الأربعاء، 20 نوفمبر، 2013

الجزء الـ26 (1)

ف شقه خالد .. وين المزعجين كلهم ملتمين ف الصاله .. وعليا ف المطبخ .. والباجين سايرين صوبها ورادين الصاله .. مروان بعده تعبان .. يمشي بخطوات ثجيله بس عشان يسترد صحته .. وحارب وعامر حاشرين الدنيا .. اما خالد ف يتلبس عشان يسير المستشفى لين العصر عقب يلحقونه الباجيين ..

حارب: اييهييي .. حاله هاي الحين بيوون وريحتج ريحة مطبخ ..
عليا: شل الصينيه وحطها ع الطاوله انته ..
حارب: يوعااااااااااااااااااااااااااااااااااان .. انا لو ادري انج بتدلعينا جذه جااان عزمتهم من زمااان ..
عليا ظربته على ايده: شل الصينييه وودها ياحاارب ..
مروان بصوت ثجيل: وهي لو تدري انك بتلوع جبدها جذه جان ما يوزتك بنتها ..
عليا: اييه جني ماعرفه عااد ..
حارب: آآه من قلب يا عامر .. انا المفروض قبل ما ادور البنيه .. كنت ادوور اهلها واجوف امها ..
عليا: مالت عليك بس ماالت عليك ..
عامر: ويعلك ما تسواها ولا تسوا طباخها ..
عليا : طلعوووووووووو بررررررع ..
خالد توه ياي: شحقه مطفرين حرمتيه ..
حارب: يوم يقول حرمتيه يحسسني انهم مالجين بارحه امس ..
مروان: لا عاد هاي قويه ..
عامر: والله انك ما تستحي تقول عن ام حرمتك وابوها جذه ..
حارب ضحك: ههههههههه لا تكلموووني انا .. خلاص ابويه استويت خال الحينه ..
مروان: مادري منووو قاص عليه .. قم قم .. جبن ويقول لي خال ..

والكل ضحك عليه ..

حارب: آآه من قلب يا عامر ..
عامر: لا تجرحووون المجرووح ..
حارب: يبي يبي .. خليني اووودي .. بس اهنتوني بما فيه الكفايه ..
عليا: روحك اتييب الرمسه لـ عمرك ..

شل حارب الصينيه وطلع برع .. دقايق ورد .. ووراه وحده تمشي بكل هدوء عشان عليا ما اتحس بها .. صدو صوبها عامر ومروان .. وهي حطت اديها ع ثمها عشان اتسكتهم ..

عليا: ياللي ما تنفعوون .. يلا خلصوووني بسير اتسبح انا .. الحين بيون وانا ريحتي فايحه بصل وثوم ..

اجدمت منها وحظنتها من ورا

شيخه: وفديييييييييييييييييييييييييييييييييت هـ الريييييييييييييحه والله ..
عليا شهقت: شويييييييييييخ ..
مروان: لا .. انجلينا جوولي ..
عليا: ويعلها ما تسواااا بنتييي ..
مروان: خيييييييييييييييبه .. انزييين ماقلنا شي ..
شيخه: عموووه ..
عليا: يا روووح عموووه ..
شيخه: اشتقت لج .. اشتقت لج وااااااااااااااااايد ..
عليا: حبييبتي ..

عليا سحبت راسها عن حظنها ..

عليا: شخبارج ..
شيخه حظنت ويه عمتها: تبيني احظن هالويه وما اكون بخير

وردت حظنتها ..

شيخه: والله اشتقت حق حظنتج عموووه .. وااايد اشتقت لج
عليا: فدييتج والله
شيخه خذت نفس: فدييت هـ الريحه انا
عليا تضحك : ريحه شووو .. ريحة المطبخ
شيخه: ريحة المطبخ و الحشيش والحديقه والكرك وخبز رقاق وجدول الماي .. وايوب ..
عليا سحبتها عن حظنتها وظربتها ع راسها: ايوووب ف عينج ياللي ما تستحين ..

