واقفه
عند الباب وابتسم باسختفاف ..
مايد:
بلاج ؟
شيخه:
امس طول الليل سهرانين على صريخ امك وابوك وصياح ولد اخوك .. اليوم طالعين من
البيت على الكف الحلو اللي عطته امك لـ عمار .. وردينا على طيحه عمتك .. ماشاء
الله فال خير هذا .. تصدق بننجح انا وانت السنه بـ نسبه فوق التسعين ان شاء الله
مايد
يضحك: فوق التسعين والا فوق الستين .. المهم ننجح
شيخه:
بس هذا همك .. تنجح .. مب مهم كم اتكون نسبتك ..
مايد:
طبعا لا .. لان مصيري معروف .. الشرطه او اي دوام حكومي بـ واسطه ابوج .. وانتي
زين بتيلسين ف البيت تعدين الليتات ..
شيخه:
خسي .. انا ما برضى بـ اللي سووه بـ عمو مي ومهره .. اختك وعمتك اغبيه .. ظيعن
مستقبلهن ويلسن .. انا مابا اطلع غبيه شراتهن .. وحمدوه فوقهن
مايد:
زين بنشوف مصيرج انتي وبنت عمتج ام افكار جهنميه ..
عبدالعزيز
: لو مايد وشيخه اجتمعو على شي ..
مروان:
فاعلم ان مصيبه قادمه فـ الطريق ..
وبنفس
الوقت فتح بدر الباب .. وسلم ..والكل رد عليه السلام ..
حارب
مبتسم غصبا عنه : ويا ويهك .. حد قالك اتيب طاري المصايب .. لو طاري المليون مع
ويهك هذا ..
مروان:
ابوك مب مصيبه.. ابوك مُصَيْبه .. امك هي العله ..
راشد
كفخ يبهته: بس زين صخ..
بدر:
شخبارج مي
مي:
الحمدلله بخير..
بدر:
يقولون مسويه فلم هندي ..
مي:
الا ولدك واخوك.. اللي سووني فلم كوميدي ..
غانم:
ها يزانا اللي انقذناج ..
مروان:
هيه جنتل مان مستوي حظرتك ..
عامر:
عنده خبره الريال ..
غانم
: كح كح ..عيال اخواني .. مع احترامي الشديد لكم .. ممكن جب ..
مروان:
امحق احترام .. يا ولد ..
راشد:
عموه وين الرقاق .. جان يبتيه هني .. بنبيعه انا وحارب ..
عليا:
كله من نحاستك..
راشد:
والله ولدج النحس .. هو اللي حط عليج ..
حارب:
مسويه رقاق عموه .. يعني شو هالحركات يوم انا محد تتفنين وتخبزين .. يوم انا موجود
حليلي تخلين الخدامات يسون الريوق ..
مروان:
هااه من عيونك انته عيل ..
بدر:
متى قالو بيرخصونج ..
مي:
مادري.. اسأل اللي يايبيني ..
راشد:
والله من وصلنا قامت ترجع .. فـ لين المسا لو تحسنت حالتها بيرخصونها ..
مي:
قمت ارجع من سواقتك البايخه ..
غانم:
قتلك انا بسوق.. كنت بتودينا جهنم ..
راشد:
ليش شاك ف ايمانك؟
مايد:
مب منه .. من كثر ما احححم .. هو واللي وراه .. شاك ف عمره
سيف:
ف عينك ..
عليا:
ممكن اترجم شو هـ الاحححم ؟؟
مايد:
سلمج الله يا عمتيه العزيزه هاي لغه ما يفهمها البشر ..
عليا:
عيل منو يفهمها ..
مايد:
يفهمها البقر بس .. ما تشوفين الكل مستغرب من الـ اححم .. سيف و غانم بس اللي
فهموها !
غانم:
تعرف منو البقر؟
مايد:
لو سمحت بلا اهانات جدام الحريم ..
غانم:
واللي انت سويته شو ؟؟
مايد:
انا ما هنتك انا احترمت صله القرابه اللي بيني وبينك .. وما فضحت سرك ..
