كان يالس ع الارض وحاط الـdvd ع الكرسي اللي جدامه ومندمج .. وبنت عمه يالسه حذاله بـ نفس طريقته .. وميثه مجابلتنهم وهي ميوده مجله ف اديها .. عينها ف المجله مره .. ومره عليهم ..
وفجاه .. نش ثاني بند الدي في دي عن روضه .. سحبه وسار ..
ميثه: على وين ..؟
ثاني: بثير عند شمه .. وسار ..
ودرت ميثه المجله وسارت وراه ..
ميثه: تعال ماما ..
ثاني: انا ابا شمه ..
ميثه: شمه محد .. سارت ..
ثاني: اذين انا ماباج .. انا ماحبش انتي ..
ميثه ضحكت: مب لازم اتحبني .. بس تعال يلس ..
ثاني: مابا ..
ميثه: حبيبي .. شمه محد.. تعال
ثاني: وين ثارت ..؟
ميثه:سارت المستشفى
ثاني: ويا منو ..
ميثه: ويا امها ..
ثاني: ليش ..
ميثه: اخوها مريض .. سووله عمليه ..
ثاني طلع عيونه: قثو بطنه ..
ميثه: والله ماعرف .. ماسالتهم ..
ثاني: ثووله ابره ..!
ميثه ابتسمت: هيه .. ثووله ابره .. وشمه سارت عنده الحين ..
يلس ثاني ع الدري بـ أسى .. دقايق ورد رمس ..
ثاني: اذين ابا ابويه ..
ميثه يلست حذاله: ابوك ف الدوام ..
ثاني برطم: انا ابا ابويه ..
ميثه: بيرجع ان شاء الله .. انته قم تعال ويايه ..
ثاني: مابا ..
ميثه: براويك شي حلو ..
ثاني حظن عمره: مابا ..
اجدمت ميثه منه ومسكته من اديه .. حاولت اتقومه .. وصاح ثاني قبل ما تكلمه ..
ميثه: اويه .. ليييش ..
ثاني: ابا ابوووويه ..
ميثه: حبيبي بيرجع بابا .. سار الدوام الحينه .. قم انته تعال ويايه بعطيك جبس
ثاني: مابا ..
ميثه: ترا بعطي حق روضه بس ..
ثاني صرخ: مااابا ..
ميثه ضحكت: شو اللي ما تباه .. الجبس والا روضه ..
ثاني: ماباكم ماباكم .. انا ماحبكم انتو .. قومي انا ابا ابويه ..
ميثه: انزين تعال بقولك قصه ..
ثاني: قووومي عني .. ماباج انا ماحبش ..
ميثه: يا عمي لا اتحبني بس تعال
ثاني صرخ: مابا .. وديني عند ابويه
يلس ثاني ع الدري وهو حاظن عمره ويصيح من الخاطر .. وميثه مجابلتنه منصدمه منه وبنفس الوقت مب عارفه كيف تتصرف معه .. دقايق .. واتبطل باب الصاله ودخل عمار ..
سكت ثاني .. مسح دموعه ووقف .. وميثه تضحك على براءته .. وهي مستغربه من وجود عمار هـ الوقت ..
ثاني: باباتي ...
اجدم عمار من الدري .. نزل ثاني .. لين ما وصل عند ابوه وحظن ريوله ..
ثاني: ابويه ..
عمار جدم اديه ودز ثاني: قم عني ..
يلس عمار ع الدري .. ثواني .. وعقبها طاح وهو يتنفس بسرعه ..
ميثه: عماار ..
نزلت من فوق وهي تصرخ بـ اسمه .. و طلعت بدور من داخل على صراخها .. اجدمت من عمار وهي منصدمه
بدور: شفييه ..!
ميثه: مادري به ..
بدور: يبي ماي من حجرتي بسرعه ..
ركضت ميثه .. سارت يابت كاس ماي من الثلاجه ويت .. فتحت بدور الكاس .. ومسحت به ويه عمار .. عقب حاولت ترفع راسه وتشربه ..
رفع عمار اديه ومسك ايد امه اللي كانت ميوده الكاس وابتسم وهو يرفع راسه ..
بدور: تمزح ..!
عمار: اسوي بروفا ..
بدور رشته بالماي: مالت عليك ..
عمار ضحك: والله تعبان .. بس اشكالكن اتضحك ..
ميثه: خوفتنا الصراحه ..
عمار: مجرد هبوط عادي ..
ميثه: مجرد هبوط .. وراد من الدوام ..!