والكل ضحك عليها ..

شيخه: شحالك عمي خالد ..
خالد: بخير الحمدلله شويخ .. انتي شحالج ..
شيخه: عاال العااااااااال .. دام اني بينكم اكيد بخير .. " وصدت صوب عامر" يالمجروح ..
عامر: آآه من قلب ..
شيخه: بعدك انته ما داوو جروحك ..
عامر: تعالي انتي .. مبرووووك استويتي خالوووه ..
شيخه: الله يبارك فييك .. انته بعد مبرووك عمي عامر ..
عامر: فدييييتهم والله ..
مروان: انتو اللي تعاالو .. رشود من الصبح يحاول يطرش لنا الصور .. وقال انها وصلت حق حروب بس ..

وركضو عامر ومروان صوب حارب .. وشيخه طلعت وراهم وحذالها خالد وهم يضحكون .. اما عليا سارت تسبح دقايق وبترجع لهم ..

مروان: ياااااابن الذين ..
عامر: ياللي بسسس تحب تجرررح المجرووح ..
مروان: ويين عيال اختيييه ..
عامر: عياااال اخوووويه ..!
حارب: استحوو على ويوهكم وتعالو سلمو انتو قبل ..
عامر: اووه طويل العمر .. شخبارك ..!
حمد ضحك: الحمدلله بخير .. انته شحالك ..
عامر: تماام التماام ..
شيخه: على فكره هذا عم التووم ..
حمد: اووونه .. مبروووك ..
عامر: الله يبااارك فيكم .. مشكورين مشكورين .. اخجلتوني ..
مروان: شحاالك يالنسيب ..
حمد: الحمدلله انته شحالك ..
مروان: بنشكوور الله ..
حمد: ويين اللي بيدور له وحده شقرا .. ما كملت يومين وطحت ..
مروان: حسدووني حسدووني عفانا الله .. اول مره يجوفون واحد بهـ الجمال ..
شيخه: وايد واثق من نفسك انته ..
خالد: شحالك ابويه ..
حمد: بخير الحمدلله عمي .. انته شحالك ..
خالد: الحمدلله .. يلا انا اترخص ..
مروان: عمي خااالد .. دير بالك على اربيعنا العصر نحن عندكم ان شاء الله ..
خالد: شكرا .. انته لا اتيي هو بيكون بخير ..
مروان: خييييييييييييييييييييبه .. ما خلاني اقول شي حتى ..
عامر: بنييي وبنرقد هناك بعد .. واللي مب عايبنه يرد بلاده ..
حارب: نعم انتته ..
مروان: انته اللي نعم .. وين عيال اختييه ..
حارب: والله عيال اختك عند اختك .. ياي عندي انا ليش ..
عامر: عن الحركات والله قالو انهم طرشولك الصور ..
حارب:منو هـ الخراط لي قالكم ..
مروان: واحد مرابعنك .. مجابل ويهك ليل نهار بيطلع احسن عنك مثلا ..
حارب ضحك: ويعللللللكم ما تسووووونه قولو آمين ..
عامر: ليييش ان شاء الله .. طلللع الصوره بالزييين ..
حارب: كم بتعطوني ..
عامر: احمممد ربك انته استويت خال .. بس يكفيك هـ اللقب .. كم بتعطوني اونه ..

شيخه وحمد ماتو عليهم من الضحك ..