سيف
كفخ يبهته : وشو تتريا .. ترا قاصر بس تقول نحن شو نسوي !!
عليا
صدت صوب سيف: وانتو شو اتسون حبيبي سيف !
سيف:
ما نسوي شي عموه..
عامر:
هم يدعون الناس لـ يتوبو الى الله توبه نصوحه ..
مروان:
دخيلك .. خلهم يتوبون هم قبل .. عقب يدعون غيرهم
سيف:عمي
.. جنه وايد انهنا ؟؟
غانم:
اشاركك الاحساس ولد اخويه ..
مروان:
عن تصيحون بس ..
دش
عبدالرحمن : السلام عليكم
الكل:
وعليكم السلام ..
مروان:
الله بالخير .. حمني افندي ..
عبدالرحمن:
الله بالنور ..
غانم:
توك راد من الكليه ؟
عبدالرحمن:
هييه ..
راشد:
لايعه جبدك !
عبدالرحمن:
من زحمممه الشارع .. هـ الشباب ماصدقو يبرد الجو .. من يطلعون من الكليه سيده
البر واحد منهم يشل الثاني او يشحفه ..
وتعال عاد يوقفون السيد بكبره لين اتي الشرطه ويشوفوه منو الغلطان .. ياخي امنعوهم
وفكونا..
مروان:
ما عليه بن عمي .. بتتغدى وبتنسى
سيف
صد صوبي: بلاهم ساكتين لي هناك .. ولا جنهم موجودين ..
صديت
صوبه .. ورديت اطالعت الصوب الثاني ..
سيف:
ينعن ابو الطاف..
شيخه:
شو تباني ارد عليك مثلا ؟
سيف:
بلاج طفرانه ..
شيخه
ابتسمت : ماشي توني راده من المدرسه والامتحان كان ارف شوي .. ف مضايجه .. وغير
جذه مييته من اليوع .. ابا ارد البيت ..
بدر
وقف: قومي انا راد البيت ..
صديت
صوب حارب وراشد .. وسكتت .. وعموه علايه تراقب النظرات اللي بيني وبين راشد وحارب
حارب:
برايك ابويه انا برد عقب شويه.. وبردها ويايه ..
بدر:
اشوفك يالس شكلك مب ناوي تنش .. يلا قومي ..
حارب
وقف: الحين طالع وراك ..
بدر:
برايكم عيل .. انا بمرج المسا ان شاء الله .. وان رخصوج قبل خبريني ..
مي:
ان شاء الله ..
بدر:
الحمدلله ع السلامه .. وابتسم ..
مي
ردت له الابتسامه: الله يسلمك
وسار
.. ومن طلع استلمتني عموه
عليا:
جي ما سرتي ويا ابوج ؟
شيخه:
بسير ويا حارب ..
عليا:
حارب اشوفه مرتاح .. مب ناوي ينش على قولت ابوج ..
شيخه:
لالا بينش..يلا قم انته ايه ..
سيف
يهز جتف حارب: انته ايه .. يلا قممم يلا
حارب:
شل اديك عني .. ورمسني عدل ..
سيف:
يالله .. ناس وناس .. الحين هاي قالت لك انته ايه ماقلتلها شي .. انا تقول لي
رمسني عدل !!
عبدالرحمن
ابتسم بخبث: انت ما تعرف العرج الاجنبي ..
كيف يسحر المواطن ويخليه شرات الخاتم بصبعه !
عدلت
وقفتي وطلعت عيني على برع وانا مصدومه من رمست عبدالرحمن .. ما قدرت اطالع اي شخص
ثاني .. نزلت راسي وطلعت برع وانا حتى مب عارفه وين سايره ..
حارب
وقف وهو ينقل نظراته بين الباب .. وبين عبدالرحمن .. وجنه يحاول يرد عليه بس مادري
شو اللي مانعنه .. تم ثواني على هـ الحال وعقبها طلع .. ومايد وراشد ومروان وراه
.. طلعت برع وانا مب عارفه وجهتي .. امشي وامشي .. المهم اوصل
لـ مكان بعيد عن عيون الناس لاني مب قادره اتماسك اكثر .. بنفجر خلاص .. لين ما وصلت للباركات ..
