حط ايده على راسه عقب ما فلعه شي ماعرف شو هو بالضبط .. رفع راسه شاف
الاوراق الملونه اطير فوق راسه .. تلمع بـ ألوانها .. تختلف بـ احجامها .. تتنوع
بـ اشخاصها ..
إلا ان الفرحه وحده .. وحده
فرحه وحده هي اللي جمعتهم .. جمعت ضحكتهم وابتسامتهم وحشرتهم .. واخيرا ..
ردت العايله تضحك وتحشر الدنيا شرات ما كانت .. وردت لها الرووح
راشد: everybody say 7aaaaaaarooob
الكل: 7aaaaaaarooob
راشد:say 7aaaaaaarooob
يردون عليه: 7aaaaaaarooob
راشد: 7aaaar …roooob
وهم مسيرين وياه: 7aaaar …roooob
حارب: هههههههه ..
رفع اديه كفخها بـ ايد اخوه .. سحبه وجدمه منه .. وايهه
راشد: مبروووووك يا اغلى هـ البشر كلللللللهم ..
حارب: الله يبارك فيك .. يا اعز واغلى اخووو ف هـ الدنيا .. عقبالك
ياااااااارب ..
راشد: يصير خيير ..
حارب: مب على كيفك ..
راشد:نحن قلنا بناخذ خوات بس انت نقعت خيانه ..
حارب: زين هذي اختها
واشر بعيونه على فله عليا .. بالاخص على شمه اللي توها بتدخل ..
راشد حط اديه على راسه وحركها بـ معنى .. مافيّا مخ مثلا ..!
حارب ضحك: يالهرم ابوها وراك ..
راشد: انته الماصخ اللي أشرت..
خالد: مبرووك حارب ...
حارب ابتسم: الله يبارك فيك .. وانت بعد مبروك ..
خالد ضحك : الله يبارك فيك ..
عامر: شو هـ المصخره .. كل واحد يقول حق الثاني مبرووك .. لا ومتشقق عمي
خالد بعد ..
خالد: دام اني مناسب واحد مثل حارب.. اكيد بستانس ..
ابتسم حارب .. ابتسامه طالعه من قلبه .. حس بشعور غريب من كلام خالد ..
عامر يصفق ويغني: عاااشوو عااشوو .. وحياة ألبي وأفراحووو ..
مروان: شووو .. ثنويه عامه ..!
عامر: مبروووك بن عمي .. والله وسواها والله .. والله وتستاهل كل خير والله
حارب: الله يبارك فيك .. عقبالك ان شاء الله .. نفتك عقبها من هـ اللسان
ومن هـ الكشه
عامر: لا .. تجررررح المجروووووح .. انا خلني ادوام عمّي .. عقب اشد حيلي
واعرس ..
سيف: انت اعقل قبل ..
سعيد: ولد عمي .. مبرووك ..
حارب بطرف عينه : الله يبارك فييك
.. عقبااااااااااااااااااالك ..
سعيد ضحك وسار بعيد عنه ..
مروان اجدم من اخوه وحظنه: مبروووك ..
حارب وهو مبتسم: الله يبارك فيييك ..
مروان يهمس ف اذنه: ياااااااارب يااااااااااارب ياااااااااارب تعيش كل
حياتك ف سعاده وفرح .. قول آمين يا حارب ..
حارب: آمين .. وانته بعد ان شاء الله ..
سيف: كونقراتوليشن .. صدييييق الطفوووله ..
حارب: الله يبارك فيييك .. يا اعز صديق ..
مايد: ابا افهم شي واحد .. الحين انته وغانم كبر راشد تقريبا .. مرابعين
حارب ليش .. ؟
غانم: وانتتته وين يعورك .. قممم اشوف ..
مايد: اصبر اصبر "واجدم من اخوه وحظنه" اييهاء يا حارب ..
حارب: بلاك ياويه النحس ..
مايد: افا ..
حارب: انته كل ما ترمسني يستوي شي ..
مايد: لا تخليني اغير رايي .. بعدني ما باركت لك هاه ..
حارب: اتهدد ويا ويهك ..
مايد: المشكله انك حرووب .. مب اي حد ثاني .. ماقدر يعني غصبا عن خشمي لازم
ابارك لك ..
حارب: يلا عيييل .. تراك وقفت السيد وراك ..
مايد: مبروووك .. جيناوي ..