مروان: والله جبن وامصدق عمره " وغير صوته" استويت خاال ..
حارب: هههههههههه ذليتوووووووووووووووووووووونييييييييييييييي..
عامر: طلللع الصوووره بسرررعه ..
شيخه: انا بعد ما وصلتني .. اي شي حاولت شموه ماصار ..
حارب: احم احم .. عشان تعرفون بس .. فديييتهم والله عيال اختيييه .. هاه خذووو ذبحتوني ..
عامر سحب المبايل: فدييييييييييييييييييييتهم والله  .. ابا ادخل ف المبايل واقطعهمممممممم .. ردوني ردوني البلاد ماباكم
حارب: ييب ييب تيلفوني ..
مروان: فديييتهم والله .. كوووبي بيست مهررره ..
عامر: عنك عاااد.. يشبهون اخويه ..
مروان: هيه اجوف واحد منهم فيه لحيه ..
شيخه ضحكت وخذت المبايل: فديييييييييييتهم .. عسسسل والله وجدمت المبايل من حمد ..
حمد: ماشاء الله عليهم .. الله يحفظهم .. انا ما جايف اختكم ولا جايف اخوك .. بس الصراحه يشبهون شيخه وعمار ..
مروان: أه يلا خذ ..
حارب: لا والله صدقه .. ياخذون من شويخ وعمار ..
شيخه: فدييتهم .. طرش لي الصوره بسرعه ..
حارب: مايستوييي..
شيخه: يمكن هني يستوي .. طررش بسرعه ..
مروان: حرامي هذا ..
حارب: والله نيتي صافيه انا " وهو ميود مبايله" وينج انتي ..
شيخه عطته مبايلها: رد ظيفني .. مبايلي اخترب ..
حارب: خذتي لج واحد يديد يعني ..
شيخه: لا مبايل حمد هذا ..
حارب: وييه .. غيري نكج انزيين .. جنج واحد من الشباب ..
شيخه: هههههههههههههه  مالي بارض .. انته عقب ما اتضيفني سو لي نك وطرشه ..
حارب: يودي يودي متفيج لج انا ..
شيخه ظربته على راسه وخذت مبايلها..
مروان: ابوويه خال خال هذا .. لاتكلمييينه .. خلاص راسه حاار الحينه الخال
حارب: بس خلاااااااااااااااااااص .. بحترررق اليوم وبستوي صدددق خال جبببب يامال الجببب بتحسدوووني ..
شيخه: ههههههههههه شو سموهم ..
عامر: تعالو انتو شو سموهم  ..!
مروان: مادري ..
حارب: مااالت ويقولون لي انا بعد خال وخال ..
شيخه: ليش تدري شو سموهم ..!
حارب: لااا ..
مروان: جب عييل يا مال الجببب .. خالي واحد ..

ضحك حارب ونش ورا مروان اللي ركض .. وحمد يالس ويضحك عليهم .. صدق جوووهم غير .. ناس يحبون بعض ومتعلقين ف بعض لـ درجه ماتخيلها حمد .. ابدا 


..

ف دبي .. بالتحديد ف المستشفى ..

غطى عمار ويهه بديه وهو طفران

عمار: خلصوووني .. خلصوووني .. وراااي دوام المسا
ميره: دوامك المسا من الحين ليش محتشر..
عمار: ابا ارد البيت ارقد شويه .. دوامي يخلص الفير .. يلاااا
ميره:انزييين لا تعصب ..
عمار: محد بيأخرني عن الدوام غيركم ..
ميره: جان لبست الدريس وييت ..
عمار: خيبه تخيلي من الحين لين الساعه 9
ميره: مادري عنك متحشر .. توها 4 ونص ..
عمار: اقولج ابا ارد ارقد شويه.. وبعدين انتي عبالج الدنيا جذه .. تدرين لو حد شافني بالدريس وانا احوط ف المستشفى .. وسار اشتكى عليه شو بيسون بي ..
ميره: خيبه ليش ..
عمار: ممنوع ..
ميره: وانته كيف ماخذ راحتك .. !
عمار: انا مرتين بس ييت لـ أسباب ظروريه جدا .. اما اني ايي جذه بدون سبب ف بيحاكموني ..
ميره: ول ..
عمار نزل راسه: خلصووووووني ..
ميره: انزين انزيين .. عن اتصيح علينا

مسكت ميره ايد ثاني وسارت.. ضحك عمار .. رفع راسه .. طاحت عينه بـ عينها .. اختفت ضحكته وسكت .. اجدمت منه اكثر .. ووقفت جدامه ..