حطيت
ايدي على اول سياره .. دمعت عيوني
دقايق
وحسيت بـ ايد ماسكتني من جتفي بـ قوه .. رفعت راسي طاحت عيني بـ عينه وابتسمت
وعيوني بعدها تدمع.. مسك ايدي وطوّف سيارتين او ثلاث تقريبا .. عقبها سحبني وركبني
السياره .. وركب هو من الصوب الثاني
اتحرك
.. وسار وانا مب منتبهه حتى للمكان اللي متوجه له حارب ..
مايد:
حقير .. واقسم انه حقير .. والله لو مب عموه عليا جان عرفت كيف ارد عليه ..
راشد:
مب اول مره يعق عليها هـ الرمسه .. شو بتسوي !
مروان:
شو اللي شو بتسويه .. راشد شرات ما مهاري اختنا ونحن ما نرضى عليها .. شيخه بعد
اختنا وطبيعي ان ما بنرضى عليها ..
راشد:
اشوفكم دفنتوه .. !
مايد:
يعني لو نشيت ادفنه كنت بتخليني ؟
راشد:
طبعا لا .. عشان جذه اقولك.. اول مره احسك عاقل .. نشيت وطلعت
مايد:
اووه رشود لا تمزح عليه الحين ..
راشد:
خلاص انزين بتردون البيت لا ترمسونها .. اكيد حارب بيرمسها وبيهديها..
مروان:
انا مابرمسها .. بس لي رمسه ويا غيرها
راشد:
مرواان تأدب ..
مروان:
مب متأدب .. يوم هو بيتأدب وبيكلم اختيه عدل حزتها انا بتأدب وياه بن الذين ..
مايد
ضحك: لازم يعني بن الذين ؟
مروان:
هذا يباله عمار .. محد يعرف يأدبه ويوقفه عند حده غير عمار..
راشد:
اييه .. عمار جان وقف نفسه عند حدها قبل ..
مروان:
راشد .. نحن سمعنا السالفه من طرف واحد .. ما سمعناها من الطرف الثاني عشان نحكم
راشد:
زين شرايك يا اخ مروان .. تسمع السالفه من عمار وتعطينا رايك ..
مروان:
اصبر عقب ما تهدى السالفه برمسه ..
مايد:
والحين ليش ما ترمسه ؟ .. تعرف انه بيعطيك كف .. راسك بيفتر
مروان:
صخ انته
راشد
ابتسم: اثنينتكم صخو ..
مروان:
انزين اتصل ف حارب..
راشد:
اعرف انه ما بيرد عليه ..
مروان:
جرب انزين ..
راشد:
ياخي بلاك .. وجنها اول مره ف حياتها تصيح !
مايد:
لا مب اول مره.. بس فرق اذا بتصيح بسبتنا او بسبه حد غيرنا ما يستاهل
مروان:
تحسسني وجنك اللي تستاهل انها تصيح عشانك ..
مايد:
مروان .. نحن اخوانها لو صيحناها بس نحن نعرف ان مب قاصدين انزعلها او نجرحها ..
وتشوفنا اليوم الثاني سايرين لها ومتعذرين .. ماقصد شواخ بس .. امايه وابويه ما
ربونا على شي .. بس مهره عودتنا عليه .. حتى لو ماعتذرنا ..شواخ تعرف ان نحن ما
نقصد .. بس هذا النحس ايي جذه جدام الكل يقول لها هـ الكلام .. خسي والله .. هزلت
يا مايد بدر ..
راشد:
لا تشد حيلك وايد .. يوم بتشوفه تفاهم وياه
مايد:
قول والله .. اوكي خلاص..
راشد:
تأدب ميود..
مايد:
ماعرفنا لك ..
راشد:
خله يولي .. اهم شي شواخ ما تكون مضايجه ..