حارب كفخه: سااااعه واقف عشان تقول لي هـ الكلمتين ..
غانم: شو تباه يعد لك قصيده مثلا .. مبروووك ولد اخويه ..
اللي ما سلم سلم .. واللي ما بارك بارك .. الشباب برع حاشرين الدنيا كلهم
.. الاخوان وعيال عمهم .. وعيال عمتهم .. وعمامهم وياهم .. ربشه ومدافع ورش وحشره
..
اما داخل ..
حمده: عن الحركااات ..
شمه: كييفنا ..
حمده: انتو ليش محتشرين .. نحن ما نبا انشوف بعض اليوم ..
شيخه: يووم بيكون على كيفكم .. قولو ما نبا انشوف بعض
شمه: شحقى مفصله عيل .. ؟
حمده: كيفي .. جذه ابا اكشخ رووحي ..
مي: يلا يلا خلصينا ..
حمده: سخيفات والله العظيم ..
ميثه تضحك: يا حليلج يا حمدووه ..
حمده: والله بصيييح .. عن الحركااات ..
مي: خلصييييينا .. بيأذن ..
حمده: انزين ..!
شيخه ضحكت بشغب: اضحكين حمدوووه ..
حمده صدت صوبها: بييييج يوووم يا شيخووو ..
ضحكت شيخه وطلعت من الحجره .. وشمه طلعت وراها .. حطت الفون عند ذنيها ..
دقايق ونزلت تحت.. وسارن صوب الباب اللي ورا ..
شيخه: انا ما قدر اشل هـ الشي ..
عمار: قولي حق اللي وياج ..
شيخه: تبانا نحن انشله .. راسك يعورك انته .. ما بيووصل لين نص الدرب ..
عمار: ويعني ..!
شيخه: والله انته الريال .. شو خانتك .. دخله ..
عمار: لا انا مب داخل ..
شيخه: ايييه طووف زين .. مافي حد .. كلهن فوق بس شموه هني
عمار صد ورا .. ورد اطالع شيخه: بس ثنوي راقد ف السياره ..
شيخه صدت صوب شمه: انت تعال .. عندنا هني بيبي ستر بتيلس ويا ثنوي "
فتحت الباب" ايه شمووه سيري عند ولد اخويه .. راقد ف السياره روحه .. دقايق
وبنرد لج نحن ..
وقفت شيخه عند الباب .. دخل عمار وطلعت شمه بدون ما تعطيها شيخه اي فرصه
عشان ترد عليها .. سارت عند ثاني .. و عمار يضحك وهو ساير للميلس
عمار: ليش تفشلينها .. !
شيخه: منو .. شمه .. لاااااااااا عادي .. والله وايد تحب ثنوي يمكن اكثر
عني بعد ..
عمار: انا اقصد انج فشلتيها جدامي .. كلمتيها بهـ الاسلوب جدامي .. هي
متعوده عليج بس مب متعوده عليه ..
شيخه: عن هـ الحركات .. متعوده ومب متعوده اونه .. نحن متربين ويا بعض شو
بعد مب متعوده .. هاي ام لسان انت ما تعرفها .. والله لو اطيح ف لسانها ما بتسلم
..
عمار عقد حياته : فتحي فتحي الباب .. اللي يسمعج يقول امرّه امقطعنج الادب
انتي عاد ..
شيخه: ههههه عشان عيوووون حروووب بس .. مابرد عليك .. ادخل ..
دخل عمار حط الكرتون ووقف يتأمل الميلس .. كل شي فيه مرتب .. كانو مزهبين
كوشه او ما بنبالغ .. ماكانت كوووشه كوووشه.. يعني مكان حلو ومرتب .. منسق عن طريق
صاحب المحل نفسه بشكل بسيط جدا يناسب المستوى اللي مخططين له اليوم .. وعلى يمينها
طاوله وعليها شكل مدوّر مغطاي بـ الورود الزرقه المايله للتركوازي بشكل جدا بسيط وحلو .. وتتوسطهم شبكه فخمه
وراقيه معاها ساعه ودبله
عمار: واااااو ..
شيخه: هااه .. اوكيك .. ؟
عمار: شو مب اوووكي عيل .. منو مسوي الكوشه .. ؟
شيخه: خليفه ..
عمار: اووونه .. ؟
شيخه: والله .. قلنا له يختار لنا من محل اخوه اي شي خفييف وراقي على ذوقه
.. نش وسحب لك اخووه .. يابه لين هني وخلاه يركبها روحه ..
