الأحد، 17 نوفمبر، 2013

الجزء الـ20 (1)

ردت طلعت البطاريه والرقم والميموري .. ونفخت ف الفون ..

حمد: خييبه خييبه .. شو مسويه بالفون انتي .. هذا لو كان بيشتغل .. غير راييه ..!
شيخه: ما يستووووي ما يستوووي .. اففف والله قاهرني ..
حمد: صار لج اسبووع فاره الفون ف الدرج ولاتدرين عنه .. الحين قاهرنج..
شيخه: لا تقهرني انته الثاني .. سر ادرس ..
حمد: مليت مابا ادرس ..
شيخه: لا والله ..
حمد: شرايج اسحب اوراقي .. وانرد البلاد .. خلاص لاعت جبدي ..

نشت شيخه سارت صوبه .. حطت ايدها على ظهره ودزته ..

شيخه: يوم اقول لك سر ادرس يعني سر ادرس .. مب تقول لي اسحب اوراقي وانرد البلاد .. لا تخليني استنزل الحين ..
حمد ضحك: عادي ..انتي من اول يوم استنزلتي عليه .. تذكرين يوم صحتي وقلتي ابا اسير بيتنا
شيخه: حمد عن الحركااات سر ادرررس وخلني اخلص شغلي ..
حمد: اي شغل .. تردين تنفخين ف الفون .. واتلوعين جبد ابو من يابه .. وتخربينه زياده ..
شيخه: برايه خله يخترب .. انا اباه يخترب ..
حمد: ماباخذ لج غيره ..
شيخه: لا تاخذ احسن ..
حمد: وعقب يوم بسير الجامعه كيف بتتصلين بي ..
شيخه: مب لازم اتصل ..
حمد: واذا استوابج شي .. حد عفد عليج والا سمعتي صوت حد غريب .. والا لمحتي شخص غريب شو بتسوين ..
شيخه: اييه لا تخوفني ..
حمد: توج امسويه عمرج رياله عيل ..
شيخه: اييه ثرك بتصيحني والله.. بتخليني اداوم وياك .. 
حمد: الا صياااحج الله يخليج ..

سكتت شيخه ونزلت راسها ..

شيخه: سر ادرس .. لا تلعب واتضيع تعب هـ السنين كلها ولا تخليني احس بالذنب واحس اني السبب اذا نزل مستواك ..
حمد: بالعكس .. مستواي ارتفع اكثر من قبل .. من يوم ماخذتج ويبتج وياي هني .. وانا اتحمس للدراسه عشان اخلص وغير جذه .. النفسيه تلعب دور كبير ف رفع المستوى الدراسي "خذ نفس" انا نفسيتي واااايد مرتاحه .. وكل ماشوفج ارتاح اكثر واكثر .. واتحمس اكثر .. واكثف جهودي عشان اتخرج  .. و ابتدي بعدها ابني مستقبلي ومستقبل اسرتي الصغيره ..


وابتسم ..

اسرته الصغيره .. يعني انا .. يعني يفكر فيني انا .. يفكر فيني اليوم .. يفكر فيني باجر .. ويفكر فيني ف المستقبل .. ولين اخر يوم ف حياته .. واثقه انه بيظل يفكر فيني ..
مادري اذا صدق مستواه ارتفع والا لا .. بس اللي واثقه منه ان دقات قلبي انا .. ترتفع كل مايكلمني بهـ الاسلوب .. حمد انسان عظيم .. بس انا مب قادره اعطيه الحب اللي يتمناه .. مب قادره اسعده كثر ما هو يسعدني ولا قادره احبه .. كثر ما هو يحبني .. ويحب يشوفني مستانسه .. باختصار .. حمد يستاهل وحده احسن مني .. انا ما استاهله ..


..

ف دبي

خذت نفس ودقت الباب ..