نسير
شوي صوب اللي من امس حابسه عمرها ف الحجره ولانزلت ..
عقب
ما رقدته .. سارت صوب مرت اخوها تشوفها شوي .. دقت مهره الباب وسمعت صوت الطرف
الثاني وهو يقول لها تفضل .. فتحت الباب ودشت ..
مهره
وهي تثاوب: شخبارج ..
ميثه
رفعت راسها وضحكت : انتي اللي شخبارج ؟
مهره:
زينه الحمدلله
ميثه:
انتي شايفه ويهج قبل لا اجاوبيني ؟
مهره
تنهدت: من امس مب راقده ..
ميثه:
وشو اللي جابرنج ؟
مهره:
ثنوي طول الليل يصيح ما خلاني ارقد ولا خلا شيخو ترقد ..
ميثه:
جان وديتيه عند ابوه..
مهره:
اي ابوو الله يخليج .. فكيني
ميثه:
حلو والله .. ابوه ما يباه ويدته ما تباه ويده ما يباه .. وانتي يايبتنه وناستنه
.. وكل ما حد يخطبج ترفضينه عشان تربين ثنوي .. 15 او 20 سنه وعقبها بيفرّج وبيسير
يعيش حياته .. حزتها الندم ما بيفيدج
مهره:
خيبه خيبه خيبه .. تحسسيني ان 3 او 4 خاطبيني .. وبعدين هذا ياهل ماله ذنب
ميثه:
ولا انتي لج ذنب .. اوكي ياهل ما اختلفنا .. بس مب معناته تربينه على حساب
حياتج ..
مهره:
الله يخليج بندي هـ الموضوع والله لاعت جبدي منه
ميثه:
الريال شارنج ..
مهره:
انا ادري لو وافقت .. وعرست .. امايه
اليوم الثاني بتقول ماباه ف البيت .. وعادي عندها توديه اي مكان
ميثه:
مب لهـ الدرجه ..
مهره:
ليش ما كانت بتسويها ف شواخ !
ميثه:
بس ما سوتها ..
مهره:
ما سوتها لان عمو عليا وعمي احمد وقفو بـ ويه ابويه وقالوله اذا انت مب قادر تربي
البنيه نحن بنربيها .. ربتها عمو كمن سنه وعقبها كبرت شيخو شرات ما نحن كبرنا ..
لا ام مهتمه فينا ولا ابو يسأل عنا .. بس ثنوي لو هديته بذمتج منو بيربيه !
ميثه:
وامه وينها !
مهره
ابتسمت: ميثه .. خليني ساكته الله يخليج ..
ميثه:
المهم .. شيخو شو سووت ف الامتحان ؟
مهره:
مادري بها .. لين الحين ما ردت البيت ..
ميثه
رفعت حياتها: الساعه هنتين الحين !!
مهره:
اكيد راشد او حارب بيمرونها ..
ميثه
يلست :شو بيمرونها .. مهرو الساعه 12
المفروض تكون ف البيت .. اتصلي ف حارب او راشد يمكن استوا بها شي البنيه
مهره:
اييه لا تفاولين على اختيه ..
ميثه:
اتصلي انزيين ..
شلت
مهره فونها واتصلت بهم .. ولاواحد منهم يرد .. حاولت كذا مره وكله يقول لها .. no answer
مهره:
ما يردون ..
ميثه:
جوفي مايد
..
ع
البحر ..
وقف
حارب .. وصد صوبي .. وانا ساكته واطالع جدام بس ..
حارب:
لا تضايجين شواخ .. ما يستاهل دموعج
شيخه
تمسح دموعها : تشوفني اصيح !
حارب:
وهذا شو اللي على خدج
شيخه:
هذا شي عادي .. متعوده عليه
نزلت
من السياره وسرت صوب البحر .. يلست ع الرمل وحظنت ريولي وانا اطالع البحر .. يا
حارب صوبي وحط ايده ع جتفي
شيخه:
والله عادي حروب .. انا اضايج دقيقه وانسى
حارب:
وليش اصلا تضايجين .. قال عن امج انها مب مواطنه انزين وعقب .. شفيها يعني
شيخه:
فيها ان الكل مب متقبلني عشانها .. واولهم امك
حارب
ابتسم:انتي المفروض ما تتحسسين من امايه ..