عمار: ربعي ماخلوني اتم .. اونه شكلك تعبان ورد البيت .. مادري ليش مبكرين السالفه .. وانا طبعا ما جذبت خبر .. ورديت ولو ان الموضوع عادي
بدور: لو شفت شكلك جان ماقلت عادي ..
عمار: ليش خفتي ..؟
بدور: صخ زيين ..
عمار ابتسم : شكرا امايه ..
بدور: على شو ..!
عمار: مادري .. خربت عليج كنتي اتابعين مسلسل او شي.. وانا سويت لج آكشن هني
بدور ابتسمت بألم: ما كنت اتابع شي .. ولو كنت اتابع .. اللي اشوفه مب اغلى عنكم ..
رد لها عمار الابتسامه وفجاه كلهم صدو صوب ثاني اللي صاح وشل البيت ع راسه
بدور: بسم الله الرحمن الرحيم
ميثه: ولدك اليوم .. مسولي فلم هندي الصراحه .. عليه حالات مب طبيعيه
عمار: ههههههه تعال ..
اجدم ثاني .. طاح ف حظن ابوه وزاد صياحه ..
عمار: بس يالماصخ ..
بدور: ليش يصيح ..
عمار: لاني ماحظنته من شوي يوم ياني .. ودزيته ..
ميثه: يالله حساس ولدك ..
عمار: طالع على ابوه فديته " وباسه" قم يلس بنكلم شيخو ..
ثاني: ماباها ..
عمار: حرام ما بتكلمها ...؟
ثاني: انا .. انا ماحبها .. اناماحبهم كلهم .. الوحشيّين ..
عمار: خيبه .. شو مسوين ب ولديه ..
ميثه: قوول هو شو مسوي بنا ..
عمار: ههههههههه شاله عليه من الخاطر ميثه شكله عدل مطفرنج " نزل مبايله عن ذنيه" وينها هاي ماترد ..
..
ف ألمانيا ..
حمد: شيخه ..
وشيخه ماترد ..
حمد: شيخو
شيخه: همم ..
حمد شل الكوشن وكفخها على راسها ..
شيخه شلت اللحاف عن ويهها: شو ..
حمد: انتي شو فييج مرض .. كله راقده كله راقده ..
شيخه: جوكم يرقد ..
حمد: والله شكله وجودي معاج هو اللي يرقد.. قومي زين ..
شيخه: شو تبا ..
حمد: ما تسمعين مبايلج يرن .. ردي عليه
شيخه: اسمع بس مابا ارد ..
حمد: لا والله تتغلين يعني ..
شيخه: هيه .. وردت اتلحفت ..
حمد: اوكي لا تردين .. انا برد ..
اجدم حمد من الكومدينو بيفتح الدرج .. وعفدت شيخه صوبه مسكت اديه ..
شيخه: لا لالالا ..
حمد: بلااج ..
شيخه: لا ترد عليهم مابا اكلمهم ..
حمد: ليش ..
شيخه: بس جذه ..
حمد: زعلانه منهم يعني..؟
شيخه: هيه ومابرضى ..
حمد يلس وهو يضحك ..
شيخه: ما يضحك ..
حمد: شفيييج انتي ..
شيخه: ولااا شي ..
حمد: الحين انتي زعلانه لانهم ما اتصلوبج يومين ..
شيخه رفعت صبوعها :3 ايام ..
حمد: شاله عليهم من الخاطر ..
شيخه طاحت ع الشبريه: افف بس غير السالفه ..
حمد: ليش ..
شيخه: والا بصيح وبحشر الدنيا الحين و .......
حمد: وبتطرديني من الحجره .. لالا دخيلج .. خلج جذه حلوه ومودبه ..
شيخه تثاوب: من يومي ..
حمد: زيين شفطتينا ..
يلست شيخه اجدمت من حمد ويلست حذاله .. دقايق ورد رمس ..
حمد: اسألج سؤال ..
شيخه: اتفضل ..
حمد: يعني باجر لو مليتي من ويهي وقلتي برد البلاد .. انزين .. حجزت لج ورديتي ..بتتصلين بي كل يوم..! " رفع ايده" ويت لا اجاوبين .. خليني اقولج اللي اتوقعه .. اممم .. انتي بتسيرين هناك .. بتعاتبينهم وبتزعلين دقايق وعقبها بترتبشين وياهم وبتسولفين وبتضحكين وبتمزحين .. ولا بتذكريني حتى ب مسج .. اما انا .. برد لـ حياتي الطبيعيه قبل ما اخذج .. بدرس وبسير وبرد ويا ربعي .. مع ذلك مستحيل تغيبين عن بالي لحظه وحده .. بتصل بج لو مب يوميا .. ف اكيد كل يومين .. تدرين ليش ..