عمار: حلو والله ..
شيخه: حتى ما طاع ياخذ المبلغ .. ما خبرنا عن السعر اصلا ..
عمار: ليش ان شاء الله ..
شيخه: والله يوم بتشوفه اسأله ..
عمار: والشبكه منو مودنها .. ؟
شيخه: رشووود ..
عمار: عنج عاد ..
شيخه: هههههههههه والله .. عادي انا بعد انصدمت
عمار: مستحيل .. الذوق هذا مب ذوق راشد ..
شيخه: لالا ما سار روحه ..
عمار: عيل ..
شيخه: هو ومايد .. وو ..
عمار بنظره شغب: وو .. ؟
شيخه: فارس ..
ضحك عمار .. اجدم منها لوا عليها .. وعقبها سحب راسها لـ حظنه
عمار: الله يسعدج ويوفقج .. قولي آمين ..
شيخه: آمين .. يلا سر .. خلنا انخللص اشغالنا .. اخرتنا ..
عمار: لا والله ..
شيخه ضحكت: هيييه ..
عمار: زين انا براويج .. اجازه باجر .. يعني بستلمج طووول الليل ..
شيخه: سررررررر الحيييييين ..
وهم يمشون للباب اللي يوديهم ورا الفله
.. طلعت عليا بـ وييهم ..
عليا: ليش تروغينه .. " واجدمت من عمار" فديت هـ الويه ..يعلكم
ما تسوونه..
شيخه:ليش ان شاء الله
عمار: مافيها مذهب عموووه .. هزبيها ..
عليا: ما عليك عقب بأدبها هاي .. خلك منها الحين .. تبا عصير فرش .. ؟
شيخه: طاعو .. تهدد ..
عليا بنبره حاده: تبا عصير فررش ..
شيخه: لا مايبااااااااااا .. تعرف فررش بعد .. مب هينه هـ العيوز ..
خلييييه يسير ..
عليا: بكفخج انتييي.. سكتي عنه ..
شيخه: انا اعرف انه ما يبا ..
عليا: شيخوووه .. استحي على ويهج .. يمدحونه الحيا ..
شيخه: منو مدحه .. ؟ اصلا اللي فيهم حيا ف هـ العايله ينعدون ع الاصابع
عشان جذه محد مدحه غيرج ..
عليا طلعت عينها واجدمت منها .. ركضت شيخه ووصلت للدري ..
شيخه: انا ما جذبت انزييين .. تفلعيني عشان هـ العمار .. انزييين يا علايه
.. بيييج يووم وبتشتاقين لـ حشرتي وشغبي .. خلي عمار ينفعج عقب .. وقولي شويخ ما
قالت ..
ركضت سارت فوق وعمتها منصدمه منها صدق ام لسان .. اما عمار واقف وميت عليها من الضحك ..
عليا: اختك مب صاحيه والله ..
عمار: الله يعينكم عليها .. ههههههههه ..
عليا ابتسمت: تبا عصير .. ؟
عمار بعده يضحك: لا لا مابا شي .. عمو خليني اسير الله يخليج
عليا: صدق ما تبا .. والا ام لسان خلتك اتغير رايك ..
عمار مسك اديها: صدق مابا..وتعرفيني لو ابا ما بقولج لا .. حد يرد شي من هـ
الايد "وباسها "
عليا ابتسمت: الله يحفظك ويرضى عليك دنيا وآخره .. قول آمين ..
عمار: آمين ..
سلم على عمته وطلع من داخل .. ركب موتره وهو يدندن .. عقب ما بند الباب
استوعب ان في شخص ميلس ورا ..
عمار: اوه .. انتي شو تسوين هني .. ؟
شمه تتأفف: اترياك اتيي عشان ارد داخل "نزلت ونزل وراها عمار"
عمار: شمه ..
شمه لفت راسها بس : نعم ..!
عمار ابتسم: انا آسف ..
شمه صدت صوبه بكبرها: سبق وقلت لك .. وارد اقولك .. هذا اللي داخل "
واشرت ع السياره" احسه شي من قلبي " اشرت على نفسها" ما يحتاي
تعتذر او تستأذن .. اي شي يخص ثاني.. احسه امر وواجب عليه .. لاني " سكتت شوي
" احبه ..
وسارت ..
..
