الجزء الـ22 (2)

بالباجر ..

العصر ف المانيا .. الجو جدا بااارد .. وينزل مطر خفيف .. المدينه هاديه رغم كثره عدد الناس اللي فيها .. بس ما تسمع لهم حس .. كلن لاهي بـ حاله ومب مفتكر باللي يمشي حذاله .. وقف مانع يعدل الشال اللي لافنه ع رقبته والكل اجدمه .. الا شيخه .. واقفه وياه وهي ميوده اديه ..

نزلت بـ مستوا مانع .. ولفت له الشال ع رقبته بطريقه مرتبه ..

شيخه: حلو جذه ..!

مانع وهو مستحي: هيه ..

شيخه: فدييت اللي يستحون والله ..

حمد توه ياي: يا عيني .. انا ريلج ف حياتج ما تفديتيني ..

سكتت شيخه عقب ما تفشلت من رد حمد .. هي قالت كلامها وواثقه ان حمد مش موجود .. بس انصدمت يوم رد عليها بهـ الرد .. وقفت ومشت .. اجدم منها حمد ولوا عليها ..

حمد: شفيج ..

شيخه ابتسمت: ماشي ..

حمد:عيل ليش ما تغديتي ..؟

شيخه: تغديت بسم الله عليك

حمد: وين تغديتي .. بس يالسه تأكلين هالزعطوط..

شيخه ضحكت:تغار منه ..

حمد: هيييه " سحب مانع صوبه ولعب ف شعره" واتمنى لو ايني ياهل شراته

سكتت شيخه واتهربت من نظراته ومن كلامه .. وصدو فجأه صوب آمنه اللي كانت اتصرخ

آمنه ميوده الكيمرا ف اديها: اففف خلصيني انتي.. ذبحتي عمرج من كثر ما تصورين

حمد: نعم نعم انتييي .. ان شاء الله تتحسبين عمرج ف حوش ابوووج ..

ناصر: ههههه هند تسافر عشان التصوير اصلا ..

هند: والله المناظر عايبتني وابا اصورها

ناصر: اي مناظر .. انتي اتسيرين السوق تشترين نعال وكيمرتج وياج..

هند: ههههههههههه وديييييييمه يلااااااااا

وديمه: صبري شوي ..

اجدمت هند ووقفت: خلصييينا

وديمه: انزيين ..

آمنه: تعالي شلي كيمرتج .. مابا اصوركن ..

هند: يلا يلا .. هذي ييت ..

اجدمت من اختها .. وقفت حذالها ولوت عليها ..

حمد: الحمدلله والشكر ..

هند: خير انته ..!

حمد: ابا افهم .. جسر ووراه شيرتين .. شو تصورن فيه ..!

هند: كيفنا عايبنا المنظر ..

حمد: عايبنج المنظر والا عشان اتردين البلاد اتقولين حق اربيعاتج انا سرت وسويت واشريت .. واتوثقين كلامج بالصور ..

هند: هاهاها جي مب جايفه خير ..!

حمد: هيه سوالف البنات اعرفها ..

آمنه تضحك: يودي ..

هند: وقفي انتي وريلج بنصوركم ..

ناصر: مانبا مانبا .. جي نحن انتو ..

هند: احممد ربببك كيمرتي بتصوركم ..

ناصر: والكيمره عاد ..

هند: خلصووني ..

آمنه: موزه و مانع .. يلا تعالو ..

حط حمد اديه على عيونه ونزل راسه

حمد: بمبي بمبي مب خوات ..

آمنه تضحك: صخ انتتته ..

حمد: الحين انتن مخسرات ويايات لين هني عشان تصورن .. جان قلتن لي كنت بصور لكن المناظر هاي وبركب صوركن عليها ..

مانع: انا بتصور روحي ..

هند: يلا اوقف

حمد: والله حتى هذا قصو عليه .. يازينه يوم كان يتلمذ على ايدي ..

آمنه: هيه .. لسانه كان هـ الطول ..

حمد: خلصووونا زين يالبتان

آمنه:ههههههههههه تعال تعال دورك انته وحرمتك ..

حمد: يلا يلا .. قصو عليج انتي وريلج .. يايه اتقصين عليه انا وحرمتيه ..

آمنه: اووقف يلا .. بنصورك حق امايه ..

حمد: لا والله ..!

آمنه: والله هي قالت .. صوروه ابا اشوفه ..

حمد: مادري .. متحف مب حمد ..

