الأحد، 17 نوفمبر، 2013

الجزء الـ11 (1)

الصبح .. الساعه 6 الفير ..

سحبت عمرها .. وصلت عند بنت خالها اللي راقده ولا تدري عن شي ..

شمه: شيخووو ..
شيخه: همممم ..
شمه: قووومي ..
شيخه: شو تبين انتي ..
شمه: نشي نشي .. يلا بسج ارقاد ..
شيخه: شمووه قومي عن ويهي والله تعبانه ..
شمه: شووو تعبانه .. حرام عليج باجر بنرد البلاد .. نشي نشي نشييي ..
شيخه: سيري ولي " وغطت ويهها "
سحبت شمه اللحاف عن ويهها ..
شمه: نشييييييييييي..
حمده وهي راقده : شمه وشيخه حشرتوني ..
شيخه فتحت عينها: اففف شو تبين ..
شمه: يلا نشي ..
شيخه: نشيييت انزين شو تبين ..
شمه: مابا .. اذا قتلج بتردين ترقدين ..
شيخه: شردتي الرقاد عن عيني وين برد ارقد ..
شمه: نشي انسير البحر ..
شيخه: الساعه كم الحين ..
شمه: 6
شيخه: خيبه شمووه ..
شمه: مافي حد الحين بليييز نشي ..
شيخه: افف منج ..
شمه: بليييز والله .. قبل ما الشباب ينشووون ..
شيخه: انزين انزيييين ..

نشيت كرها لا طوعا .. بس عشان ما يتم ف خاطر بنت عمتيه وعشان ما ترد تحشرني .. بدلنا .. وطلعنا من الحجره ..

شمه: في حد ناش .. ؟
شيخه: هـ الحزه .. ؟ ماعتقد حد مينون غيرنا ..
شمه: امبلى والله اسمع صوووت ..

سارت شموه صوب الدري .. ووايجت من فوق ..

شمه: Hello, is anybody her?
شيخه: الحمدلله والشكر ..
شمه: والله في حد واعي ..
 ونزلت تحت .. وصلت لين نص الدري وعلت صوتها شوي ..
شمه: يا حيااااااااتي .. انته شو تسوي هني ..
ثاني: بابا .. آقد " راقد"
شمه: وانته شو مودنك تحت ..
ثاني: عمو قالت ..
شمه: ووين عمو .. ؟
ثاني: آقده ..
شمه: يا سلام .. ابوك آقد .. وعمتك آقده انته شو تسوي هني ..
ثاني: انا بثبح ..
شمه: وين ..
ثاني: هناكي بعييييييييد ..
شمه: وين هناك ..
ثاني: تعالي جووفي ..

سارت شمه وراه ... ونزلت انا من فوق سايره وياهم .. وصلنا الصاله .. وضحكنا انا وشمه

عمي خالد راقد ع الكنبه العوده وماخذ راحته .. راشد راقد ع الثانيه اللي اصغر شويه وحاط ريوله فوق لان الكنبه ما تسدّه .. سعيد راقد ع الارض ولا يدري بعمره .. وعمار راقد حذال طارق اللي عافد عليه ..

شمه بصوت واطي : اويييه سكااارى ..
شيخه: جب الله ياخذ بليسج .. انا ناستنهم هذيل .. والله ان نشو وجافونا بـ عبينا رحنا فيها انا وانتي ..
شمه: قووومي زين انا بسير ..
شيخه: شموه بدون صووت .. شوي شوي ..
شمه: اوووكي ..
ثاني اشر ع الدريشه:هناك بثبح ..
شمه: اصص بنوديك بس اسكت..
شيخه: يقصد البحر ..
شمه: ادري به .. بس اذا ابوه فتح عينه وانتبه علينا .. والله اخوج انا مادري شو اللي ممكن يسويه ..
شيخه ضحكت: بيغط راسنا ف البحر وبيطلعه عشر مرات عشان ما نفكر ننزل مره ثانيه رواحنا ..
شمه: عيل امشي..