اذن العشا .. واذن لـ حارب بالقدوم على قولت مايد .. بس متى اتهنى ف شي هذا
الحارب .. !
حط ايده على ظهره وهو منصدم ..
صد وراه .. شافها تضحك بـ شغب وابوها وراها منزل راسه وميت عليهم من الضحك
..
حارب: يالـ .. كلببببببببببببببببببببببببببببببببببببببببببببببببببببببببببه
محمد: ايييييييييييييه لاتعلم بنتي هـ الالفاظ ..
حارب: شل بنتك شلكم اوباما انت وربعك قوم بو كنادير قصيره ..
راشد وهو يضحك: صدق اتعورت ..!
حارب بند عينه بـ ألم ورد حط اديه على ظهره ..
راشد: الله يغربل جوتيك ان شاء الله .. "وسار صوب حارب من ورا وحظنه"
ايه حروب اتعورت ..
حارب: والله ظهري يعووورني ..
راشد: ايهيي مب وققققتك ..
حارب بـ طرف عينه: انته ليش ..
راشد: شو انته ليش .. ما كلمت 24 ساعه من
ملجت .. يقومون يكفخونك قبل ما تشوفك العروس..
حارب: هاي الكلبه ..
محمد: لا تعللللللللللم بنتي هـ الالفاظ ..
راشد: محمد بقولك معلومه .. ترا في فرق بين كلبه وجلبه .. جلبه يوم يكون
مزاجه رايق .. يعني جنه يقول سخيفه .. بس كلبه .. هاي قويه عاد لازم تحذرون منها
.. تكون طالعه من قلبه تحسسك بـ معنى الكلوبيّه ..
محمد مطلع عينه ومنصدم: عوووووووذ بالله منكم ..
حارب: عوووذ بالله من جوووتيك شل بنتك واطلع برع ..
محمد يضحك: اتعوورت .. صدق .. ؟
حارب: لا من الصبح اسوي بروفا ..
محمد يضحك: آسف والله ..
حارب: شلللها هاي عفريته بعد بتفلعني ..
محمد: والله آسف لا تزعل ..
حارب: شووو ازعل .. ههههه شلها شلها ..
محمد: يلا روووضه ..
شلها وحطها على جتفه وهي تسوي باي وتضحك ..
حارب: احر ما عندي وابرد ما عندها ..
راشد: جان كفختها ..
حارب: والله لو ملجتي مب اليوم .. جان ما شفتي ارمس بهـ الهدوء ..
راشد: والله لو مالي قدم تشلني على المسير .. على دروب اهل المراجل والله
لـ أحبي حبي ..
حارب: و انته جبببببب..
مروان ومايد توهم يايين
حارب: خير خير انتو الثنينه .. ؟
مروان: هوبـل مالي ..
مايد: هوبل لييييييييييييييييييييي
راشد: لا والله ما بتقدرون توصلون لنا " وغير نبره صوته " على قلبيييييييييييييييييييي
حارب: فووووووووووووووووق
عمار عند الباب: ميانين الحمدلله والشكر مادري متى بيعقلون .. وسار صوب
اخوانه ..
حارب: اكملللت ..
عمار: يلا يلا خللص .. ؟
حارب: انتو شو عندكم ابا افهم .. ؟ ياخي ملجتي والا ملجتكم .. ؟
راشد: وشو الفرق بيننا وبينك .. ؟
مروان : رشود اسمح لي عاد .. انته اتقول حق حارب شو الفرق بينك وبيننا ..
والله اتضحك .. شوف لونه انته قبل عقب اسأل هـ السؤال .. حتى شيخو اللي هي شيخو
طلعت مواطنه وهذا .. ماقول غير مالت .. ولد القطب الشمالي ..
راشد يصفق ويغني: لابوكل ولابشرب ولا بوكل ولابشرب بس اطلع
بعيوني بالليل ياعيني بالليل
عمار: انت من ويييييييين اطلع هـ الاغاني .. ؟
راشد: هاي شاميه .. تظامنا مع حروب ..
حارب صد وراه شل علبه الكلنكس وفرها على راشد..
راشد حول اللهجه: وليييه بن عمّي حاااج تفش خلئك فينا " وقام يدخل
خليجي على شامي" اييه إلنا اليوم ملجتك .. بس حاج بئا تكفخ فينا ياريال ..
رد حارب يدور شي يفلع راشد به .. بس هالمره راشد شرد قبل ما يفلعه حارب ..