اذا نحن عيالها وما تتقبلنا .. تدرين يوم اشوفج ف عيونج .. ابتسم .. اقول ف خاطري اذا بنتها جذه عيل هي كيف .. ؟
" مسح بظهر اديه ع ويهها "
تدرين
شيخو .. احسدج على هالشي رغم ان ماعندج ام واميه انا موجوده .. بس شوفي الفرق ..
انتي تتمنين لو امج كانت موجوده وانا احيانا اتمنى لو ماكان عندي ام .. شو فايدة
الام اذا ما كانت مهتمه ف عيالها ولا ف مستقبل عيالها .. تسب وتضارب وف اوقات تدعي
عليهم .. ابتسم باستهزاء.. تدعي عليهم بالموت وبالعمى وبالشلل وعقب كل هذا نرد
نزقرها امايه .. عمرها ما مسحت على راسنا .. عمرها ما حضنتنا .. عمرها ما فرحت لنا
ولا حتى حزنت عشاننا .. ليش يايبتنا لهـ الدنيا مادري ام تعاير ولدها لانه معرس من
سنين وماعنده عيال .. لا والحين حرمته حامل وهي تقول لهم طول هـ السنين ما يبتو
عيال مني انا ..دام قلبي مب راضي عليك عمرك ما بتشوف عيالك والحرمه حامل تخيلي
انتي !! .. ام تجبر بنتها على شي هي ما تباه مب حبا فيها تقولين خايفه على مصلحه
مهرو عشان جذه تباها تاخذ عبدالله لا .. امايه تبا تقول جدام الناس ان بنتي خذت
فلان ولد فلان .. اللي منصبه كذا وراتبه كذا .. مب مهم اذا مهره راضيه او تحبه او
تكون سعيده ف حياتها المهم انها تحقق اللي ف بالها .. عبدالرحمن بيرمس ؟ خليييه
يرمس كثر مايبا تراه يحط علينا كلنا اول مره تعرفينه انتي بعدين لو رمس من اليوم لين باجر عمره ما بيسبب لج جرح
كبر الجرح اللي تتركه امج ف داخلج وهي تعق عليج هـ الكلام.. ابتسم.. وايد رمست
ريجي نشف
شيخه:
بس ما يعق عليكم كلام شرات ما يعق عليه انا وجدام الكل
حارب
ابتسم: انتي شفيج .. خليه يقول اللي بيقوله
"اجدم منها وحظن ويهها"هاي الاجنبيه اللي مب عايبتنه .. يابت
أجمل مخلوقه عندي بهـ الدنيا ..
ابتسمت
حارب:
شيخه .. دايما يظل مكان للفرح..ومكان للككاو الحلو...لا زال قلبنا فيه مكان
للفرح.. ليش نحرمه الفرحه ..!
وابتسم
ف ويهها ورد رمس
حارب:
شو سويتي ف امتحان اليوم
شيخه:
ارف
حارب:
انتي دومج تقولين ارف وارف .. وآخر شي درجاتج كلها توب
شيخه:
هـ المره صدددق ارف ..
حارب:
يعني ؟
شيخه:
اذا يبت 92 وايد
عليه
عطاها
حارب بنظره وابتسمت هي باستهبال
حارب:
قومي قومي جدامي .. انا قلت شي الحين
شيخه:
اييه والله مب متعوده اييب هـ الدرجات
حارب:
قالت 92 قالت .. نششي الساعه 2 ونص امج زيين بتسوي بنا ..
شيخه:
حد قالك اتيبني هني ؟
حارب:
تراج ما تنعطين ويه
شيخه:
احلف ..
حارب
ابتسم ..
شيخه:
مب راكبه السياره لين ما تحلف..
حارب:
مب حالف ..