ضحكت على تعليقه .. وهو ضحك على الحاله اللي هو فيها .. مسكني من اديه .. سحبني ووقفني جدام هند عشان اتصورنا ..

هند رفعت حياتها: اندوج .. صوريهم ..

وفرت الكيمرا على آمنه اللي انصدمت من حركتها .. خذت آمنه الكيمرا وبنفس الوقت اجدم منها حمد وهو مبتسم .. وسحب منها الكيمرا ..

حمد: اذا السالفه جذه .. ف ما يحتاي نتصور .. عندي صور احلى حق امايه .. شكرا ..

مد اديه وعطا الكيمرا لـ هند .. اللي خذتها ولا كأنها مسويه شي .. ومشت عنه سايره صوب اختها .. عكس آمنه اللي كانت متلومه .. وامبين انها قفطت من تصرف اختها ..

..

ف حجره حارب وراشد ..

طايح ع الشبريه وهو يطالع فوق .. يا اخوه ويلس حذاله ..

حارب: حووووووووووووووووووو ..

راشد: حروب ..

حارب: انته يوم اتقول حروب .. اعرف انك مزهبلي كيكه وعليها ذبيحه ..

ابتسم راشد وصد صوب اخوه ..

راشد: بتفتك مني شهووووووووور

حارب: شهووور .. لا تحسنني ثر اجازتي شهر .. بس يمكن امددها واخذ بدون راتب ..

راشد: ليش ..

حارب: على حسب الظروف..

راشد: اصلا انته لو اتسير يومين واترد عادي .. بس يعني اتوصلهم لان عمي خالد اهناك ..

حارب: اوصل منو مروان وعامر ..!

راشد: هيه لان هـ الثنينه ما منهم امان .. ينخاف منهم ..

حارب: ويوم ان ما منهم امان .. تباني اودر عموه وولدها روحهم هناك ..

راشد: بلاك انته .. عمي خالد هناك

حارب: عمي خالد تعبان .. وانته تدري اذا حد من عياله استوا به شي  .. يرتفع الضغط عنده ويتعب ويرقد ف المستشفى لين ما يطلع ولده .. يعني عموه عليا بدال ما اجابل واحد بتجابل اثنينه هناك .. وهي روحها محتايه حد يجابلها ..

راشد: قصدك بتجابل 3

حارب: ثرهم كملوها مروان وعامر .. كان ناقصنا وجودهم ..

راشد: حرام عليك .. تدري بهم مستحيل يتمون بدون فارس ..

حارب ابتسم: ادري ..

راشد تنهد: ماقول غير الله يعينني انا اذا سفرتك امطوله اكثر عن شهر ..

حارب ضحك: احيانا احس اني ماخذ هنتين .. انته وحمده ..

راشد: لو سمحت لا تخلط مشاعرك ف بعض .. انا شي .. وحرمتك شي ..

حارب: اكيد انته شي وهي شي .. يعني مصدق عمرك بتكون ف مكانه حرمتيه ..

راشد: آآآآآآآآه يالنذل .. ياااااااااااا ...

حارب قطع عليه: يا اللي من يوم ماتعرفت على بنت خالك وانته لابسنا .. بس حزه الرقاد تذكرنا ..

راشد: افاااا حرووب ..

حارب: شخبار ابوها ..!

راشد: ما اتفكرون اتزورونه ..!

حارب اطالع ساعته: الزياره مسموحه الحينه ..!

راشد: الساعه 8

حارب: عيل قم ..

راشد: احلف ..

حارب: والله .. قم قم ..

راشد: اصبر شويه .. " طلع مبايله من جيبه"

حارب: شوووو بعد تتواعد وياها

راشد: لااااااااا .. بس بجوفه اذا يعني بخير .. ماعنده اشعه والا تحليل والا شي ..

حارب ابتسم بخبث: اشعه نص الليل ..طوف طوف .. الله يهديك بس ..

طلع راشد وهو يضحك على اخوه من خاطره .. صدق محد فاهمنه ف هـ الدنيا غير حارب .. ومابيفتقد حد ف حياته .. كثر ما بيفتقد حارب من باجر .. كل ما بيدخل الحجره بيشوفها خاليه من حشره حارب و صريخه .. من باجر بيقدر راشد يغني ويحشر الدنيا بدون ما يسكته حارب او يفلعه بشي .. يالله شكثر بيفتقد الفلعات اللي يحصلها من حارب ..!

..