سكتت وماردت عليه ..
حمد: لاني بديت اتعلق فيج .. واحبج واحسج شي كبير مني ومن قلبي مستحيل استغنى عنه .. اما انتي " وهز راسه" ما تحبيني عشان جذه بتلهين بـ حياتج و يمكن تنسيني بعد ..
ابتسم .. نش عنها وسار برع ..
..
اتبطل الباب .. دخل بالسياره ووقف ف نص الحوي .. حط القير ع الـP ورفع الهاند بريك وصد صوب ولد عمه ..
عامر: انته ايه يالمتوفي انزل ..
مروان وهو رافع راسه ومبند عينه: عامر " خذ نفس" مابا اشوف حد ..
عامر: بلاك مروان ..
مروان: سيارته هني " وصد صوب عامر وهو يصرخ" مابا ادخل واشوفه ..
عامر: تقصد .. ابوك ..
سكت مروان ومارد عليه ..
عامر: مروااان .. مروااااااااااااانو " وغير نبره صوته" مر وا نيييييييييييييييييييي ..
مروان: عامر .. ماقدر اشوفه .. ماقدر ..
ومسح دمعته .. سكت عنه عامر و حرك السياره .. طلع من حوي بيت عمه وسار صوب بيتهم ..
نزل .. سار صوب مروان وفتح له الباب ..
عامر: قم تعال ويايه
مروان: احس اني مختنق ..
عامر: انزل ..
مد ايده لـ ولد عمه اللي مسكه ونزل وياه .. سايرين داخل ..
دخل وياه الحجره وبندو الباب .. يلّس ولد عمه ع الشبريه .. وهو يلس حذاله . .
عامر: مروان .. ارفع راسك ..
ومروان منزل راسه وساكت ..
عامر: مروااااااان .. ارفع راسك ولاتقهرني "مسك ويهه"
جدم مروان ايده .. لـ ايد عامر اللي ماسك ويهه .. مسك اديه وفرها ع الارض ..
نش عامر بـ عصبيه ووقف جدام مروان .. مد اديه ومسك ويهه مره ثانيه ..
عامر: انزين .. بس فهمني .. لين متى بتم جذه ..؟
مروان :لين ما كل شي يرد شرات ما كان ..
عامر: مستحيل كل شي يرد شرات ما كان .. مستحيل انرد الزمن لـ ورا .. اترد شيخه وماتاخذ غير فارس .. وايرد فارس ومايسوي الحادث .. انته ترمس عن اشيا مستحيله .. الزمن ما بيرد لـ ورا وكل هذا مستحيل يستوي .. بس اللي ممكن يستوي هو ان فارس ينش ويرجع لنا شرات ما كان .. واذا على بيتكم .. ياخي لاترجع .. بنتبناك نحن .. انا كم مروان عندي ..
مروان: احاول اسوي اللي تقوله .. احاول اضحك واسولف واروح وارد .. بس الشي اللي ف داخلي واللي يقدر يسوي لي كل هذا .. طايح هناك مكسور وكاسرني وياه ..
عامر: انته مب مكسور .. مروان .. انا اللي مكسور ..
رفع مروان .. حط عينه بـ عين ولد عمه عقب ما تغيرت نبره صوته وسار بعيد عنه ..
عامر: انا اللي قاعد اضحك وامزح وامثل .. بس من داخلي مكسور .. اسير المستشفى بـ عامر.. وارد البيت وانا عامر ثاني .. لاني كل يوم اقول بغير شي .. بس مب قادر .. كل يوم اتأكد اني فشلت .. فارس لو يرجع لحياته بيغير مودك ويمكن يغير حياتك بكبرها .. وانته بعد لو ترجع لـ نفسك ولـ حياتك .. انا متاكد انك بتقدر ترجع لنا فارس .. شوف كم شخص يترياك.. شوف عموه وعيال عموه واخوانك واخواني وغانم وعمي عبدالعزيز وعموه مي وابويه .. مروان .. كلهم يتريونك . .يتريونك انته قبل فارس .. لانهم واثقين ان محد بيرجع همة فارس وبيخليه يرد لنا غيرك .. بس اذا تميت انته جذه .. وتم فارس جذه .. انا ما بسوي شي .. غير اني بزيدهم يوم بيشوفوني على حقيقتي .. وبيشوفوني كيف انكسرت وياك
وقف مروان .. واجدم من ولد عمه ..
مروان: عامر ..
عامر: لا تقص عليه شرات المره الاولى وماشوفك عقب سويت شي ..
مروان: هـ المره مابقص عليك .. هـ المره بوعدك ..
عامر سكت وصد صوبه ..
