .. الا مهره الوحيده اللي ما خلته .. قالت وان
كان .. بيتم ولد اخويه .. دمي ولحمي ..
رافع نفس الاسم اللي رافعتنه انا
شمه: وجنك اتقول قصه مسلسل ..
عمار: لانج ماتعرفين ابويه عدل ..
شمه: ولا توقعت ان ف يوم من الايام .. بيطلع جذه .. اصلا مب مصدقه كل هذا
..
عمار: لين اليوم يحاول يطلع ثاني من هـ البيت .. بـ اي طريقه .. بس عشان
يحرق قلبي .. انا مايهمني ابويه .. ف حياتي ما فكرت فيه ولا اهتميت لـ أمره ..
يمكن لاحظتي اني غير عن اخواني ويا ابويه .. اوقف بـ ويهه وارد عليه وما اسكت عن
حقي .. بس من داخلي .. خايف على ولديه .. كل ما اسير الدوام احس بيتصلون بيقولون
عمار .. ولدك استوا به شي .. عمار ولدك مات .. عمار ولدك اختفى وماندري وين سار ..
سكت ثواني .. وسكتت شمه وياه .. عقبها رمست
شمه: ممكن اقولك شي ..
عمار: تفضلي ..
شمه: كل ما اتسير الدوام .. خلّه عندي .. حتى لو كان دوامك الفير .. يبه
عندي المسا .. ويوم بترد تعال خذه .. دام انك محد ف البيت .. انا مابخليه يتم..
عمار: ليش .. اشفقتي عليه ..
شمه وقفت: لا .. لاني احبه واحترق من داخلي اذا دمعه وحده نزلت من عيونه او
تعوّر .. لاني احبه واضايق اذا يوم واحد ماشفته .. لاني احبه .. وماتخيل ان ابوك
يسوي به شي ويبعده عن هـ البيت ..
فرت الـ 3 حصايات ف الماي وسارت .. رفع عمار
راسه شاف ثاني يضحك على شمه .. يتحسبها تلعب وياه .. ورد كمل عليها وفر الحصى ..
المسا ..
ناس ف وادي المشاكل والهموم .. وناس مب عارفه حتى هي ف أي وادي
مهره: قسما بالله يا عامر .. اذا طاح والا استوا به شي .. لا تلوم الا نفسك
..
عامر وهو يركض: خلاص خلاص يابوووي .. طلع من ذمتج هو ..
مهره تصرخ: عاااااامر بيطيح الولد ..
عبدالله :لا تصرخيييين ..
مهره: شووف اخوووك ..
عبدالله: شو مسوي .. ! .. بشوفه بس لاتصارخين
مهره: لانك ما تعرف شو مسوي عشان جذه اتقول لي لا تصرخين ..
نش عبدالله وسار صوب الباب .. انصدم و فتح عينه .. مدخل بيت احمد مرتفع ..
والارضيه سراميك .. صاحبنا عامر ناش ساحب الهوز ومغرق الارض .. ويايب صابون
ومسوّله ملعب صابون الحبيب .. وساحب ثاني وياه .. نوره واقفه عند الباب وشنطتها
ورا ظهرها وهي تطالعهم .. تضحك واتصفّق
عبدالله: شو مسوّي انتتتته ..!
عامر: آه يعني الواحد ما يستانس ف بيتهم حتى ..!
عبدالله: الولد بيطيييح ..
عامر: والله محد قال له ..
عبدالله: والله عمار بيكسر راسك اذا شافك ..
عامر: هذا اذا شافني ..
منصور ياي ووراه طارق ..
منصور: شو تسوون انتو ..
عامر: ملعب صابون .. سر ييب الكوره .. بنلعب ..
طارق: ما نبا نلعب .. نحن يايين نتعشى وانرد بيتنا
عامر: يالدب .. بنلعب عقب بنتعشى
عبدالله: عمور عن الاستهبال بتكسر ظلوع الولد ..
عامر: ثنوي تعال يلس هني ..
ثاني: مابا ..
عامر: لا تعاند .. ما بعطيك الهوز اذا ما سمعت الكلام ..
ثاني: اول عتني ..
عامر: ما بعطيك .. ييلس عقب بعطيك .. يلا يلس حذال نوره ..
اجدم ثاني شوي شوي عشان ما يطيح .. سار عامر صوبه شلّه .. يلسه حذال نوره
وظربه على جتفه
ثاني: ايييييييه .. خالي عدّالله توفه .. هذا يظبني
بث انا ما قاليتله ثبال ..
عبدالله ضحك: لازم تقول ثبال على قولتك عشان تنظرب.. يلس ولا تتحرك من
مكانك ..
منصور وصل: شووووووووووووت "وفر عامر بالكوره"
عامر: يالحيوان "ورشّه
بالماي"
منصور: تافه .. والله انك تافه ..
سار بند الماي .. عقب يا صوب عامر ودزّه ع الارض ..
عامر يضحك: يالخاااااااايس ..