شيخه:
كيفك مب يايه ..
حارب:
كيفج تمي هني .. انتي اللي بتنهزبين عقب
شيخه:
برااايه .. دومي انهزب سواء سويت شي والا ما سويت شي ..
حارب:
جب جب .. يلا قووومي
شيخه:
بخبر عليك حماده
حارب
يضحك: حماده ف عينج اصغر عيالج هو .. انا اللي بخبره عليج
شيخه:
ماخاف منه
حارب:
يابنت الحلال نشي ..
شيخه:
انزين انزين .. اسحبني .. ومدت ايدها
مد
اديه وسحبها وعقبها ظربها على جتفها .. وسار عنها .. وهي وقفت تتحرطم عليه
..
وصلنا
البيت .. حارب كان صاد صوبي ويسولف وهو مبتسم .. ومره وحده غير ملامح ويهه
شيخه:
بلاك !
حارب:
بلايه بنت عمتج اللي ما تفكني من ويهها
وبنفس
الوقت دقت شموه ع الجامه .. وهي تصرخ: انتي ايه فتحي البااب جي قافلتنه.
صديت
صوبها وابتسمت ..
شيخه:
ههههه حرام عليك من شهر مفتك من حشرتها انشغلت بالامتحانات ..
ورديت
صديت صوب الجامه وانا افتح الباب
شيخه:
شفيج انتي ؟
شمه:
نزلي نزلي بسرعه .. ومسكت ايدي
حارب:
خير خير .. انتي ايه جانج عميه ما تشوفين الوقت مشكلتج .. هدي اختيه بنسير نتغدى
نحن
شمه:
اختك بتتغدى عندنا ..
حارب:
على كيفج هو ؟؟
شمه:
لا تعال .. باخذ شورك قبل ما اعزمها ..
حارب:
شمووه توني راد من الدوام مب متفيج لج ..
شمه:
وانا ماصدقت ايي الويكند واتنفس شوي ف اسمح لي ما عندي استعداد اخرب وناستي وايلس
اتقارض وياك ..
حارب:
شيخوه انتي جريبه منها عطيها كف على راسها..
شيخه:
هاي اذا عطيتها كف على راسها .. شو تم ف مخها ؟
شمه:
نزليييييييي يلا .. والله امايه تترياج
حارب:
مسرع ما ردت امج
شمه:
من نص ساعه راده .. وتتريا اختك بعد
شيخه:
بعد .. !
حارب
ابتسم: سيري سيري .. عمو علايه راده من المستشفى وطالبتنج .. خذيها مني عيل..
بترديلنا وانتي لايعه جبدج .. والا شموه عازمتنج لله ؟؟
شمه
تضحك: انتتتتتتتتته اجلب ويهك وسر بيتكم .. مابا اشوف ويهك لين المسا ..
حارب
ابتسم : اي اوامر ثانيه الشيخه شمه ؟
شمه:
سلامتك
وسحبتني
من اديه وركضت سايره بيتهم .. وانا شرات الخبايل اراكض وراها ..
وصلنا
جدام الباب ووقفت .. سحبت ايدي من ايد شمه
شمه
ابتسمت: راقد راقد ..
شيخه
هزت راسها: منو تقصدين ؟
شمه:
عبدالرحمن
شيخه:
احسن
شمه:
ههههههه .. بس غيره واعي
شيخه
: تراني متفيجه حق اخوانج .. و هـ اللي قاصرني عشان اتنرفز زياده
شمه:
دشي دشي
سويت
لها طاف واجدمت .. دشينا وسرنا صوب غرفه الطعام .. من حطيت ريلي عند الباب وقفت
وغطيت ويهي بيدي
شيخه:
الله ياخذ اليوم اللي تعرفت فيه عليج يا شمه ..
شمه:
تقصدين يوم ميلادج ؟
شيخه:
تعرفيييييييني ماحب هـ الشي ..
منصور:
تحبينه ما تحبينه .. بتشربينه وانتي تضحكين ..
شيخه:
اخ لااااااااا ..