مهره وهي تضحك: تعالي ميثه ..
فتحت ميثه الباب ودخلت وروضه وياها: السلام عليكم ..
مهره:وعليكم السلام .. يالجبااانه ..
ميثه: صخي زين .. لو عندي وقت جان استخرت ..
مهره: حلفي انتي بس هههههههه .. جي وييين سايره ..
ميثه: والله بيتكم كله رياييل .. استحي ايي روحي ..
مهره: اتين رووحج .. انتي متى ييتي اصلا ..! اول مره اتيين ومسوتلي حفله .. خمسين مره مخليه محمد يكلم عبدالله ويتأكد ان مافي حد ف البيت غيري ..
ميثه: لو مي كانت هني .. جان ييت ع الاقل بقول في حرمه يعني ف البيت .. اما اني ايي وجدامي رياييل اقولهم السلام عليكم وادخل .. حشى ماسويها
مهره: خييبه ... ولاجنج تعرفينهم من سنين ..  تعالي تعالي ..
ميثه: شخبارج ..
مهره: بخير الحمدلله .. انتي شحالج ..
ميثه: الحمدلله .. يلا مهروو متى بتربيين ..
مهره: افف سكتي .. خلااااص تعبببت .. ودي والله اليوم قبل باجر ..
ميثه: الله يعينج .. وراج ياهل و صياح وحشره ونشه نص الليل ..
مهره: شكرا على رفع المعنويات ..
ميثه: هههههههه اهيأج من الحين ..
مهره: بخلي عبدالله يسهر وياه ..
ميثه: لا والله ..قولي بتمين هني والا بتين بيتنا .. !
مهره: مافرقت ..
ميثه: طبعا في فرق .. بيتنا ع الاقل انا بكون هناك .. وامج .. وعموه عليا ما بتقصر ..
مهره: اييهاء يا ميثه ..
ميثه: نعم انتيي ..!
مهره: على فكره .. كلامج بالضبط شرات الشباب ..
ميثه: هههههه شسوي .. انتي طلعتي وشيخه فديتها طلعت .. اخوانج حفظوني القاموس الخاص بالعايله ..
مهره: انا طلعت وييين سرت .. المريخ عشان ما اتيني ..
ميثه: افف ذليني الحين ..
مهره ضحكت: بعد متعلمه تتأففين حظرتج ..
ميثه: لا اطمني .. من يووم يبت رووضه وانا متعلمه هـ الشي .. مب اخوانج اللي علموني ..
مهره: اذا انتي الهاديه اتعلمتي جذه .. عيل انا شو بتعلم ..
ميثه: بتيرين شعر رااسج انتي ..
مهره: خيبه ..
ميثه: جنج ما تعرفين حشره اليهال .. والا نسيييتي .. يوم خطبج عبدالله ليش رفضتييه ف البدايه..
مهره: صخيي زييين ..
ميثه: ههههههههه وشيخو تتحرطم ليييل نهار عليه .. الحين دور ريلج .. عاد اذا ما يتحمل صياح اليهال بيروغج انتي وهو من الحجره ..
مهره: هيييه ماشي شغل .. والله ما يتحمل .. خله يرقد ف حجره عمته .. والا يسير برع ف الملحق ويا عمه ..
ميثه: ماصخه لانج .. تعالي بيتنا وخلاص ..
مهره: ايي بيتكم طووول العمر .. لازم يتعود ..
ميثه: كيفج عقب عوديه .. بس تعالي بيتنا اول الايام ..
مهره: بفكر ..
ميثه: قالت بفكر قالت ... اصبري انتي جان ما كلمت عموه عليا وخليتها تهزبج ..
مهره: انتي وريلج على فكره وايد اتحبون اتسوون فتنه ..
ميثه: ما يخصج ف ريلي انتي .. خلي الكلام بين الحريم ..
مهره: خيبه .. شو ظرااابه ..
ميثه: هيه ظرابه .. اذا ما ييتي بتستوي ظرابه ..
مهره: ايي عشان عيالكم يذبحون ولدييه ..
ميثه: يعني اذا تميتي هني مول ما بيذبحونه ..!
مهره: الله يعيني عليكم وعلى عيالكم ..
ميثه: علينا نحن لييش .. قولي الله يعيني على اخواني وعيال اخويه .. مروان ومايد وراشد كفايه حقج انتي ..
مهره: هههههههههه فديتهم والله .. صدق صدق صدق اشتقت لهم .. ماشوفهم ابدا مداومين ف المستشفى ماشاء الله عليهم ..
ميثه: الله يقوم فارس بالسلامه ويرد البيت .. وبتشوفينهم كلل يوم ..
مهره: آميين

..


ف الحجره اللي مرقد فيها فارس .. وين الزحمه والحشره ..

مب لاقي كرسي ييلس عليه .. استغنى عن كرسيه لـ اخوه واكتفى انه يوقف وراه ويحط راسه على راس اخوه ويحشر الدنيا بـ خرابيطه ..