طفت وانا ميته عليهم من الضحك .. اشكالهم صدق اتضحك .. سكارى .. بالقووو بعد ..
وصلنا عند الباب ووقفنا ثاني ..

ثاني: انا مابي اياج انتي ..
شيخه: والله ويا منو بتسير عيل .. ؟
ثاني: ابويه ..
شيخه: كيفك .. نحن بنسير عقب مب اتصيح ..
ثاني: انا ليّال " ريال" ما ثيح ..
شيخه: كيفك .. يلا باي ..

سوالي ثاني باي .. وطلعت وطلعت شمه وراي عقب ما شفطت ثاني وقطعته بووس .. 
وصلنا للرمل عقيت نعالي ومشيت .. اجدمنا .. ويلسنا ع السيفه

شيخه: متى آخر مره سرنا البحر ..
شمه: امم قبل سنتين .. ؟
شيخه: يمكن اكثر بعد ..
شمه: حسيتي ..  
شيخه: كشخه والله مافي حد ..
شمه: ويوم ووعييييتج حشرتي الدنيا ..
شيخه: ما كنت ادري ان الوضع جذه .. رهييييييييييييب ..
شمه: وين سايره ..
شيخه: بدخل شوي .. شحقى موعتني هـ الحزه عيل .. ؟

سارت شمه وراها .. ويلست ف البحر ..

شيخه: انتي بايعتنها ..
شمه: هي خاربه خاربه .. خلينا ننهزب ع شي يسوا ..
ضحكت ويلست حذالها ..
شمه: بتسودين شيخو .. ف الملجه بتكونين محترقه ..
شيخه: عادي بقوله مسويه تان
شمه: لا والله .. وشو بتقولين حق الناس .. ؟ 
شيخه: وانا شعلييّيّه من الناس .. اهم شي هو يكون راضي ..  
شمه:الله الله الله .. وايد بيكون راضي .. بس خله يشوفج يالسه هني هـ الحزه ..
شيخه:هو ما يخصه فيني الحين .. عقب ما نملج له الحق ..
شمه: والله انج مصخره .. قصو عليج .. ويوزوووج ..
شيخه: شو نسوي يختي .. نصيب ..
شمه: بس تدرين شويخ .. احسدج عليه .. هـ الكثر ..
رفعت اديها وسوت مربع صغير ..
شيخه: توقعت هـ الكثر ..
سوت مربع اصغر ..
شمه: والله جد ما امزح ..
شيخه: ليش .. ؟
شمه: فارس غامض .. وااااااااااااايد غامض .. ما تعرفين هـ الانسان شو فيه .. شو يبا .. شو يحب شو يكره .. الشي الوحيد اللي اعرفه وواثقه منه .. ان قلبه طيب .. واذا حب شخص .. يحبه بـ جنون .. وما يستغنى عنه لو شو ما صار ..
تنهدت شيخه من الخاطر: مادري .. اذا خذني لاني كاسره خاطره .. والا صدق يباني ..
شمه: وليش تكسرين خاطره ..
شيخه: لانج ما تعرفين شي ..
شمه: وضحي ..

لويت عليها .. وحطيت راسي على جتفها وانا اذكر الموقف اللي رسم ملامحه جدامي ..تغير شكلي واتنهدت

شمه: احيانا ودي افتح قلبج .. واخذ كل الهم اللي فيه .. واعطيج كل الفرح اللي فيني .. شيخو والله ماحب اشوفج جذه ..
شيخه: شموه .. ابويه ما يحبني ..
سكتت شمه ثواني وردت رمست ..
شمه: لاتقولين جذه .. مافي ابو ما يحب عياله .. بس ابوج قاسي شوي ..
شيخه: بس شوي .. ؟ .. ابويه ما يحبني .. والله انه مايحبني ..
شمه: هو يعاملكم كلكم نفس المعامله .. معناته ما يحبكم كلكم .. ؟
شيخه: لا ما يحبني انا بس ..
شمه: وليش واثقه من هـ الشي ..صدقيني يحبج بس مايعرف كيف يعبر عن حبه ..
شيخه: شمه "خذت نفس" في ابو يحب بنته .. ويتهمها ف شرفها ..