ف المستشفى ..

ثاني: انثيييييير بيييت ..

عمار: اصبر بابا " صد صوب عامر ومروان"  انتووو الثنينه ..

مروان يأشر له بديه " سيرو سيرو " بدون ما يصد صوبه حتى ..

عمار: والله ..!

عامر: شو تبون فينا انتو .. سيرو سيرو بيتكم ..

عمار انتو اللي نشو سيرو بيتكم ..

مروان: نحن هذا بيتنا لين مايظهر اربيعنا .. يوم بيظهر نحن بنظهر وياه ..

فارس ابتسم بـ الم: نشو سيرو ..

مروان: خسسئت والله ميود .. وينه ..! " رد صد صوب فارس" والله ماطلعنا من هني الا ريلنا على ريلك..

فارس رد ابتسم: انا مافيا ريول .. قم سر ..

عامر: بلا رمسه مسلسلات انته الثاني .. وانته " صد صوب عمار" لو سمحت .. يلا بيتكم نحن نبا نرقد..

عمار: طيارتكم باجر الصبح الله يغربل بليسكم ..

مروان: يايبين ثيابنا ويانا .. من هني سيدا المطار ويا فارس ..

عامر: وشنطنا اللي بنشلهن ويانا ف الطياره بعد ويانا .. لا تحاتي انته توكل بن عمي ..

عمار: طاعو هذيل انتو ..!

ثاني: يلا بابا ..

مروان: واللي يبا يسلم علينا .. ايينا المطار .. نحن مب راديين البيت ..

عمار: صاحيين انتو ..!

عامر: نحن لو صاحيين جان اداره المستشفى ما خلتنا انسوي اللي نباه ..

عمار: والله ما الومهم ..

مروان: والله السكرتي اللي يداوم هني .. قبل ما يخلص شفته يا سلم علينا عقب ما خبروه ان باجر بنسافر ..

عمار: امسويلكم سالفه لا ..

عامر: حتى المدير طلب توقيعنا .. بس ما عطيناه .. تدري ما عندنا وقت حق الجماهير وسوالف الاعجاب وهـ الخرابيط ..

عمار: هيه بتسيرون هناك حق المعجبات انتو .. الحمدلله والشكر .. يلا ثنوي

ركض ثاني سار صوب الباب قبل ابوه .. لانه صدق كان ملان .. ويبا يرد البيت .. وطلع عمار وراه ..

مروان رد صد صوب فارس: بلاك ..!

فارس: ايدي ..

عامر: نزقر لك الدكتور ..

فارس: لا .. قبل يومين قال هذا الم طبيعي لان الكسر مب عادي ومركبين لي حدايد ..

مروان: هو يقول الم طبيعي .. بس انته تحسه طبيعي .. ؟

فارس: مادري .. اول الايام ماكنت احس به .. يمكن من التخدير .. بس الحين زاد ..

مروان: وظهرك ..!

فارس: وانا طايح .. مب حاس فيه .. بس اذا حاولت ايلس اتألم ..

عامر: ان شاء الله بنسير هناك .. وبيعالجونك .. وبترجع صحتك احسن من قبل ..

فارس: ان شاء الله ..

سكت .. وسكت ولد خاله وياه .. صد فارس صوب مروان شافه يالس وف قلبه غصه على حال ولد عمته  .. جدم اديه ومسك فارس ايد ولد خاله ..

فارس: مروان ..

مروان خذ نفس: نعم ..

فارس: ليش يالس هناك .. فينا مرض ..؟

مروان وقف: ما بترقدون ..

فارس: لا مابنرقد .. تعال ..

مروان: انا برقد " ومشى خطوه"

فارس يلس وهو يتألم: تـ .. تعال ..

مروان اجدم منه .. حط ايده ع جتفه ورقده: ليش نشيت .. فارس شو هـ الحركات ..

فارس:شوف حركاتك انته قبل ..

مروان: انا مافيني شي .. بس ابا ارقد ..

فارس: انا بعد مافيني شي .. بس ابا ايلس " وابتسم"

مروان: انته ليش اتحب اتعب نفسك ..!

فارس: لان انته متعبني ..

مروان رفع حياته: انا ..!

فارس: انته ماتقدر اتشوف ايدي مكسوره .. او ظهري يعورني .. بس انا " وابتسم" ماقدر اشوفك وانته تتالم من داخلك .. وقلبك اللي يعورك .. اتعبني واتعب ظهري وايدي واتعب قلبي معاك ..