منصور حط اطراف صبوعه اليمين ف كف اديه اليسار : تايم اوت تايم اوت اصبر
بقولك شي ..
عامر :شو ..
منصور: بنلعب قدم فريقين ..
عامر: فريقي وفريقك .. انا وراي ملايكه الرحمن تحفظني وانت وراك الملعونين
بـ لعنه الملك ..
صد منصور وراه وشاف حارب .. غانم .. سيف وراشد .. ومايد وراهم
منصور وهو منصدم: انتو كلللللللكم .. ملعونين بـ لعنه الملك .. ليش شو
مسوين ف حياتكم .. !
حارب: الحين بقولك شو مسوين ..
شل الكوره عن منصور وشات عامر اللي ظربته الكره ف ويهه ..
عامر: آآآآآآآآآي .. حروب يالكلب ..
حارب: عيل ملعونين بـ لعنه الملك ..!
عامر: ملعونين وف الدرك الاسفل من النار بعد على فعلتكم هاي ..
حارب: عوذ بالله منك
راشد: شو مسوي انته ..
عامر: ملعب صابون .. بتلعبون ..!
حارب: انا ف فريق منصور ..
عامر: لا ارجووووك ..
غانم:انا ويا عيال اخواني
عامر: ما تستاهلون اني اكون واحد من اهلكم اصلا ..
راشد: لا تصيح انزين انا وياك .
عامر: فدييييييييييت رااااااااااشد والله .. يعللللكم ما تسووونه على قولت
علااايه
اكتمل العدد عقب ما وصل احمد .. خليفه .. وسعيد اللي خبلوه .. وعبدالرحمن
الدب ..
حارب منصور غانم سيف خليفه
ومايد فريق
احمد سعيد عبدالرحمن عامر راشد فريق
وطارق واقف بعيد يحكم .. ثاني و ونوره يصفقون ويضحكون .. وعبدالله ومهره
يطمشون عليهم من داخل..
طارق: فريق حروب ياخذ الكوره من فريق الدببه الطيبون .. ويشووت سيف الكوره
لـ غانم اللي طاح قبل لا ياخذها .. يعدي من الاول ومن الثاني .. ويسجل فريييييييق
حارب اول اهداف المباراه .. نعم نعم هدف لـ صالح فريق حارب على فريق الدببه
الطيبون اللي يطيحون ف نص الملعب قبل لا يوصلون للمرمى..
عامر: شو هـ الارف هذا اللي انا فيه .. ميمع لي دبب قطبيه ومسمنهم فريق..
والله غش ما يستوي نعيد اللعب وكل واحد بالحظ بيختار فريقه ..
حارب: قم قم .. الحين يوم خسرتو .. !
خليفه: كيف يعني بالحظ .. بتلعبهم باص باص باصينا .. ؟
سيف: يلا يلا الحين يوم خسرت اونك عاد بالغش .. عط الكوره حق عبدالرحمن ..
عامر: هذا واقف تقول امانه حتى ما يكلف على عمره ويصد الكوره ..
طارق: 3 .. 2..1 شوووت
الكوره ..
استلم مايد الكوره .. وركض
مايد: هيييييييييّا .. ودر الكوره وقام يتزحلق .. دبب دبب .. واهاها ..
سار صوبه سعيد اللي ميت عليه من الضحك .. شات مايد الكوره .. وطاح عقب ما
شاتها ..
مايد: آخ ..
سعيد: هههههههههه دواك تستاهل ..
ربع ساعه تقريبا وهم يلعبون .. ف البدايه فريق حارب كان مجدم على فريق راشد
.. عقبها انجلب الآيه
شيخه وشمه توهن يايات ..
شمه: شو مسوييييييييييين انتو ..
سيف وهو يتزحلق: ملعب صابون ..
شيخه تضحك: ومنو اللي فاز ..
حارب: هذيل الغشاشين والله انا مستغرب كيف فازو
راشد وهو يتسبّح بـ اديه: بحر نبحر على دروبه بحر واقدار مكتبووووبه "
قام يترقص " ومحد يدوم محبوبه ولو سكنه بـ الاهداااااااب .. سرا سرا
عامر: ريوس ريوس ..
شيخه: ريوس عليك موتر يا عمووور .. مستانس فزت على حروووب .. بالغش اكيد
عامر: قالت بـ الغش قالت ..
وفرها بالرغوه ..
شيخه: يالخااااااااايس ..
شمه: انا براويج فيه .. سارت سحبت هوز الماي وييت صوبه .. ورشتهم كلهم
بالماي ..
وشيخه سحبته عنها وكملت عليها ..
خليفه: انتي اييييييييه ..
شيخه: والله ما يخصني .. محد قاله يعمي عيوني
عامر: انزييييييييييين اونكم فايزين الحين .. هزّو طولكم وسيرو بندو الماي
.. هذييل يهددونكم ..
عبدالرحمن رافع حياته: محد قالك اطيح ف لسانها الوصخ.. تحمل لي اييك منها
..
ووجهت الهوز صوووبه ..
ليست هناك تعليقات:
إرسال تعليق