سكتت شمه .. صدت صوبي وهي منصدمه .. منصدمه من كلامي 
طاحت عيون شمه بـ عيوني .. وطاحت دمعتي معاها ..

..


خمس دقايق ... عشر دقايق .. ربع ساعه .. نص ساعه .. ساعه الا ربع ..
ساعه الا ربع بالضبط وهم يدورونه .. الكل نش على حشرتهم وربشتهم وصريخهم ..

راشد: سار فوق .. انت متأكد .. ؟
عمار: هيه .. مشى جدامي .. وصعد الدري عقب ما قتله اني مابوديك الحين 
راشد: عيل وين اختفى ..
عمار: اففف .. لو ادري وين اختفى جان ما شفتني يالس على اعصابي جذه ..
خالد: دورو ف الحمامات .. المطبخ الحجر ..
طارق: حتى ف الكراتين دورنا ..  مب موجود ..
خالد: عيل وين سار الولد ..
عليا: يمكن طلع برع..
راشد: هـ القزم وين يروم يفتح الباب عمووه ..
حارب: حتى لو فتح الباب .. وين ممكن يسير .. ما بيقدر يضغط زر اللفت ..
عليا: يمكن حد شله من العمال  .. سيرو جوفوه برع ف هـ الطابق او تحت ف الرسبشن .. قومو دورو الولد يمكن استوا به شي بسم الله ..

نش عمار وهو متنرفز ومتوتر .. طلع من الشقه ونزل تحت وحارب وراه .. اما راشد ف طلع من الشقه وسار يدور ف الطابق نفسه وسعيد و أحمد  وياه

وبنفس الوقت طلع عامر من الحجره وويهه واارم ..

عامر: بلاكم ..
سيف: مابلانا شي تو الناس جان كمـ....
سكت وماقدر يكمل كلامه عقب ما صد صوب عامر وشافه
عامر: والله انكم مب صاحين " وهو يحج راسه" انا اسير اكمـ.... وسكت
عليا: والله انت واخوك اللي مب صاحين .. سيرو سيرو فكونا من حشرتكم ..

ركض عامر .. ثواني وما سمعوا الا صرخه هزت الشقه .. والكل ركض سار صوب مصدر الصوت ..

عامر واقف .. فاتح الرشاش وهو يغسل شعره .. ويحط الشامبو ف راسه مثل الميانين ..

عامر: يغرررررررررررررررربلكم ان شاااااء  ..
عبدالله: بلاك انته شحقى تصرخ ..
عامر يصرخ: سكتو عني .. مايخصكم طلعو برع وبندو الباب ..
عليا: هـ الولد مب صاحي .. فيه حاله نفسيه اخوكم . . ؟
غانم: اصلا هو من يوم مرض وانا توقعت ان عقله يتأثر ..
عبدالله: عامر شو تسوي .. بند الماي ..

وعامر مب مسوي سالفه .. سارت عليا وبكل عصبيه بندت الماي ..

عامر: عموه عن الحررركات ..
عليا: بس جب .. اطلع بسرعه ..
عامر فر الرشاش بعصبيه .. اجدم خطوتين  ومسكه عبدالله من جتفه ..
عبدالله : شو هـالـ .... وسكت ..
عليا: بلاكم انتو اليوم عيال احمد .. حد يتحكم بـ لسانكم .. كل واحد قال نص جمله وسكت

صدت صوب عبدالله .. شافته منزل راسه وميت من الضحك .. غانم يوم انتبه .. ضحك بصوت عالي ويلس ع الارض ..