راشد: ودووونك حياتي ما اباها يحفظك ربي طول الأزمان .. يا من جتل روحي وحياها ..
مروان: نعم انته ..
راشد حظن ويه حارب ورفع راسه .. خلا عين اخوه بـ عينه: تبسم وابتهج وافرح وغيييظ اللي يعذلووونك
وحارب المتفيج .. مسير وياه .. ومبتسم ..
مروان: ثره متفييج والله .. معطنك وييه
راشد: يا ليت الي يلومونك بعيني هم يشوفونك اخاف اطول نظــــــرتهم هبو ياعل يفدونك .. مالت عليهم وعساهم ما يسووونك ..
سيف: خيبه خيبه خيبه .. ها التكمله والا الحب خلاك تقول جذه ..
راشد: تخييييييييييييييييييييب العدووو ان شاء الله .. يالحقوود ..
عامر: يا بو قلب اسود ..
حارب: هههههههه انته شو مسوي به هذا .. ليش كل ما يكلمك يقول بو قلب اسود ..
سيف: ثر البقره ما تشوف ذيلها اتشوف ذيل اربيعتها ..
عامر: شددددخل البقرررره ف الموضوع ..
راشد: اخوك ما يعرف يرمس اصلا ..
محمد توه ياي: السلام عليكم ..
الكل : وعليكم السلام ..
عامر: ورحمه الله وبركاته وفي زياده ومغفرته ..
سيف: يعني هذا اللي يعرف يرمس عاد ..!
حارب: استغفر الله .. عامر صخ ..
عامر: اففف انتو حتى قواعد الاسلام تبون اتحرفونها .. ما تبوني ارد السلام كامل ..
حارب: قواعد ف عينك .. شو بعد مغفرته ..
عامر: كيفي ابا اجر والله شحقى تحقدون عليه .. ردو السلام كامل وبتحصلون اجر ..
راشد: انته صخ بتأجر ان شاء الله
عامر: شيخي مطوع .. شوفهم يبون يتلاعبون ف ديني ..
محمد: يتلاعبون ف دينك .. انته لو اللي تسويه صح محد بيجرأ يقولك شي ..
عامر: خييييييبه .. انا ليش يالس هني .. لالا . .اذلف احسن لي .. دام ان شيخي مطوووع بشحمه ولحمه وعظامه اللي امبينه ف ويهه من ضعفه .. حط عليه

ضحك محمد اجدم من عامر .. ظربه ع جتفه .. وعقبها سار صوب فارس ..

محمد: شخبارك ..
فارس: بخير الحمدلله ..
محمد رفع حياته: بس شكلك مايقول انك بخير ..
فارس: الحمدلله على كل حال ..
محمد: شو النفسيه ..
فارس: الحمدلله ..
محمد: هذيل مب معطينك فرصه اتحس بالملل ..
راشد: منو راقد عنده امس ..

مروان وعامر صخو .. وفارس اطالعهم بطرف عينه ..

راشد: بلاكم .. ؟
سيف: اثنينتهم راقدين الهروم .. اظاربو ويا الدكاتره وماسوو سالفه حق حد والله ..
حارب: آآخ ويهي .. وين اوديه .. لا والقهر ان اثنينتهم اساميهم مطابقه لـ اسمي ..
عامر: لك الشرف ولد عمي ..
حارب: لي الشرف بـ شووو .. فشلتونا والله فشلتونا ..
سيف: حارب ازيدك .. والا اللي فيك مكفيك ..
حارب: قول قول خلني انجلط مره وحده ..
سيف: والله شي ما بيخطر على بالك ..
حارب: قووول ..
سيف: حاطين ورقه ع الباب .. الرجاء عدم الازعاج .. لا واونهم امترجمينها بالانجليزي out of service

راشد ومحمد ضحكو من الخاطر .. عكس حارب اللي كان منصدم

حارب: احلف بربك ..
سيف: والله العظيم .. يايه عموه عليا الصبح تبا تدخل .. شافت الورقه واترددت قالت يمكن حد من ربعه هني .. سألت الممرضه اذا في حد من الشباب هني  قالت لها والله في اثنين من اهله راقدين عنده امس بظرابه .. وحاطين هـ الورقه ..
حارب: آآخ ويهي .. والله انه طاااح .. وين اوديييه انا وين اودييه ..
عامر: وده بيتكم والله .. يوم اننا مب تارسين عينك ما يحتاي تعترف بنا ..
راشد: من زينكم عشان يعترف بكم .. مصدقين عماركم واااااااااايد انتو .. وانته كيف مستحملنهم ابا افهم ..
فارس: امونسيني ..
محمد: امبين من شكلك انهم امونسينك ..