سكت مروان .. اجدم من ولد عمه .. يلس حذاله ع الشبريه وهو ساكت .. ثواني .. عقبها اتنهد واجدم منه وحظنه ..

عامر وهو يحج راسه: بدو هـ الثنينه بـ افلامهم المكسيكيه .. شخباري فلم مكسيكي .. اطورنا الحين فلم تركي .. البطله 10 يركضون وراها .. وجنها الدنيا مافيها غير هـ الانسانه ..عندها ولد هي تعرف منو ابوه .. بس الابو ما يعرف ان ها ولده .. شو هـ المصخره .. ويقولون جيل فاسد بعد ..

ضحك فارس وضحك مروان على عامر اللي كل ما يخف شعره يخف عقله وياه .. بس صدق امسولهم جو .. خصوصا هم الثنينه اللي مفتقدين شخصيتهم اللي تعودت انها تتخبل ويا عامر ..

من صوب ثاني ف المستشفى

اتبطل باب اللفت .. اجدم عمار اللي كان منزل راسه عشان يمسك ايد ولده .. بس وقف عقب ماشهق ولده ..

ثاني: عميييي ..

راشد مبتسم: اكملت ..

عمار: اهلا وسهلا ..

حارب ركب اللفت: اهلين وسهلين ..

عمار: على وين ..

حارب: ادخل ادخل ..

عمار: توووني راد من عندهم .. دخييلك مب متفيج لهم ..

حارب: مابنسير عندهم انته ادخل ..

دخل عمار وهو ماسك ثاني ودخل راشد وياه .. وضغط حارب ع الزر .. واتحرك اللفت ..

عمار: عيل وين بتسير ..

حارب: بنسير نخطب حق راشد ..

عمار عقد حياته: نعم ..!

سكت راشد وكفخ يبهته .. وصل اللفت ونزلو هم الاربعه ..

حارب: وين ..

راشد: تعالو ..

اجدم راشد .. وحرك حارب اديه بـ حركه خبيثه .. وضحك عمار عليهم وثاني طفر زياده ..

وصل راشد صوب الباب .. ودقه بـ سويج موتره دخلو وسلمو ..

وقفت ميره على صوب وهي مستحيه عقب ما ردت عليهم السلام  .. نزلت راسها .. اجدمو وهي سارت صوب الباب ..

ميره: عن اذنكم ..

عمار: على وين .. تعالي ..

رفع راشد راسه بـ صدمه وحارب وياه .. وميره صدت صوب عمار اللي ضحك عليها عقب ما حاست ثمها..

ثاني: نحن بنثير العاب ..

راشد ضحك: خلاص ربط ويهج بالالعاب ..

عمار: امطلعين ولديه بعد ..!

راشد: امسات يوم فريته ف جبدنا ..

عمار: لا تحسسني انه كان ثجيل عليك .. حارب بيسافر ومروان وياه .. يعني لاتحاول تنغز .. بتشوفه وغصبا عنك ..

راشد: افف افففف افففففففف ..

ضحكت ميره على سوالفهم .. ثواني .. صدو كلهم صوب حارب اللي ماله حس

كان يالس حذال خاله .. حاط اديه الهنتين ع الشبريه عشان يثبت نفسه وهو مجدم ويهه يتأمل ملامح خاله ..

حارب: ما يتكلم ..!

ميره: امبلى .. بس اليوم تعبان .. الصبح بس كلمني .. وعقبها فقد الوعي .. يشوفني .. بس مايعرفني ولا يكلمني

تنهد حارب ورفع عمره .. جدم اديه الهنتين ومسك ايد خاله بـ قوه ..

حارب: خالي " بلع ريجه" خالي راشد ..

ماصد خاله صوبه .. ولاعرفه اصلا .. بس طاحت دموعه .. بدون ما يعرفون شو السبب ..

تنهد حارب .. وقف وباسه بين عيونه ..

ثاني: انثييييييييييييير العاااااااااااااااب ..

راشد: يلا يلا ع البيييت ..

ثاني: مابا ..

راشد: لا تبا .. هذو ابوك واقف وراك خله يوديك ..

ثاني: ابويه تعبان ..

راشد: يا عيني بعد شو محفظنه .. ابوك تعبان .. ومن باجر بيبدا شفتي انا معاك ..

عمار ضحك: مايد مايدانيه خير شر .. وميثه اللي ما ييلس عندها .. ومهره اللي حالتها حاله فديتها .. يعني مافي غيرك ..