مي توها يايه: اللهم سكنهم في مساكنهم ..
صدت صوب عامر عقب ما اشر عليه غانم بدون لايرمس .. ونقعت من الضحك هي الثانيه عقب ما انتبهت ..
عامر: ما يضحك " وفر اييد عبدالله"
مي: منووووو سوابك جذه ..
عليا: الحمدلله والشكر ..
عبدالله رفع شعر عامر لـ فوق: عموه .. جوفي ..
عليا منصدمه: وانا اقووول بلاه اتخبل جذه .. شل البيت ع راسه .. بس تدري .. زين سووبك 
عامر: انتي مجرمه "وصرخ" عمووووووووووووووه شعريييييييييييييييي
عليا: نفااااد يعله ما يطلع عيل عايبتنك الغافه اللي كانت ع راسك   
عامر: ويعلج ما اتحرطمين 
غانم بعده يضحك: هذا يوم يعصب ع شي تافه .. يبدا يألف دعاوي من مخه .. بعد الحين الموضوع متعلق بـ شعره ..
عليا: ابا اعرف الشخص اللي عنده اسمك.. والله ابوس راسه ع الفكره .. محد ادبك غيره ..
سيف: عاد يحط لبان ف شعره عمووه ..
عليا: دواااه .. اخوك ما يتأدب
عامر يصرخ: بس جبببببببببببب جبببببببببب جببببببببببب

كفخته عليا ع راسه .. وهو صدق متنرفز ويتحرطم .. وكل اللي درو بالسالفه .. ميتين عليه من الضحك عامر حاطين لبان ف شعره..!!!!


تحت..

رد عمار صوب الرسبشن وصد صوب حارب

عمار: انا بطلع برع .. بسير صوب البحر والحوض .. انت سر شوفه ف المبنى الثاني .
حارب: اوووكي ..

فتح عمار الباب وطلع برع .. حتى مب قادر يدور عدل من التوتر.. قلبه يدق بسرعه والأفكار توديه واتيبه.. اجدم من الحديقه .. وما لقاه .. سار صوب الحوض .. وما لقاه .. وقف عند الدري .. يدور بـ عينه صوب البحر .. ورفع حياته يوم لمح شمه وشيخه اللي ما يدرن بـ عمارهن .. نزل ومشى ف الرمل وصرخ بـ كل عصبيه ..

عمار: شيييييييييييييييخه ..
شيخه بلعت ريجها: رحنا فيها .. هاااااا ..
نشت سارت صوبه وهو ركض ياي صوبها ..
عمار وهو يلقط انفاسه: وين ثاني ..
شيخه: فوق ..
عمار: شيخو لا تستهبلين .. ثنوي وينه ..
شيخه: انته اللي لا تستهبل .. اقولك فوق ..
عمار: شيخه .. قسما بالله ان اعصابي متوتره .. وين ولديه ..
شيخه: والله فووق .. كان هناك يوم طلعنا..
عمار: ما طلع وياكن .. ؟
شيخه: لا ..
عمار: شيخو لا توتريلي اعصابي صار لي ساعه ادوره مب لاقنه .. مب موجود ف الشقه ..
شيخه: قسما بالله انه ماطلع ويانا .. نحن طلعنا هو كان يالس .. كنت بنزله وياي بس ماطاع .. قال انا بسير ويا ابويه ..
عمار: يااااااااااااااااااا الله ..
شيخه: يمكن سار فوق عند مهره .. او رقد عنـ ...
عمار قطع عليها: شيخووووو ساعه كامله اندوره .. جلبنا الشقه فوق تحت والكل قام يدوره .. مادري وين اختفى .. اففففففففففففف

وسار  .. نشت شمه وييت صوبي ..

شمه: عصب عليج .. ؟
شيخه: هيه .. عصب عليه وبكل برود ودرنا وسار .. مالت ع تفكيرج اللي خلاج تتخرجين من الثنويه ..
شمه: جب .. ليش معصب .. ؟
شيخه: مب عارفين وين ثنوي .. ساعه كامله وهم يدورونه مب لاقينه ..
شمه: يمزح اخوج .. يمكن مسولج مقلب !
شيخه: ماعتقد .. كان معصب صدق .. ومتوتر .. عمار يوم يمثل تعرفين من عيونه .. تحسين مكتوب انا جذاب .. 
شمه: مالت عليج الولد ظايع وانتي تستهبلين ..