والاخوان ميتين عليهم من الضحك .. صدق هـ الثنينه .. جسد واحد عاشو به
اثنين ..
..
خلونا انسير عند اللي مخبصين الدنيا هناك .. بالضبط ف حجره حمده وشمه ..
عقب ما خلصو اللمسات الاخيره على قولتهم سمحولها تشوف شكلها ..
وقفت حمده جدام المنظره وانصدمت .. الميكب امغيرنها .. هي بدون ميكب حلوه
.. بس هالمره اللون لاعب دور كبير وزادها جمال .. وتسريحتها بسيطه بس بعد جميله ..
بعدها واقفه تطالع عمرها .. وبعدها منصدمه
شيخه: اللي مستغربه منه .. شي واحد ..
شمه: ألا وهو .. ؟
شيخه: حمدوووه .. جمييييله ماشاء الله .. وحرووب مايحتاي ارمس عن جماله ..
بس في شي صدق محيرني ..
شمه: شو انزين رمسي .. ؟
مهره: شي سخيف مثلها ..
شيخه: لا والله صددددق ..
مي: شو انزيين ..
شيخه: حمدوه سمرا .. وحروب .. ابيييييييييييييييييييييييييييييييييييييييض
.. هـ الثنينه باجر اذا يابو عيال شو بيطلعون فلم عربي مثلا ..!
ميثه: ههههههههههههههه والله انج ماصخه ..
حمده صدت صوبها: ماقول غير .. مااااالت عليج ..
شيخه: شكرا جزيلا ..
عليا توها يايه: يلا يلا .. حارب تحت ..
شيخه نقزت : فووووقه ..
نزلت .. ونزلن وياها .. اجدمن مهره وشيخه بما انهن خواته .. فتحن باب
الميلس ..دخلت حمده ..
اجدمت اكثر .. وقلبها قام يدق اكثر .. وقفت حذاله وهو امبلحق فيها ..
ومنصدم اصلا من اللي يصير ..
شيخه: اشش والله والله مفاجئه لا اكثر والله ..
حارب واقف ويطالعها بـ عصبيه ..
شيخه: انا ما يخصني .. انا مجرد أمَه مأموره ..
حارب : بعلمج كيف تكونين مأموره ..
شيخه: ههههههههههه والله ما يخصصصني .. هاي حركات اخوانك .. والله
مااايخصني
سكت وما رد عليها .. اجدمت مهره وهي تضحك .. واشرت على حمده بـ حياتها ..
عقبها بس استوعب حارب اللي يصير .. والا الفقير كان متحمس انه بييلس وياها بدون هـ
الازعاج والحشره ..
ابتسم .. وشبك اديه بـ اديها .. وهي قلبها قام يدق اسرع .. وامبين عليها
انها متوتره ..
ضغط حارب على اديها اكثر .. وصد صوبها ..
ملاكـْ بـ صوره بشر
هذا اللي قاله فـ خاطره .. حارب
شيخه تهمس ف اذن مهره: اشك انه يتحرطم علينا ف قلبه .. بينه وبين نفسه
الأماره بالسوء
مهره: ههههههههه زين شغلو نشيدتكم خلوه يلبسها ونطلع .. خلهم ياخذون راحتهم
..
شيخه: عيبتني السالفه ..
مهره: تأدبي .. " وغيرت نظرتها" بييج يوم يا شويخ ..
سكتت شيخه عنها وشغلت الزفه ..
اتلاقى هـ الليله هـ الــــــــليله قلبين
واتشابكت الايادي ف الارض وسماها
واتجــــــــــمع الاصحاب وكل المحبين
يناظرون الشمس لي طلت ســـناها
عروســــــــنا الافراح غنت بـ لـــحنين
لحن العـــــــذوبه ولحن اطرب هواها
واتناثرت الــــــورود بكــــــل البساتين
ترســـــم لنا لوحه فرح محلى ضياها
عروســـــنا تــــــــوجت بالدنيا والدين
يا حــظ من ظفرت اديه وسكن معاها
يا شيخه الجلاس يا احـــلى المزايين
يا صفـــحه العــــشاق وكــــلن قراها
عروســـــنا الـــليله فـــــــرحه ملايين
هـــذي السعاده تكـــتمل دامج وراها
وشوفي حولج البنات بـ شمال ويمين
جو زينوج يا عـــــروس وانتي الوجاهه
ليست هناك تعليقات:
إرسال تعليق