منصور:
محد قالج اتسيرين المستشفى ..
شيخه:
كله من حارب النحس .. وانا اقول ليش ضحك يوم سحبتني شمه .. يدري ان امك مسويه
عمرها عطار
منصور
يلس: لا يصلح العطار ما افسده الزمن ..
شمه
سحبت لها كرسي ويلست: خذو الحكمه من افواه المجانين ..
شيخه
: شدخل المثل ف الموقف .. وقفت .. انا بسير بيتنا ..
شمه
سحبتها من اديها : يلسي يلسي ..
شيخه:
شموووه يوعااااانه ابا اتغدى ..
شمه:
بنغديج ..
شيخه:
ابا عييييش ..
شمه:
عندنا انزين .. عفانا الله .. انا بسير اشوف حمدوه وبرد .. ان تحركتي من مكانج يا
ويلج .. منصور راقبها ..
وسارت
شيخه:
اخ لااا .. ماقدر اتم .. انا اذا شربت هـ الشي .. بتلوع جبدي ومابتغدى عقب
منصور:
زين .. عشان تضعفين شوي ..
شيخه:
جيي .. شو جايفني.. اخوانك الدبب ..
سمعت
صوته من وراي وهو يقول
فارس:
الرجاء عدم الاهانه ..
رفعت
راسي اطالعته بـ برود ورديت صديت صوب منصور
طارق
توه ياي: واقسسسسسسسسسسم اني يوعان ..
منصور:
move move شواخ .. اخواني يوم ايوعون
ينعمون .. عادي ياكلج ..
طارق
وقف
منصور:
ديري بالج شيخو ..
طارق
ابتسم: بسير المطبخ عند اماااااااااايه ..
منصور:
اصبر بيي وياك ..
سار
طارق ووراه منصور .. ونشيت وقفت
فارس:
بتسيرين وياهم انتي بعد ..!
شيخه:
لا بسير عند شموه ..
فارس:
بتيج روحها .. يلسي مكانج ..
شيخه:
ليش تبا مني شي .. ؟
فارس:
يمكن .. يلسي ..
يلست
شيخه وهي متنرفزه .. تطالع الدري وترد تطالع الساعه ..
فارس
جدم الكوب لـ ثمه : الدري نفسه اللي ف بيتكم .. اما الساعه ف مادري اذا شرات
ساعتكم او لا
شيخه:
ساعتنا احلى بعد ..
فارس:
شو الامتحانات ..
شيخه:
زينه .. وانته ..!
فارس
رد على ورا وحط ريل على ريل: منييييييحا ..
شيخه
غيرت ملامحها ورفعت حياتها: تستهبل حظرتك ..
فارس:
لا والله .. جذه هفات ..
شيخه:
سين سؤال ..
فارس
نزل الكوب: جيم جواب
شيخه:
انت وايد متلذذ بـ اللي تشربه
فارس:
ليش .. لايعه جبدج .. !
شيخه:
وايد ..
فارس:
انتي اصلا لايعه جبدج مني انا بكبري .. يت ع اللي اشربه .. !
سكت
.. وسكتت وياه ..
فارس:
ليش سكتتي .. !
شيخه:
وليش ارمس .. في حد يسمعني .. !
فارس:
نحن نسمعج ..
شيخه:
منو انتو .. بسم الله
فارس
نزل راسه ورد رفعه وهو مبتسم وحاظن الكوب بـ اديه: قولي انا ..
شيخه:
وانته استويت انتو .. !
فارس:
ما تفرق .. المهم ان في شخص يسمعج ..
سكتت
عنه وهي تطالع ابتسامته اللي ما يشوفونها دايما ..
فارس
وهو يطالع فوق: تدرسين تقاسيم ويهي .. !
سكتت
شيخه ونشت عنه .. سارت صوب الدري ووقفت هناك ..
هـ
الانسان .. يوم عن يوم .. يثبت لي انه جماد .. مجرد خلايا ميته مالها احساس ..
..
ليست هناك تعليقات:
إرسال تعليق