مروان: عشانك قبل اي حد ثاني .. وابتسم ..
رد له عامر الابتسامه بـ حركه ثانيه .. اجدم منه اكثر وحظنه ..
مروان: عامر ..
عامر: نعم ..
مروان: رغم اني حزين بس تدري انك اتضحكني يوم ترد عليه بكل ادب ..!
عامر: انزين ..؟
مروان: وتدري انك اغلى ولد عم بحياتي ..
عامر: ادري ..
مروان دزه: افف " سار صوب الشبريه وطاح " ممكن تنجب ..
عامر:لا "ونقز يلس حذاله " مب ممكن
عامر مكسور اكثر عن مروان .. عامر حزين اكثر عن مروان .. عامر مهموم وضايع اكثر عن مروان .. بالنسبه لـ مروان .. فارس اللي تعبان ويترياه متى ينش ويرجع لهم .. بس بالنسبه لـ عامر .. فارس ومروان اللي تعبانين ويترياهم متى يرجعون له .. لانهم اغلى اثنين بـ حياته .. ومستحيل يتخيل انه يعيش بدونهم شرات ما يشوف نفسه الحينه ف هـ الايام كيف يسير ويرد ويسولف بدونهم ..
..
بالباجر الظهر ..
وصل عند باب الاستراحه .. وقف وهو مغمض عينه ..
راشد: نععععم انته ..
عمار ابتسم باستهبال: نعم الله عليك .. يايبلكم هديه .. بس اسمحولي مالحقت اغلفها ..
راشد: خيير .. تتحسب عمرك ياي حديقه .. شل هديييتك ويلا سر بيتكم
عمار: والله هو اللي يتحسب اني ساير حديقه ..
مايد توه طالع من داخل وسار صوب عمار: خير خير انته وهو ..
عمار: جب زيين .. وسار يلس
مايد: وين يايبنه .. ما بيدخلونه ..
عمار: منو قالك اني بدخله ..
مايد: عيل شو ياي تاخذه جوله تعرفه على اقسام المستشفى ..
عمار: هيه ابا ابني مستقبله من الحين ..
سعيد يالس وهو يضحك: والله انكم ...
عمار:انا ببيعه هـ الولد حد بيشتريه ..!
مايد: محححد يباه .. شله شله يلا وده البيت ..
عمار: اذا صاح والله انته بتسكته ..
مايد ضحك: اذا صاح يعرف شغله .. ثنوووي في دري ف المستشفى هاااه ..
راشد : لا ومعصب بعد .. ما يتنزل يرد عليك .. حووو بلاك انته ..
ثاني معصب: لا قووول انته .. انا ثاني
راشد ضحك: لييش زعلان
عمار: ما يباني ..
راشد: و يبا منو ان شاء الله ..
عمار صد صوب سعيد وسكت ..
سعيد ابتسم: حاشر الدنيا يبا شمه ..!
مايد: اختتتك ساحرتنه
سعيد: والله كيفها خلها تتحمل الحين ..
عمار: يلا يلا قم انرد البيت ..
ثاني: مابا ..
عمار: والله اني مصدددع .. توني راد من الدوام ما خليتني ابدل وارتاح شوي .. ثنوووي انته شاااااام ريحتي ..
راشد: الله يلوووع جبدك ان شاء الله ..
عمار: يلوع جبدي اكثر من جذه ..! نش يلاااا
سكت ثاني عنهم .. ثواني .. وصاح ..
راشد: اكملت ..
عمار: ايهييي استغفر الله العظيم .. ثاني بس خلاص ..
مايد: لا انته يعني صدق قاص عليه .. يايبنه تراويه ويهي والا ويه راشد والا ويه سعيد .. مع احترامي لك ولد عمتيه ..
سعيد ضحك: خذ راحتك ..
مايد: يعني ساحبنك وقايلك ابا شمه .. يبته وخليته يجابل راشد وسعيد .. وهو عينه ع الباب يتريا شخص غيرهم يظهر .. واخر شي تحطم الريال يوم شافني انا اظهر .. اكثر واحد ما يدانيه
عمار: نعععم انته .. تحطم الريال .. تحسسني يعني ياي يشوف خطيبته "وقف وسحب ثاني" قم يلااا
وثاني معاند مب طايع يتحرك .. وعقب ما سحبه عمار وهزبه .. صاح ثاني بصوت عالي وحشر الدنيا ..
راشد: ممكن تشله وتسكته .. ترا اللي يداومون هني .. يتريون علينا الزله عشان يطردونا ويمنعونا من الزياره .. ف لو سمحت لا تكون انته وولدك السبب
عمار: شسوي به انزيين ..