وركضت ف الرمل سايره فوق .. وركضت انا وراها..ركبنا اللفت .. وسرنا فوق .. وطلع عمار من اللفت الثاني ..

شيخه: ما لقيتوه ..
عمار: يعني واصل وياج .. شدراني اذا لقووه والا ..
شيخه بصوت واطي: خيبه ..

سار صوب الشقه .. وسرنا انا وشمه وراه .. وفجأه وقف يوم شاف الشخص اللي جالبين الدنيا عشانه

ثاني واقف وماسك شنطه قاري صغيره وهو يدق الباب ويصرخ ..

ثاني: فتحووووو باااااب .. فتحووووو بااااب .. انا ياااااااايت
خذ عمار النفس اللي ياخذه اي شخص يحس ان ف داخله هم وانزاح .. نزل بـ مستوى ولده وزقره ..

عمار: ثاني ..
سار ثاني صوبه: ما يتحوون باب .. حق انا ..
عمار: وينك انته .. وين سرت ..
ثاني: ثاريت بعيييد ..
عمار: عند منو ..
ثاني: هناكي ناث ..
عمار: منو هـ الناس .. منو وداك عندهم ..
ثاني: وووحي " روحي"
عمار: كيف طلعت  .. منو فتح لك الباب ..
ثاني:وووحي .. انا ليّال " ريال"
عمار: امبين انك ريال .. ساعه واقف عند الباب واتقول لهم فتحووه ..
ثاني ابتسم:  عتوني ها ..
عمار: منو عطاك ..
ثاني: حمّه "حرمه"

عمار رفع حياته ووسحب الشنطه وفتحها .. فيها لبس من محلات راقيه .. والعاب وخرابيط ..

عمار: اييه ولد .. من وين يايب هذا .. مب مالك ..
ثاني: مالي والله " طالعه ثجيله منه"
عمار: لا تحلف .. تعال ودني المكان اللي خذت منه الشنطه ..
ثاني: ما بعتييك " بعطيك" مالي هذا ..
عمار: ثنوووي لاتعور لي راسي ..
شمه: اعتقد .. اني لمحت ورقه ف الشنطه ..

سكت عمار ونزل مره ثانيه بـ مستوي ثاني .. وشاف مثل بطاقه معلقه ع الشنطه مكتوب عليها ..
ثاني عمار

عمار: هذا حرامي محترم .. صارق ولديه .. ومعطنه هديه ..
شيخه: يوووم قلنا لك حد مخسس فيك ..
عمار: وانتي متى قلتي لي ..
شيخه: وانتتته عطيتني فرصه .. ييت تحت كلتني ورديت فوق ..
عمار رفع حياته: وانتن كيف تنزلن تحت رواحكن ..
شمه بصوت واطي: يغربلج يا شيخو ..
شيخه: سرنا ويينا .. ما استوا بنا شي ..
عمار: لو ما كنتن سايرات جان هذا حظرته .. ما طلع ..
ثاني بعصبيه : لا قووول هذا .. انا ثاني
عمار ابتسم وصد صوب ولده .. فتح اديه واجدم ثاني .. ودفن راسه بـ حظن ابوه 
عمار: ثنوي .. آخر مره تسير مكان .. بدون ما تخبرني .. مره ثانيه اذا بغيت اتسير اي مكان تعال عندي وقول لي بابا انا بسير .. انزين
ثاني: اذيين ..
عمار بكل هدوء: وانتن الهنتين .. آخر مره اشوفكن نازلات رواحكن .. مفهوم ..
حاست شيخه ثمها .. وشمه وياها ..
عمار: انا قلت .. مفهوم .. ؟
شمه+ شيخه: مفهوووم ..
عمار: يلا جدامي ..