شمه: وين ثنوي ..!
عمار: وعليكم السلام ..
شمه تنهدت وردت رفعت راسها: وين ثاني..

عمار اشر بـ حياته صوب ميره وثاني .. صدت شمه صوبهم .. وردت اطالعت عمار وهي رافعه حياتها وامبين انها متنرفزه من الوضع ..


شمه: منو هاي ..!
عمار: وحده ..
شمه: منو هـ الوحده ..
عمار: وحده .. بدا يتعلق فيها ثنوي ..
شمه: وايد ماخذه راحتها ..
عمار: كيفها خلها تاخذ راحتها .. كل حد وله حريته الشخصيه ..

هزت شمه راسها واجدمت عنه .. بس وقفها عمار بـ سؤاله ..

عمار: منو يايبنج ..!
شمه: وانته .. ب صفتك منو عشان تسألني هـ السؤال ..
عمار جتف اديه: ولد خالج ..!
شمه: اي خال .. هـ الخال اللي ما اعترف به .. ولا احبه .. لانه ما يعني لي شي ..!

ردت صدت الصوب الثاني .. واجدمت خطوه بس وقفها عمار بـ رده ..

عمار: يوم ان ما نعني لج شي .. عيل ماله داعي اتسيرين فوق عند اختيه ..
شمه: مب سايره لانها اختك .. انا سايره فوق .. عند وحده اعتبرها حرمت ولد خالي لا اكثر ..

عطته ظهرها ومشت .. وعمار تم واقف مكانه منصدم من اسلوبها .. ثواني .. واتنهدت شمه وردت له ..

شمه: انا آسفه ..
عمار بعده منصدم: وانتي متعوده اتعقين الرمسه بدون حساب .. وعقب تعتذرين وانتي واثقه ان كل الناس بتقبل اعتذارج بدون لا تنجرح من كلامج ..! " نزل اديه" خلي الاعتذار للناس اللي يعنولج شي .. واللي تحبينهم وتعترفين بهم .. ما يحتاي اتجامليني اكثر عن جذه ..

عطاها ظهره .. وسار صوب ولده وبنت خاله .. وقف عند الباب وحط ايده على خصره .. ابتسم وهو يطالعهم بـ نظره شغب ..


عمار: انزين .. وبعدين ..!

اجدم منهم .. ميره سحبت ثاني ودسته وراها .. وهو يصرخ بـ ويه ابوه ..

ثاني: مابا مابا ..
عمار: تعال هني يالمشاغب ..
ثاني: ماباااك انته .. روح بيتكم ..
عمار: وانته وين بتسير ..!
ثاني: بثير العاب
عمار: يلا خذي .. وديتيه يوم واحد .. خلاص ربط ويهج بالالعاب .. كل ما يشوفج يتذكر ان في شي اسمه العاب ..
ميره: شله شله وده مكدونالز ..
ثاني: مابااا .. بثير العاب ..
عمار: امش امش انته انا مب فاضي لك..
ثاني: ما بي اياك ..
عمار: لا اتي بالطقاق .. طوفي ميره ..
ثاني: بالطقاق انته ..

عمار صد صوب ثاني وهو فاتح عيونه من الصدمه .. وميره ميته عليه من الضحك ..

ميره: انتتته اللي علمته .. بعد منصدم لييش ..!
عمار: امششش لا ايييك كف الحينه .. امشش ..
ميره: علمه علمه زياده .. عقب اوقف اونك منصدم ..
عمار: امشي انتي الثانيه بعد ..

ضحكت ميره .. مسكت ايد ثاني وطلعت من السوبرماركت سايره فوق عند ابوها .. وعمار طلع وراهم ..


..


ليست هناك تعليقات:

إرسال تعليق