راشد: شله .. ماتقدر اتشله ..
مايد: والا عطه كف خله يصيح زياده .. راسه بيدور ولا بيعرف وين ساير هو اصلا ..
سعيد: خيبه مايد شو هالاجرام .. اصبر بسير ازقر له شمه .. حرام ياي لين هني عشانها ..
مايد: هذيل اللي بيجلطوني ..
سكت سعيد .. خطف جدام مايد وظربه على راسه .. ومايد سكت عنه واطالعه بنظره خلت سعيد يضحك غصبا عنه .. اجدم سعيد من الباب وشاف شمه بـ ويهه ..
سعيد: الله يابج ..
راشد: يابج الله يالوفية ياللي زرعتي الشوق فيني لاوعد من دون نية صدفه يت عينج بعيني
مايد: خيير .. خييير ..!!!
شمه: بلاكم ..
مايد: بلانا ولد هذا اللي فالح يوزع ماي كل يوم والثاني بالدريس ..
عمار: المشكله اني منتهي والا جان عرفت كيف ارد عليك
شمه: ليش يصيح ..
سعيد: مشتاق لج ..
ابتسمت شمه .. اجدمت من ثاني اللي بدا يصيح بـ دلع وماطاع يسير صوبها اونه زعلان .. مدت اديها مسكته .. اجدم منها وصاح من خاطره .. شلته ومشت .. سارت صوب الكراسي اللي برع ويلست ويلسته ف حظنها .. راشد وسعيد ومايد سارو داخل .. اما عمار طلع ورا شمه وثاني ويلس حذالهم ..
عمار: آسف لاني يبته وانتي ف هـ الوضع .. من 5 ايام وهو يقول لي اباها وودني عندها .. وانا اقوله باجر .. اليوم حشر الدنيا .. ماطاع يرقد ولا طاع ياكل .. طول الوقت يصيح يقول ابا شمه .. ف اضطريت ايبه عشان يقتنع بس ..
شمه: حبيبي " وحظنت ثاني .. دقايق وردت رمست" انته ساير الدوام ..!
عمار: لا .. راد من الدوام ..
شمه وقفت: شكلك تعبان .. سر ارتاح ..
عمار اجدم منها ومد اديه: زين يبيه ..
شمه: خله عندي .. سر ارتاح انته ..
عمار: شو اخليه ..!!
شمه: لو رديته البيت .. بيرد يصيح ..
عمار: خله يصيح مشكلته .. انا قلت له بنجوفها شوي وبنرد البيت ..
شمه: ادري انه ما بيقتنع .. ومستحيل يسكت لو رديته البيت ..
عمار: والله مب على كيفه ..يلا يلا جدامي ..
شمه: حرام عليك ..
عمار: مستحيل اخليه .. ربع ساعه وبيجلب المستشفى .. بيصيح من الملل .. وانا اصلا مابقدر ارقد وهو مب موجود ف البيت لازم بستهم عليه .. يلا انسير ثنوي
ثاني: انا ماباك انته ..
عمار: انسير باخذ لك من ماكدونالز .. انته مب تقول انا ابا من ماكدونالز ..
ثاني: مابا .. انا ماحبش ..
عمار: لا تحبني .. انا بعد ماحبك .. يلا انسير
ثاني: انا ذعلان منك ..
عمار: حتى انا انزين ..
ثاني: قوووم عني ..
عمار نزل ب مستواه: انا تعبان ثنوي والله وايد تعبان شوف شكلي .. تباني اطيح الحينه يودوني تحت عند الدكتور وعقب ارقد هني ..
ثاني طلع عيونه: يثوولك ابره ..
عمار: هيه يثوولي ابره .. تبا ..!
ثاني هز راسه بـ لا ..
عمار: عيل طوف جدامي ..
ثاني: مابا ..
عمار: استغفر الله ..
شمه: يلا انسير انزين .. انا بي وياك ..
ثاني رافع حياته بحركه طفوليه: بتين ويايه بيت انا ..
شمه ابتسمت: لا .. بوديك ويايه بيت انا..
ثاني: ويا ثياره ابويه .. ؟
شمه: هي .. يلا ..
مسكت شمه ايد ثاني وسحبته بدون لا تصد صوب عمار او تترياه يعلق عليهم .. وهو يمشي وياها ويسوي حركات مره يرقص ومره ينقز ومره يغني ويصفق .. كان فرحان صدق ان شمه حبيبة قلبه وياه .. وعمار من كثر ماكان يتأملهم شكله رقد وهو ع الكراسي اللي ف الممر ..!
ليست هناك تعليقات:
إرسال تعليق