راشد: يا من شراله من حلاله عله ..

عمار: الحيين ولديه استوا علله ويا ويهك

راشد نزل بـ مستوى ثاني: ولدك من زماااااااان عله افففف

ثاني: لا قوول افف .. عيب ..

عمار: ليش عيب ..

ثاني: مو ذين ..

عمار: شو بيستوي لو قلنا اف ..

ثاني: الله بيعقنا داخل نار ..

راشد ضحك: فديييييييييييييييتك والله ..

ثاني حظن راشد: انا فديتك والله ..

وكلهم ضحكو عليه

..

اشرقت شمس اليوم الثاني ..

هناك ف مطار دبي .. وين حاشرين الدنيا ..

مايد: اوووووووهووووووء ..

ووقف فارس اللي يالس ع الكرسي المتحرك بالضبط جدام عامر اللي واقف وحاط اديه الهنتين على خصره بطريقه شبابيه ..

عامر: تونه .. فول معلّب .. ذره "كفخ يبهته" عمااار لو انا مكانك قسما بالله ما بلبس هـ الدريس وبوقف وياهم .. فشلووني ف دوامي بين ربعي ومديري .. شو هاا .. وين سايره عمووه افريقيا صوب المجاعه شالتلي معلبات ..!

عليا: جب جب انته ..

عامر يسوي عمره يصيح: لاء .. لااااء .. انا مستحيل اسكن وياكم ف فندق واحد .. عبدو الله يرضى عليك اتصل ف ابوك ياخذ لي غرفه ف فندق ثاني ..

عبدالرحمن ضحك: انته اييه مب تخبل اميه هناك .. دير بالك عليها ..

عامر: اذا هذا حالها اسمح لي ..

عمار: يعني عموه مع احترامي وتقديري لج .. بس صدقققه عامر .. شو هذا

عليا: تعرفوني ماحب اكلهم ..

سيف: تحسسني انها كل سنه طايحه هناك .. اوووول مره تسيرين وين جربتي اكلهم عشان ما اتحبينيه ..!

عليا: دوله اجنبيه .. شوفيها غير الفسق والفساد .. واكل الخنازير ..

مروان: الله يلووع جبببدك يا شارون ..

سيف: عمار .. عظم الله اجرك ف وضيفتك ..

عمار ضحك: والله انا ليش .. خلهم يشلونه هو ويودونه ورا الشمس ..

عامر: عيل اتقول لي اكل خنازيير ..

مروان: اخخخ عليج يا عليا ..

عليا: ماعندكم شي اكفخ فيه هـ الولد ..

عامر سحب الكرتون اللي فيه معلبات عمته: دووج .. حلال عليج .. كفخيه ونتفي ويهه بعد ..

عليا: خل الكرتون وانزل تحت اشوف ..

عامر: جوفي عموه .. عشان اكون صريح معاج ..  عادي تلقين ثلث ترباع الشباب اللي يداومون هني امهاتهم يسون نفس الحركه .. بس هناك اسمحي لي ساير اوروبا كشخه وحالتي حاله .. تقومين تخربين برستيجي يوم بيفتشون ف اغراضج ويفتحون كرتون فيه تونا معلبه .. اسمحي لي ما بكون وياج

عليا: ان قلت لي هناك .. ابا .. يا وييييييلك ..

عامر: طاعو هاي .. ساير دوله اجنبيه تهددني بـ تونه معلبه .. اقولها المن والسلوى تقول لي بصل وثوم..

عليا: بصل وثوم ف راسك .. عمى بعين العدو ان شاء الله . .الحين انته تشبه بلادنا بالبصل والثوم .. وتشبه هـ الفسق والفساد بالمن والسلوى .. مسووود العين .. قم عن ويهي قم ..

ضحك عامر وشرد عن عمته .. حتى المطار مب مخلينه ف حاله .. جالبينه فوق تحت ب حشرتهم ..

خلصو من الوزن .. ومشو سايرين يختمون جوازاتهم .. وطبعا اللي ياي المطار يسلم .. راز ويهه وماشي وياهم لين هناك .. بحكم ان عمار يداوم ف المطار ويقدر يدخلهم ..

سلمو عليهم واحد واحد .. وتوكلو على الله .. حارب .. عليا .. مروان .. عامر .. وفارس ..

سايرين لـ علاج فارس .. وهم مب عارفين شو تخفي لهم الايام هناك