ابتسم فارس بـ الم .. كان يتألم صدق بس يكابر .. شكله يبين انه تعبان .. ووايد تعبان بعد بس ما يشتكي .. ساكت بس يسمعهم واذا صدو صوبه .. ابتسم عشان يغطي على ملامحه التعبانه .. والا هو من داخله .. يتقطع من الالم .. 

..


طلع من الحجره الخاصه فيه  .. شافها يالسه ف الممر ع الارض وهي حاظنه ريولها .. ومسانده ع اليدار تلعب بالبيري .. سار يلس حذالها وهو مجابلنها ..

حمد: ترمسين منوو
شيخه: ما ارمس حد .. قاهرني اصلا بعده معلّق
حمد: من كثر ما تفلتي فيه ..
شيخه: اخخ عليك .. ثرك اتلوع الجبد ..

وحطت راسها على ريلها وهي صاده عن حمد

حمد: شفييج .. !
شيخه: ماشي "وردت صدت صوبه" درست .. !
حمد: باجي لي شويه ..
شيخه: عيل ليش طلعت .. قم كمل ..
حمد: مليت ..
شيخه: جوفوا انتو .. الحين تحملت اربع سنين .. درست وتعبت عمرك ياي على آخر الشهر تقول لي مليت ..
حمد: اي آخر شهر " اجدم منها ويلس حذالها" توونا بدايه السنه الله يهديج احسبي كم شهر باجي لنا لين شهر 7 ..
شيخه تغير شكلها: ها .. !
حمد تنهد: ادري انج مليتي من القعده هني .. ومن مجابل ويهي "ابتسم" خواتيه الرزه ويا نسيبي بيونا الشهر الياي يعني قولي بدايه الاسبوع الياي .. يعني عقب كم يوووووم .. انا ما كنت اباهم ايوون بس احسج مليتي ولاعت جبدج صدق .. هذا ونحن بـ اول شهر .. ف مادري كيف بتكملين معايه الشهور اليايه ..

شيخه ساكته .. تسمعه وهي منصدمه من كلامه

حمد: شيخه .. اذا ما تقدرين اتمين .. ف بحجز لج تردين وياهم البلاد ..
شيخه: لحظه لحظه .. انت متى بتخلص بالضبط .. !
حمد: اخر سبعه .. بتخرج ..
شيخه منصدمه : يعني ... بنتم هني لين شهر سبعه .. !
حمد: هيه .. بس نقدر انرد ف الاجازات الرسميه مثل اجازه الربيع واللي اتصادف شهر 2 ان شاء الله بنرد البلاد بس اذا ما تبين اتمين ويايه.. عادي ردي ويا خواتيه ..

سكتت وسكت معاها شوي.. ورد رمس

حمد: تدرين شيخه .. احسج شي عظيم .. شي عظيييييم محد يملكه غيري .. وحده مثلج .. صياحه ودلوعه وعلاقتها جذه بـ اخوانها وباجي اهلها .. متعوده انها اجابلهم 24 ساعه .. ماكانت بتفكر لحظه وحده انها تهدهم وتتغرب ويا واحد لا تعرفه ولا يعرفها .. جد احسد نفسي عليج ..

ابتسمت شيخه بـ قهر ونشت عنه عقب ما حست ان دموعها بتخونها .. عطته ظهرها ويت بتدخل الحجره بس مسكها من اديها ..

حمد: شيخه ..!
سكتت وما ردت عليه .. يودها من جتفها ولفها صوبه .. شافها مبنده عيونها .. شفايفها ترتجف وهي تصيح ..
حمد: شفيج .. !

وقف ثواني .. عقبها اجدمت منه ودفنت راسها ف حظنه وهي تصيح من الخاطر .. انصدم حمد من حركتها .. عقبها .. مسح على راسها ومشى وياها يلسها على اقرب كرسي .. ويلس هو حذالها ..


..



ليست هناك تعليقات:

إرسال تعليق