ودخلو الشقه ..

..


الظهر ..

عقب صلاه اليمعه .. نشيت عقب ما سمعت صوت الجرس.. وثاني سبقني للباب ..

شيخه: اووقف مكانك انته .. ناقصين نحن .. ابوك هـ المره بيعلق روسنا ف البلكونه ..
ثاني: منوووو ..
حارب: اناااااااااا ..
ثاني: منو اته .. ؟
حارب: انا عميي ..
ثاني: عمي منو .. ؟
حارب: عمي حارب..
ثاني: وين ثاريت ..
حارب: سرت المسيد ..
ثاني: يا منو ..
حارب: وياهم كلهم ..
ثاني: ثو ثوون .. " شو تسوين"
مايد: اندق معلايه .. يغربل هـ الاسئله اللي ما تخلص .." ورد حط اديه ع الجرس"
اجدم سيف من الباب وبدا يدق
راشد: على قلبييييييييييييييييي
حارب: فوووووووووووووووق ..
شيخه فتحت الباب: اقسسسسم انكم ما تستحون ..
حارب: يالهرمه ..انتي هني وساعه موقفتنا برع ..
شيخه: استوا بكم شي .. ؟
راشد: قوومي قوومي ..

ودشو .. نصهم يلسو ف الصاله .. ونصهم سارو حجرهم يبدلون ويريحون ..

شيخه: اووووه عمور .. !!
عامر: بين الصلاه والاقامه .. كنت رافع ايدي طول الوقت و ادعي من قلبي ان اختكم هاي ما اتشوفني..
شيخه ضحكت: لا صدددق .. جي حلقت .. ؟
عامر: بعد .. ربج .. اهتديييت .. شو يعني حرام الواحد يتوب .. ؟
شيخه: ليش كنت مرتد ولد عمي .. ؟
سيف: فاااااااااااااااتج شكله شيخووو ..
شيخه: ليش شعره بق .. ؟
سيف: ههههههههههههه لالا .. اخسسسس عن الحريجه ..
شيخه: شو .. ؟
مايد: يقولج عالجين لبان .. وبدال لا يعقونه ف الزباله .. ناشين وحاطينه ف شعر عامر ..
شيخه: اوييييييه قووولو والله ..
سيف: والله .. ههههههههههههه اصبر عمووور يبالك صوره ..

سار صوب التلفزيون وشل فونه من الجارج ..

سيف: منو شال فوني من الجرج يا الهروم ..
شيخه: محد دقه  ..
سيف: مفضي .. ركبته ف الجارج ولين الحين ماشتغل ..
شيخه: اجلع البطاريه ورد حطها ..

فتح سيف كفر الفون .. وشل البطاريه ومره وحده شهق ..

مايد: واحطببببببببببببببه ..
سيف: الا هـ الحركه بليييييييييييييييييييييييييز
مايد: بلاك.. ؟
سيف: شاليييين بطااااااااقتي .. اييييييييييييييييييييه عن الاستهبال ..  
عامر: حسيت باحساسي..
سيف: قم ولللل زييين .. الحين اتشبه بطاقتي بـ كشتك المعفنه ..
عامر: كل واحد متحسر ع الشي اللي يعزه ..
سيف: قم زييين ..

عصب وسار صوب حجره الشباب .. يحاسبهم ..

شيخه وهي تضحك: آآآخ والله انكم شي مب طبيعي ..
مايد: بطاقه فون ..! معقوووله .. بس لبان ف كشت عمور ..قويه والله
عامر شل الغتره وفرها على مايد : بس جببببببببببب ..
شيخه: هههههههه توووك اهتديييت ..
عامر وهو معصب : ارتديييت الحين زييين جذه .. افف ..
شيخه: خيبه ..

اللي تغدا واللي ما تغدا واللي كان يسابق وقت الغدا .. كل هذا بس عشان ينزلون تحت ويسبحون ف الحوض ..





ليست هناك تعليقات:

إرسال تعليق