الاثنين، 22 مارس، 2010

I got IELTS

بعد معاناة وتفكير وآآه طالعه من قلبي
بعد تطنيش ولامبالاه ولعب


خذت الآيلس

كنت اعاني وانا احاول ألقط كلمه تنفع اني اسد بها فراغ ف امتحان الـ Listening
كنت افكر واعصر مخي عسب أألف بدايه تجر بقيه افكاري ف امتحان الـ Writing
وآخر شي افر القلم وابتدي اتنهد واطنش الامتحان ابكبره
لين ما ايوني ويقولون لي

Excuse me there are 5 minutes Left

وارد مره ثانيه افتكر ف الامتحان واطييير ف الحل

قبل ما ينتهي الوقت الاصلي من الامتحان فكرت اسلم الورقه وانسحب من الامتحان>>على كيفي ماشيه الدنيا جنها
رديت تعوذت من بليس وقمت احل بدون لا اقرا السؤال
استوت عندي حصه رسم
كل شوي الون مربع يحتوي على حرف غير عن اللي فوقه

مره A مره Bمره C

ويوم امل العب وياهم صايح اعد لين10 واختار اللي اي عليه الدور
>> عندج وقت تعدين بس ماعندج وقت تقرين

سلمت الورقه وانا على يقين اني راااااسبه
هـ المره بيييب 3 بعد مش 4

لكن بتوفيق من رب العالمين
قدرت عليه ويبت

5

^___^

لانتقل من اللفلات الى الجنرال
وابتدء مسيره حياتي التعليميه لاصل الى الحلم الذي رسمه لي ابواي منذ الطفوله

دعواتكم

هناك 7 تعليقات:

  1. غير معرف10:40 ص

    مبرووووووكـ وعقبالنا انا محتاجه 6 الله يعين :)

    ردحذف
  2. congratulation < عسب تتناسب و يا الايلتس اونه

    مبروووك حيااتوو .. و ربي استانست لج من قلب

    يالله امي شدي الهمه الحين فالجنرال و لا تلعبين صايح ع قولتج تعدين لي العشره ههههه

    عقبال ما نفرح فيج حبوبه ..

    جد جد فرحتيني !!<< لا عم هب جد

    (=

    << عقبــــــــــــااالي يااااا رب P=

    ردحذف
  3. غير معرف8:09 م

    هع مبروووووووووك عقباالنا يكون من نصيبنا النجاح ^^ .. تااابعي في انتظاار الروائع منج :)

    ردحذف
  4. غير معرف9:23 م

    مبرووووك، تستاهلين كل خير، وعقبال ما آخذ شهادة الكامبردج

    ردحذف
  5. مبروووووك النجاح من الخااااطر الغالية ..
    اتمنى لج المزيد من التفوق والنجاح , وهذه خطوة مهمة في الحياة الغير ممكن يستفيدون منها ويتشجعون وياخذون الآيلتس مثلج ,,
    ونصيحة لج اتمهلي في الامتحان ولا تلعبين مثل ما قلتي OK
    ههع,^ ^

    ردحذف
  6. 1) ربي يبارك ف حياتج..ويوفقج لما يحب ويرضاه يارب


    الحشيمه
    ربي يبارك فيج .. وعقبالج يارب

    3) آميـن يارب .. ربي يوفقج ان شاء الله ويرزقج ع قد نيتج (=

    4) ربي يبارك فيج .. ويوفقج ان شاء الله ف الكامبردج وغيره ان شاء الله

    كوكي روكي
    ربي يبارك فيج .. زييين بتمهل ف المرات اليايه

    ثرهم قالوها مش كل مره تسلم الجره S=

    ردحذف
  7. غير معرف3:03 ص

    انا أمس اختبرت الايلز وربي كان مرة صعب ...

    هذا الاختبار الثالث لي الاول جبت 5,5 والثاني 5 والثالث الله يستر يارب ..... لازم اجيب 6,5

    ردحذف